ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟକୁ ନିବେଦନ କରି ଦୁର୍ଦ୍ଦଶା ଭୋଗୁଛନ୍ତି ବହୁ ଭାଗବତ ପ୍ରେମୀ: ଅନଶନ ନିଷ୍ପତି
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଯାଜପୁର,୨୦/୦୬(ଉ.ନ୍ୟୁଜ୍ ବ୍ୟୁରୋ): ଓଡିଆ ଜନଜୀବନ ଭାଗବତ ସର୍ବସ୍ୱ । ଭାଗବତକୁ ନେଇ ଗତିଶୀଳ ହୋଇଛି ଓଡିଆ ଜାତିର ସଂସ୍କୃତି, ପରମ୍ପରା ଓ ଜନଜୀବନ । ରାଜ୍ୟ ସରକାର ତରଫରୁ ସେଥିପାଇଁ ଗାଁ ଗଣ୍ଡାରେ ଭାଗବତର ପ୍ରଚାର ଓ ପ୍ରସାର ପାଇଁ ଉଦ୍ୟମ କରାଯାଇଛି । ଭାଗବତ ଟୁଙ୍ଗୀର ସୁରକ୍ଷା ଓ ବିକାଶ ପାଇଁ ବି ସରକାର ସହାୟତାର ହାତ ବଢାଇଛନ୍ତି । ମୁଖ୍ୟମନ୍ତ୍ରୀଙ୍କ ଏହି ପଦକ୍ଷେପରେ ବିଶ୍ୱାସ କରି ବହୁବାର ଭାଗବତ ଟୁଙ୍ଗୀଗୁଡିକ ସହାୟତା ପାଇଁ ଆବେଦନ କରି ନିରାଶ ହେବା ପରେ ପୁଣି ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛନ୍ତି । ହେଲେ ଏହାର ସୁଫଳ ପରିବର୍ତେ ବ୍ୟାପକ ଦୁର୍ଦ୍ଦଶା ଭୋଗୁଛନ୍ତି ବହୁ ଭାଗବତପ୍ରେମୀ ତଥା ବରିଷ୍ଠ ନାଗରିକ । ଏଥିପାଇଁ ଶେଷଥର ପାଇଁ ମୁଖ୍ୟମନ୍ତ୍ରୀଙ୍କୁ ଜଣାଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ପାଇଁ ନିଷ୍ପତି ନିଆଯିବା ଘଟଣା ସାଧାରଣରେ ଏବେ ମୁଖ୍ୟ ଆଲୋଚ୍ୟ ବିଷୟ ହୋଇଛି ।
ଖବରରୁ ପ୍ରକାଶ, ଯାଜପୁର ଜିଲ୍ଲାର ଧର୍ମଶାଳା ବ୍ଲକ ସାହାଣିଢିହ ପଂଚାୟତ ଚାରଗୋଠ ଗ୍ରାମରେ ରହିଛି ଶତାଧିକ ବର୍ଷ ପୁରୁଣା ଭାଗବତ ଟୁଙ୍ଗୀ । ଏହି ଗ୍ରାମଟି ଦୀର୍ଘବର୍ଷ ହେଲା ଅନ୍ୟ ଗୋଟିଏ ସ୍ଥାନରୁ ଉଠି ଆସିଥିଲେ ମଧ୍ୟ ଗାଁର ପୁରୁଣା ଅବସ୍ଥିତିରେ ମଧ୍ୟ ଏହି ଭାଗବତ ଟୁଙ୍ଗୀ ଥିଲା । ଜିଲ୍ଲାରେ ଯଦି କୌଣସି ଠାରେ ଦୈନନ୍ଦିନ ଭାଗବତ ଟୁଙ୍ଗୀରେ ସଂଧ୍ୟା ହେଲେ ବିଧି ମୁତାବକ ପୂଜାର୍ଚ୍ଚନା ପରେ ଭାଗବତ ପାଠ ହେଉଥାଏ, ତାହେଲେ ଏହା ଚାରଗୋଠର ଭାଗବତ ଟୁଙ୍ଗୀ ଅଟେ । ଚାରଗୋଠର ଏହି ଭାଗବତ ଟୁଙ୍ଗୀଟି ଗୋଟିଏ ଆଧ୍ୟାତ୍ମିକ ପରିବେଶ ମଧ୍ୟରେ ଗଢି ଉଠିଛି । ଚାଳଘର ଭିତରେ ଗୋବର ଲିପା ମାଟି ଘରେ ଠାକୁର ବିଜେ ହୋଇଥିବା ବେଳେ ସେଠାରେ ସୁନ୍ଦର ଭାଗବତ ପାଠ ଗ୍ରାମବାସୀଙ୍କ ପାଇଁ ଏକ ଭକ୍ତିପୂର୍ଣ୍ଣ ଆବେଗମୟ ପରିବେଶ ସୃଷ୍ଟି କରିଥାଏ ।
ଏହି ଭାଗବତ ଟୁଙ୍ଗୀରେ ଭାଗବତ ପାଠ କରୁଥିବା ଅଧିକାଂଶ ବରିଷ୍ଠ ନାଗରିକମାନେ ମଧ୍ୟ ପ୍ରବାଦ ପୁରୁଷ ବିଜୁବାବୁ ଏବଂ ନବୀନବାବୁଙ୍କ ଜୀବନବ୍ୟାପୀ ସମର୍ଥକ । ମୁଖ୍ୟମନ୍ତ୍ରୀଙ୍କ ଘୋଷଣା ଏବଂ ପ୍ରତିଶୃତିରେ ବିଶ୍ୱାସ କରି ଏହି ଭାଗବତପ୍ରେମୀମାନେ ଗତ ୩ ବର୍ଷ ମଧ୍ୟରେ ବହୁବାର ଜିଲ୍ଲାପାଳ ଏବଂ ଧର୍ମଶାଳା ବ୍ଲକ କାର୍ଯ୍ୟାଳୟରେ ସହାୟତା ପାଇଁ ନିବେଦନ କଲେ । କୌଣସି ସୁଫଳ ନମିଳିବାରୁ ଗତ ତା୧୮.୦୧.୨୧ରିଖରେ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କଲେ । ଏହାପରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ଆସିଥିବା ନିର୍ଦ୍ଦେଶ ମୁତାବକ ଧର୍ମଶାଳା ବ୍ଲକ ଉନ୍ନୟନ ଅଧିକାରୀ ଏକ ତଦନ୍ତ ରିପୋର୍ଟ ପତ୍ର ନଂ-୭୬୨; ତା୧୨.୦୨.୨୧ ପ୍ରଦାନ କଲେ । ଅଭିଯୋଗକାରୀଙ୍କୁ ମଧ୍ୟ ମେମୋ ନଂବର-୭୬୩ ପ୍ରଦାନ କରିଥିବାର ବିଶ୍ୱସ୍ଥ ସୁତ୍ରରୁ ପ୍ରକାଶ । ହେଲେ ଆଶ୍ଚର୍ଯ୍ୟର କଥା ଯେ, ଯେଉଁମାନଙ୍କ ଅଭିଯୋଗରେ ଏହି ତନନ୍ତ କରାଗଲା ସେମାନେ ଏହି ତଦନ୍ତ ନେଇ କିଛି ଜାଣି ନାହାନ୍ତି କିମ୍ବା ସେମାନଙ୍କୁ ଏଥିନେଇ ଉପରୋକ୍ତ ମେମୋ ନଂବରରେ କୌଣସି ପତ୍ର ମିଳିନାହିଁ । ତେବେ ୫-ଟି ର ସରକାରରେ ସରକାରୀ କଳ କିଭଳି ଏଭଳି ତଦନ୍ତ କଲା ବୋଲି ପୁନଶ୍ଚ ତା୧୮.୦୫.୨୧ ରିଖରେ ଏହି ଭାଗବତପ୍ରେମୀମାନଙ୍କ ତରଫରୁ ଆଉ ଏକ ଅଭିଯୋଗ କରାଗଲା । ଏପରିକି ଏହି ଅଭିଯୋଗ ନେଇ କ’ଣ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି, ସେଥିନେଇ ସୂଚନା ଅଧିକାରରେ ତଥ୍ୟ ମଗା ଗଲା ପରେ ବି କୌଣସି ସୁଫଳ ମିଳିଲା ନାହିଁ ।
ଖବର ନେବାରୁ ଜଣାପଡିଛି ଯେ, ଧର୍ମଶାଳା ବ୍ଲକରେ କାର୍ଯ୍ୟରତ ଜଣେ କିରାଣୀଙ୍କ ଦ୍ୱାରା ରାଜ୍ୟରେ ସର୍ବୋଚ୍ଚ ଶାସନ ମୁଖ୍ୟ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ନେଇ ସାଧାରଣରେ ଭିନ୍ନ ଧାରଣା ସୃଷ୍ଟି କରାଯାଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ଆସୁଥିବା ବହୁ ଅଭିଯୋଗକୁ ଚାପି ଦିଆଯାଉଛି । ଏହି କିରାଣୀ ଜଣକ ପ୍ରତ୍ୟେକ କାର୍ଯ୍ୟରେ ମୋଟା ଅଙ୍କର ଅର୍ଥ ନେଇ ନ ହେବା କାର୍ଯ୍ୟକୁ ମଧ୍ୟ କରି ଦେଉଛନ୍ତି ଶୁଣାଯାଉଛି । ସେଥିପାଇଁ କୌଣସି କାର୍ଯ୍ୟ ନେଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଅଭିଯୋଗ କଲେ କୌଣସି ସୁଫଳ ମିଳିବ ନାହିଁ ବୋଲି ଏହି କିରାଣୀ କହିବା ସହ ଏହାକୁ ପ୍ରମାଣିତ ମଧ୍ୟ କରିଚାଲିଛନ୍ତି । ଫଳରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଅଭିଯୋଗ କରୁଥିବା ବ୍ୟକ୍ତିଙ୍କୁ ହତାଶ ହେବା ସହ ଏଥିନେଇ ହେଉଥିବା କାର୍ଯ୍ୟାନୁଷ୍ଠାନ ନେଇ ମଧ୍ୟ ବିଧି ଅନୁସାରେ କାର୍ଯ୍ୟାନୁଷ୍ଠାନ ବିବରଣୀ ଦେଉନାହାନ୍ତି । ଏ କ୍ଷେତ୍ରରେ ମଧ୍ୟ ଭାଗବତପ୍ରେମୀ ବରିଷ୍ଠ ନାଗରିକମାନେ ବି.ଜେ.ଡି ନେତା ତଥା ସମାଜସେବୀ ସତୀଶ ବିଶ୍ୱାଳଙ୍କ ନେତୃତ୍ୱରେ ୨୦ ତାରିଖରେ ମୁଖ୍ୟମନ୍ତ୍ରୀଙ୍କୁ ଏହି ମର୍ମରେ ପତ୍ର ଲେଖି ଏଥିନେଇ ୭ ଦିନ ମଧ୍ୟରେ କାର୍ଯ୍ୟାନୁଷ୍ଠାନ ଗ୍ରହଣ କରାନଗଲେ ସେମାନେ ବାଧ୍ୟ ହୋଇ ଯାଜପୁର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିବେ ବୋଲି ନିଷ୍ପତି ନେଇଛନ୍ତି ।
Loading ...
