କିଏ କ’ଣ କରିବେ…….!
କିଏ କ’ଣ କରିବେ…….!
ମୁଁ ନ ଥିଲା ବେଳେ
ଭାବି ମୁଁ ବସିଲି ଯେବେ,
ମିଛ କେତେ ଯେ ଏ ଦୁନିଆ ସତେ
ଜାଣିଲି ମୁଁ ଅଳ୍ପ ପ୍ରୟାସେ ।
ଭାବି ନିଜକୁ ସଭିଏଁ ଚତୁର, କରି ଚାଲନ୍ତି ନାଟକ
ସ୍ୱାର୍ଥ ପଛେ ସାଜି ଅନ୍ଧ, ନ ବିଚାରି କିଛି ଆଗ ପଛ ।
ସ୍ୱାମୀ ଅଗୋଚରେ ପତ୍ନୀ, ପତ୍ନୀ ଅଗୋଚରେ ସ୍ୱାମୀ
ଭାଗନ୍ତି ନିଜର ସଂସାର ହିଁ, ଜଣେ ଅନ୍ୟକୁ ବୋକା ଭାବି ।
ମାଲିକକୁ ଠକିବାକୁ ଚାକର, କରେ ଫନ୍ଦି ଫିକର
ନ ଭାବି କରି ମନ ସ୍ଥିର, ବୁଡ଼ିଯିବ ନିଜ ରୋଜଗାର ।
ମିଛ ପ୍ରତିଶୃତି ଦେଇ ନେତା, ସାଜନ୍ତି ସମାଜର ତ୍ରାଣକର୍ତ୍ତା
ଜାଗି ଯିବେ ଯଦି ସବୁ ଜନତା, ହଜି ଯିବ ସବୁ ଆସ୍ପର୍ଦ୍ଧା ।
ବେପାରୀ କରେ ମିଠା କଥା, ଗ୍ରାହକ ବନିଯାଏ ବୋକା
ସବୁଦିନ ନ ଥାଏ ଅନ୍ଧାରି ନିଶା, ଧରା ପଡିଯାଏ ତାର ସବୁ ତାମସା
ନ ଥିଲେ ଶ୍ରେଣୀରେ ଶିକ୍ଷକ, ଛାତ୍ର କରନ୍ତି ହଟଗୋଳ
ଭୁଲି ଯାଆନ୍ତି ତାଙ୍କ ଉପଦ୍ରବ, କରିବ ସେମାନଙ୍କ ଦଣ୍ଡ ବିଧାନ ।
ଜଙ୍ଗଲର ଅଛି ଏକ ନିୟମ, ନ ଥାଏ ଯଦି ଘରେ ବାଘ
ନାଟ ରଚେ ବୋକା ମିରିଗ, ଭାବୁଥାଏ ହେଲେ ନିଜକୁ ଭାରି ଚତୁର ।
-ବିଭୂ ରଂଜନ ସାହୁ, ଅଧିକ୍ଷଣ ଯନ୍ତ୍ରୀ, ଟିପିଏନ୍ଓଡିଏଲ, ଯାଜପୁରରୋଡ, ଯାଜପୁର ।
Live Share Market
Loading ...
