‘ଟିସ୍କୋ’ର ଅବସରପ୍ରାପ୍ତ କର୍ମଚାରୀ ଭକ୍ତବଲ୍ଲଭ ସାହୁଙ୍କ ପରଲୋକ
ବ୍ୟାସନଗର, ୧୭/୧୦: ଯାଜପୁରରୋଡର କହ୍ନେଇପୁର ଅଂଚଳରେ ବସବାସ କରୁଥିବା ‘ଟିସ୍କୋ’ କାଳିଆପାଣିର ଅବସରପ୍ରାପ୍ତ ମେକାନିକାଲ ଫୋରମ୍ୟାନ ଭକ୍ତବତ୍ସଳ ସାହୁଙ୍କ ଆଜି ସକାଳେ ୮୦ ବର୍ଷ ବୟସରେ ତାଙ୍କ ବାସଭବନରେ ପରଲୋକ ଘଟିଛି । ସେ କିଛି ଦିନ ହେଲା ମେରୁଦଣ୍ଡ ଜନିତ ସମସ୍ୟା ଯୋଗୁ ଅସୁସ୍ଥ ଥିଲେ । ସେ ଅବସର ପରେ ବିଭିନ୍ନ ସଂଗଠନ ସହ ଜଡିତ ଥିଲେ ଓ ଜଣେ ବନ୍ଧୁବତ୍ସଳ, ମେଳାପି ସ୍ୱଭାବର ବ୍ୟକ୍ତି ଥିଲେ । ତାଙ୍କରି ପ୍ରେରଣାରେ ସୁକିନ୍ଦା କ୍ରୋମାଇଟ ମାଇନ୍ସର ପୁରାତନ କର୍ମଚାରୀମାନେ ସଂଗଠନ ଗଢ଼ିଥିଲେ । ଏହି ସଂଘ ପରସ୍ପରର ଭଲମନ୍ଦରେ ସାମିଲ ହେଉଥିବା ସହ ସମାଜସେବା ମଧ୍ୟ କରିଆସୁଛି । ତାଙ୍କ ବିୟୋଗରେ ଏହି ସଂଘର କର୍ମକର୍ତାମାନଙ୍କ ସହ ବିଭିନ୍ନ ମହଲରେ ଶୋକବ୍ୟକ୍ତ କରାଯାଇଛି । ବରିଷ୍ଠ କର୍ମକର୍ତା ସଂଘର ସଂପାଦକ ତଥା ସମାଜସେବୀ ଉପେନ୍ଦ୍ରନାଥ ମହାନ୍ତି, ବରିଷ୍ଠ କର୍ମକର୍ତା ନନ୍ଦକିଶୋର ମହାନ୍ତି, ବରିଷ୍ଠ ସାମ୍ବାଦିକ ଚିନ୍ତାମଣି ପାଢ଼ୀ, ବ୍ୟାସନଗର ବରିଷ୍ଠ ନାଗରିକ ମଂଚର ସଂପାଦକ ଚନ୍ଦ୍ରମଣି ସାମଲ, ‘ଉଦୟବଟ’ର ସଂପାଦକ ଦୁଷ୍ମନ୍ତ କୁମାର ରାଉତ ପ୍ରମୁଖ ଶୋକ ବ୍ୟକ୍ତ କରିବା ସହ ୰ ସାହୁଙ୍କ ଅମର ଆତ୍ମାର ସଦ୍ଗତି କାମନା କରିଛନ୍ତି ।
ମୃତ୍ୟୁ ଶଯ୍ୟା ନିକଟରେ ତାଙ୍କ ସହଧର୍ମୀଣି ବିଜୟାରାଣୀ ସାହୁ, ବଡ ପୁଅ ରଞ୍ଜିତ କୁମାର ସାହୁ, ସାନ ପୁଅ ତଥା ଦନ୍ତରୋଗ ବିଶେଷଜ୍ଞ ଚନ୍ଦ୍ରଶେଖର ସାହୁ, ୦୨ ପୁତ୍ରବଧୂ ମମତା ଓ ଦିପ୍ତିମୟୀ, ୦୨ଝିଅ ମାମି ଓ ବବି, ୦୨ ଜ୍ୱାଇଁ ଶୁଭାଶିଷ ଓ ପ୍ରଭାତ, ନାତି, ନାତୁଣୀ ଆଦି ଜ୍ଞାତିକୁଟୁମ୍ଭ ଉପସ୍ଥିତ ଥିଲେ । ଯାଜପୁରର ବୈତରଣୀ ନଦୀକୂଳ ଶଶ୍ମାନରେ ତାଙ୍କର ଅନ୍ତିମ ସକାôର କରାଯାଇଥିବାର ଜଣାଯାଇଛି ।
Loading ...
