ଟ୍ରକ ଧକ୍କାରେ ବାଇକ ଆରୋହୀଙ୍କ ଘଟଣା ସ୍ଥଳରେ ମୃତ୍ୟୁ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
କୋରାଇ: ଜିଲ୍ଲାର କୋରାଇ ବ୍ଲକ ଅନ୍ତର୍ଗତ ଆଲିଆ ଛକରେ ଘଟିଛି ଏକ ମର୍ମନ୍ତୁଦ ସଡକ ଦୁର୍ଘଟଣା । ଅଜଣା ଟ୍ରକ ଧକ୍କାରେ ଜଣେ ବାଇକ ଆରୋହୀଙ୍କ ଘଟଣା ସ୍ଥଳରେ ମୃତ୍ୟୁ ଘଟିଛି । ସୂଚନାମୁତାବକ, ଆଜି ସକାଳ ୧୦ ଟା ବେଳେ ଜଣେ ବାଇକ ଆରୋହୀ ଯାଜପୁରରୋଡ଼ରୁ ପାଣିକୋଇଲି ଅଭିମୁଖେ ଯାଉଥିବାବେଳେ ହଠାତ ଏକ ଟ୍ରକ ତାଙ୍କ ପଛପଟୁ ଶକ୍ତ ଧକ୍କା ଦେଇଥିଲା । ଫଳରେ ଘଟଣାସ୍ଥଳରରେ ଯୁବକ ଜଣକ ଗୁରୁତ୍ତର ଅବସ୍ଥାରେ ପଡ଼ିଥିବା ବେଳେ ସ୍ଥାନୀୟ ଲୋକେ ଯୁବକକୁ ଶହେ ଆଠ ଆମ୍ବୁଲାନ୍ସ ଯୋଗେ ଯାଜପୁରରୋଡ଼ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ । ମାତ୍ର ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ଅନ୍ୟପଟେ ଦୁର୍ଘଟଣା ଘଟାଇଥିବା ଟ୍ରକଟି ଫେରାର ହୋଇଯାଇଥିବା ଜଣାପଡିଛି । ସୂଚନା ପାଇ କୋରାଇ ପୋଲିସ ଘଟଣା ସ୍ଥଳରେ ପହଞ୍ଚି ପଲସର ବାଇକକୁ ଜବତ କରିବା ସହ ମେଡ଼ିକାଲରେ ପହଞ୍ଚି ଶବକୁ ଜବତ କରିଛି ଏବଂ ଶବ ବ୍ୟବଛେଦ ନିମନ୍ତେ ସ୍ଥାନୀୟ ଦାନଗଦୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଛି । ମୃତ ଯୁବକକ ଜଣକଙ୍କ ନାମ ସଞ୍ଜୟ କୁମାର ଶିଅଳ ହୋଇଥିବା ବେଳେ ତାଙ୍କ ଘର କାଚରାସାହି ପଞ୍ଚାୟତ ଅନ୍ତର୍ଗତ ରଗଡି ସ୍ଥିତ ରାଉତରାୟପୁର ବୋଲି ଜଣାପଡିଛି । ଯୁବକ ଜଣଙ୍କର କିଛି ଦିନ ତଳେ ନିର୍ବନ୍ଧ ହୋଇଥିଲା ଓ ତାଙ୍କର ୨ ମାସ ଭିତରେ ବିବାହ ହୋଇଥାନ୍ତା, କିନ୍ତୁ ବିବାହ ପୂର୍ବରୁ ଉଜୁଡିଗଲା ଦାମ୍ପତ୍ୟ ଜୀବନର ଅଭୁଲା ସ୍ବପ୍ନ । ସଞ୍ଜୟଙ୍କ ମୃତ୍ୟୁ ଖବର ଶୁଣି ନିର୍ବନ୍ଧ ହୋଇଥିବା ଝିଅର ଘଟଣାସ୍ଥଳରେ କୋହଭରା ଛାତି ଫଟା କାନ୍ଦର ଦୃଶ୍ୟ ଅଞ୍ଚଳକୁ ଦୋହଲାଇ ଦେଇଛି । ମୃତ ସଞ୍ଜୟ ପରିବାରର ଏକମାତ୍ର ପୁଅ ଥିଲେ । ସଞ୍ଜୟ ପାଣିକୋଇଲି ସ୍ଥିତ ଏକ ଏୟାରଟେଲ କମ୍ପାନୀରେ କାର୍ଯ୍ୟରତ ଥିଲେ । ତେବେ ଆଜି ସେ ସକାଳୁ ତାଙ୍କ ଅଫିସକୁ ଯାଉଥିବା ବେଳେ ଏଭଳି ଅଘଟଣ ଘଟିଥିଲା । ଘଟଣାର ତଦନ୍ତ ଚଳାଇଛି କୋରାଇ ପୋଲିସ । (ଉମାକାନ୍ତ ମହାପାତ୍ରଙ୍କ ରିପୋର୍ଟ)
Loading ...
