ବ୍ୟାସନଗର ବରିଷ୍ଠ ନାଗରିକ ମଂଚର ୧୩ତମ ବାଷିକୋତ୍ସବ ପାଳିତ
ବ୍ୟାସନଗର, ୦୩/୦୮(ଦୁଷ୍ମନ୍ତ କୁମାର ରାଉତ/ଅନୂପ କୁମାର ଦାସଙ୍କ ଠାରୁ) : ବ୍ୟାସନଗର ବରିଷ୍ଠ ନାଗରିକ ମଂଚର ୧୩ତମ ବାର୍ଷିକୋତ୍ସବ ଏବଂ ପତ୍ରିକା ‘ଅନୁଭବ’ ଓ କବିତା ଗୁଚ୍ଛ ‘ଭାବ ବ୍ୟଞ୍ଜନ’ର ଉନ୍ମୋଚନ ଉତ୍ସବ ଆଜି ରବିବାର ଅପରାହ୍ନରେ ସ୍ଥାନୀୟ ଚୋରଦା ସ୍ଥିତ ବରିଷ୍ଠ ନାଗରିକ ମଂଚ କାର୍ଯ୍ୟାଳୟରେ ମଂଚର ସଭାପତି ଡାଃ ନୃସିଂହ ଚରଣ ପରିଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ନାଗରିକ ମଂଚର ସଂପାଦକ ଚନ୍ଦ୍ରମଣି ସାମଲ ବାର୍ଷିକ ବିବରଣୀ ପାଠ କରିବା ସହିତ ମଂଚ ଦ୍ୱାରା ବର୍ଷତମାମ କରାଯାଉଥିବା ବିଭିନ୍ନ ଉନ୍ନୟନମୂଳକ କାର୍ଯ୍ୟ ସଂର୍ପକରେ ବିକ୍ଷିପ୍ତ ସୂଚନା ପ୍ରଦାନ କରିଥିଲେ । କାର୍ଯ୍ୟକ୍ରମରେ ସମବାୟ, ହସ୍ତତନ୍ତ ଓ ବୟନ ଶିଳ୍ପ ମନ୍ତ୍ରୀ ଡ଼ଃ ପ୍ରଦୀପ ବଳସାମନ୍ତ ମୁଖ୍ୟ ଅତିଥି ଭାବେ ଯୋଗ ଦେଇ ମଂଚ ଦ୍ୱାରା କରାଯାଉଥିବା ବିଭିନ୍ନ ଜନହିତକର କାର୍ଯ୍ୟର ଭୂୟସୀ ପ୍ରଂଶସା କରିବା ସହ ବରିଷ୍ଠମାନଙ୍କ ଅନୁଭୂତି ସମାଜକୁ ସବୁବେଳେ ବଳିଷ୍ଠ କରିଥାଏ ବୋଲି କହିଥିଲେ । ତେଣୁ ସେମାନଙ୍କୁ କେବେହେଲେ ଅଣଦେଖା କରାଯିବା ଉଚିତ ନୁହେଁ । ଡ଼ଃ ବଳସାମନ୍ତ ମଂଚ ନେଉଥିବା ବିଭିନ୍ନ କାର୍ଯ୍ୟକ୍ରମ ସହରର ବିକାଶଧାରାରେ ସହାୟକ ହେଉଛି ବୋଲି କହିଥିଲେ । ଏଥିରେ ମୁଖ୍ୟ ବକ୍ତା ଭାବେ କୋରେଇ ବିଧାୟକ ଆକାଶଦାସ ନାୟକ ଯୋଗ ଦେଇ ବରିଷ୍ଠ ନାଗରିକମାନଙ୍କର ପରିବାର ଓ ସମାଜ ପ୍ରତି ଥିବା ଆବଶ୍ୟକତା ଉପରେ ଆଲୋକପାତ କରିଥିଲେ । ଏଥିରେ ସମ୍ମାନିତ ଅତିଥି ଭାବେ ଡା. ଗୈାରୀଶଙ୍କର ଷଡ଼ଙ୍ଗୀ ଯୋଗ ଦେଇଥିବା ବେଳେ ମଂଚର ଅଚ୍ୟୁତାନନନ୍ଦ ମହାନ୍ତି, ପ୍ରଫୁଲ୍ଲ କୁମାର ନାୟକ ପ୍ରମୁଖ ବକ୍ତବ୍ୟ ରଖିଥିଲେ । ଏହି ଅବସରରେ ଶିକ୍ଷାବିତ୍ ଉପେନ୍ଦ୍ରନାଥ ବେଉରିଆ, ସୁଗୃହିଣୀ ସରିତା ରାଉତ, ବରିଷ୍ଠ ସାମ୍ବାଦିକ ଚିନ୍ତାମଣି ପାଢ଼ୀ, କାଉନସିଲର ମଣିନ୍ଦ୍ର କୁମାର ସାହୁ ପ୍ରମୁଖଙ୍କୁ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମରେ ମଂଚର କୋଷାଧ୍ୟକ୍ଷ ଶଙ୍କର୍ଷଣ ସାହୁ, ସହ-ସଂପାଦକ ଲମ୍ବୋଦର ମଲ୍ଲିକ, ନିକୁଞ୍ଜ ବିହାରୀ ଧଳ, ଘନଶ୍ୟାମ ରାଉତ, ଅରୁଣା ଖଣ୍ଡାଇ, କମଳିନୀ ସାମଲ, ସନାତନ ମଲ୍ଲିକ, ପ୍ରଫୁଲ୍ଲ ଚନ୍ଦ୍ର ମହାନ୍ତି ପ୍ରମୁଖ ଯୋଗ ଦେଇ ସହଯୋଗ କରିଥିଲେ । ଶେଷରେ କମଳଲୋଚନ ସାହୁ ଧନ୍ୟବାଦ ଅର୍ପଣ କରିଥିଲେ
Loading ...
