‘ଉଦୟବଟ’ ତରଫରୁ ୭୯ତମ ସ୍ୱାଧିନତା ଦିବସ ପାଳିତ; ‘ଉଦୟବଟ ଇ-ନ୍ୟୁଜ୍’ର ୬ଷ୍ଠ ବାର୍ଷିକୋତ୍ସବ
ବ୍ୟାସନଗର, ୧୫/୦୮(ଉ.ନ୍ୟୁଜ୍ ବ୍ୟୁରୋ): ସ୍ଥାନୀୟ ‘ଦୁର୍ଲ୍ଲଭ କଳା ପରିଷଦ ମଣ୍ଡପ’ ଠାରେ ‘ଉଦୟବଟ’ ପକ୍ଷରୁ ପବିତ୍ର ୭୯ତମ ସ୍ୱାଧିନତା ଦିବସ ସଂପାଦକ ଦୁଷ୍ମନ୍ତ କୁମାର ରାଉତଙ୍କ ଅଧ୍ୟକ୍ଷତାରେ ମହାସମାରୋହରେ ଅନୁଷ୍ଠିତ ହୋଇଯାଇଛି । ଏଥିରେ ବ୍ୟାସନଗର ବରିଷ୍ଠ ନାଗରିକ ମଂଚର ସଂପାଦକ ତଥା ବରିଷ୍ଠ ସମାଜସେବୀ ଶ୍ରମିକ ନେତା ଚନ୍ଦ୍ରମଣି ସାମଲ ମୁଖ୍ୟ ଅତିଥି ଭାବେ ଯୋଗ ଦେଇ ଏଠାରେ ତ୍ରିରଂଙ୍ଗାକୁ ଉତୋଳନ କରିଥିଲେ । କାର୍ଯ୍ୟକ୍ରମରେ କ୍ରୋମନଗର ବିଦ୍ୟାପୀଠ (ଉଚ୍ଚ ବିଦ୍ୟାଳୟ)ର ଅବସରପ୍ରାପ୍ତ ପ୍ରଧାନ ଶିକ୍ଷକ ସଂଜୟ କୁମାର ଦେଓ ମୁଖ୍ୟବକ୍ତା ଭାବେ, ବ୍ୟାସନଗର ବରିଷ୍ଠ ନାଗରିକ ମଂଚର ଉପ-ସଭାପତି ପ୍ରଫୁଲ୍ଲ କୁମାର ନାୟକ ସମ୍ମାନିତ ଅତିଥି ଭାବେ ଯୋଗ ଦେଇ କହିଥିଲେ ଯେ, ‘ଉଦୟବଟ’ ଜରିଆରେ କରାଯାଉଥିବା ବିଭିନ୍ନ ଜାତୀୟ ପର୍ବପର୍ବାଣୀ ଓ ସଚେତନାଧର୍ମୀ କାର୍ଯ୍ୟକ୍ରମ ବସ୍ତି ଅଂଚଳର ଶୈକ୍ଷିକ ବିକାଶରେ ସହାୟକ ହୋଇଆସୁଛି । ଖବର ପ୍ରକାଶନ ସହ ‘ଉଦୟବଟ’ ଦୀର୍ଘ ୦୩ ଦଶନ୍ଧିରୁ ଉର୍ଦ୍ଧ ସମୟ ଧରି ବିଭିନ୍ନ ସାମାଜିକ ତଥା ଜନକଲ୍ୟାଣକାରୀ କାର୍ଯ୍ୟକ୍ରମ ଜରିଆରେ ବିଭିନ୍ନ ମହଲରେ ଆଦୃତ ହେଉଛି, ତେଣୁ ଏଭଳି କାର୍ଯ୍ୟକ୍ରମଗୁଡିକ ଜାରୀ ରଖିବାକୁ କହିବା ସହ ଏହାର ଭୂୟସୀ ପ୍ରଂଶସା କରିଥିଲେ । ‘ଉଦୟବଟ’ର କାର୍ଯ୍ୟନିର୍ବାହୀ ସଂପାଦିକା ବିଦ୍ୟୁତ୍ପ୍ରଭା ରାୟ ଅତିଥି ପରିଚୟ ପ୍ରଦାନ କରିଥିବା ବେଳେ ‘ଦୁର୍ଲ୍ଲଭ କଳା ପରିଷଦ’ର କଳାକାର ସୁମିତ୍ରା ମିଶ୍ର ଓ ଅନ୍ୟମାନେ ଦେଶାତ୍ମବୋଧକ ସଂଗୀତ ଗାନ କରିଥିଲେ । ଏଥିରେ କେରଳ କୋଲ୍ଲମ ଅଂଚଳର ସାମାଜିକ କର୍ମୀ ଜି. ସୁରେନ୍ଦ୍ରନ ପିଲାଇ, ଯାଜପୁର ଜିଲ୍ଲା ବଜରଙ୍ଗ ଦଳ ସଂଯୋଜକ ବସନ୍ତ କୁମାର ପାତ୍ର, ଶ୍ରମିକ ନେତା ଅରୁଣ କୁମାର ଦାସ, ଓଏଫଡିସି ଅବସରପ୍ରାପ୍ତ କର୍ମଚାରୀ ବିପ୍ଳବ କୁମାର ଦତ, ଅଭିମନ୍ୟୁ ବିଶ୍ୱାଳ, ପ୍ରଫୁଲ୍ଲ ବାରିକ, କବୟତ୍ରୀ ସୁମିତ୍ରା ମିଶ୍ର, ରମେଶ ଦାସ, ହରଦୟାଲ ସିଂ, ଯୁବ ସମାଜସେବୀ ପ୍ରଦୀପ ବାରିକ, ଅନୂପ କୁମାର ଦାସ, ଦେବ ମହାରଣା, ଶତାଦ୍ଦୀ ଜୟବ୍ରତ ସାମଲ, ସାଲେପୁର ଅଂଚଳର ଯୁବ ସମାଜସେବୀ ବିଭୂପ୍ରସାଦ ଲେଙ୍କା, ଦଶରଥପୁର ଅଂଚଳର ସମାଜସେବୀ ଗଣେଷ ମହାନ୍ତି, ବରିଷ୍ଠ ନାଗରିକ ମଂଚର ଶଙ୍କର୍ଷଣ ସାହୁ, ସନାତନ ମଲ୍ଲିକ, ନରହରି ବେହେରା, କଳିଙ୍ଗନଗର ଅଂଚଳର ବରିଷ୍ଠ ସାମ୍ବାଦିକ ଅଭୟଲୋଚନ ନାୟକ, ପରମାନନ୍ଦ ମିଶ୍ର, ଜ୍ୟୋତ୍ସାରାଣୀ ଦତ, ନୀଳେନ୍ଦ୍ରୀ ନାୟକ, ଅନ୍ନପୂର୍ଣ୍ଣା ରାୟ, ମଂଜୁଲତା ନାୟକ, ପିଙ୍କି ନାଥ, ଭାରତୀ ବେହେରା, ଇନ୍ଦୁମତି ନାୟକ, ଗୋଲାପ ମଲ୍ଲିକ, ଦିପ୍ତୀମୟୀ ନାୟକ, ଗୋଲାପ ମୁଣ୍ଡା, ଆରତୀ ବାରିକ, ମିଟି ମହାରଣା, ଜୀତେନ୍ଦ୍ର ଦାସ, ଝାଟୁ ଦଳେଇ, ରବୀନ୍ଦ୍ର ଗୁରୁ, ସୋନୁ ସିଂ, ରତିକାନ୍ତ ମହାନ୍ତି ପ୍ରମୁଖଙ୍କ ସହ ବହୁ ସ୍ଥାନୀୟ ଅଂଚଳର ବ୍ୟକ୍ତିବିଶେଷ, ଛାତ୍ରଛାତ୍ରୀ ଆଦି ଅଂଶଗ୍ରହଣ କରିଥିଲେ । ଏଠାରେ ‘ଉଦୟବଟ ଇ-ନ୍ୟୁଜ୍’ର ୬ଷ୍ଠ ବାର୍ଷିକୋତ୍ସବ ମଧ୍ୟ ପାଳିତ ହୋଇଥିଲା । ଶେଷରେ ସମୀର କୁମାର ମିଶ୍ର ଧନ୍ୟବାଦ ଅର୍ପଣ କରିଥିଲେ ।
Loading ...
