ଓଡ଼ିଶୀ ନୃତ୍ୟଶିଳ୍ପୀ ତନୁଶ୍ରୀଙ୍କ ପ୍ରତିଭା ପହଂଚି ପାରିଛି ସୁଦୂର ନେପାଳରେ
SUB -EDITOR
UDAYABATA E-NEWS
ଉଦୟବଟ ଓ ଉଦୟବଟ ଇ – ନ୍ୟୁଜ
ବ୍ୟାସନଗର; ୧୩/୦୧: ସୁଦୂର ନେପାଳର କାଠମାଣ୍ଡୁଠାରେ ଅନୁଷ୍ଠିତ ପଶୁପତିନାଥ ମହୋତ୍ସବରେ ନିଜର ଓଡ଼ିଶୀନୃତ୍ୟ କଳା ପ୍ରଦର୍ଶନ କରି ତନୁଶ୍ରୀ ପ୍ରିୟଦର୍ଶିନୀ ରାୟ ଯାଜପୁର ଜିଲ୍ଲା ତଥା ଓଡ଼ିଶା ପାଇଁ ଏକ ନୂତନ ପରିଚୟ ସୃଷ୍ଟି କରିପାରିଛନ୍ତି। ସୂଚନାନୁଯାୟୀ ପିଲାବେଳୁ ନୃତ୍ୟ ପ୍ରତି ଆହେତୁକ ଦୁର୍ବଳତା ତାଙ୍କୁ ଆଜି ସଫଳ ନୃତ୍ୟଶିଳ୍ପୀ ଭାବେ ଏକ ନୂତନ ପରିଚୟ ଆଣିଦେଇଛି। ସେ ଯାଜପୁର ଜିଲ୍ଲା ପୁରୁଷୋତ୍ତମପୁର ନିବାସୀ ଶ୍ରୀମନ୍ତ କୁମାର ରାୟ ଓ ଅଲିଭା ରାୟଙ୍କର ସୁକନ୍ୟା ସୁଶ୍ରୀ ତନୁଶ୍ରୀ ପ୍ରିୟଦର୍ଶିନୀ ରାୟ। ତାଙ୍କର ପିତା ଶ୍ରୀମନ୍ତ ଅଧୁନା ମଉଣ୍ଟ ଲିଟେରା ଜି ସ୍କୁଲ ଯାଜପୁରରେ ବରିଷ୍ଠ ହିନ୍ଦୀ ଶିକ୍ଷକ ଭାବେ କାର୍ଯ୍ୟରତ। ଗୁରୁ ବୈକୁଣ୍ଠ ନନ୍ଦ ଓ ନାରାୟଣ ସାହୁଙ୍କ ପ୍ରତ୍ୟକ୍ଷ ଦିଗଦର୍ଶନରେ ଓଡ଼ିଶୀ ନୃତ୍ୟ କ୍ଷେତ୍ରରେ ଶିଖର ସ୍ଥାନରେ ପହଞ୍ଚିବାରେ ସଫଳ ହୋଇପାରିଛନ୍ତି ତନୁ। ସରସ୍ବତୀ କଳା ବିହାର ଯାଜପୁର ଓ ବାମଚରଣ ମିତ୍ର ସାହିତ୍ୟ ସଂସଦର ବର୍ଷିକୋତ୍ସଵ, ସେଣ୍ଟ ଜାଭିୟର ସେକେଣ୍ଡାରୀ ସ୍କୁଲର ବର୍ଷିକୋତ୍ସଵ, ସ୍ଥାନୀୟ ହିଙ୍ଗୁଳା ମହୋତ୍ସବ,କୋରେଇ ସାହିତ୍ୟ ସଂସଦ ଓ ବ୍ୟାସନଗର ମହୋତ୍ସବରେ ନିଜର ଓଡ଼ିଶୀ ନୃତ୍ୟ ପ୍ରଦର୍ଶନ କରି ପୁରସ୍କୃତ ହୋଇଛନ୍ତି। ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ତରଫରୁ “ପ୍ରତିଭାସଙ୍ଗମ”ରେ ତାଙ୍କୁ ସମ୍ନାନିତ କରାଯାଇଛି। ସ୍ଥାନୀୟ ବ୍ୟାସନଗର ସ୍ୱୟଂ ଶାସିତ ମହାବିଦ୍ୟାଳୟର ସେ ବାଣିଜ୍ୟର ଛାତ୍ରୀ ଅଟନ୍ତି। ଭବିଷ୍ୟତରେ ସେ ଜଣେ ପ୍ରତିଷ୍ଠିତ ନୃତ୍ୟଶିଳ୍ପୀ ହେବେବୋଲି ଆଶା ରଖିଛନ୍ତି।ତାଙ୍କର ଏହି ପ୍ରୟାସ ,ସୁନ୍ଦର ପ୍ରତିଭା ପାଇଁ ବୁଦ୍ଧିଜୀବୀ ଓ ଶିକ୍ଷାବିତ ମହଲରେ ପ୍ରଶଂସାର ସୁଅ ଛୁଟିଛି।
Loading ...
