ଟାଟା ମେଡିକା ହସ୍ପିଟାଲରେ ସଫଳ ଟୋଟାଲ ଲାପ୍ରୋସ୍କୋପିକ୍ ହିଷ୍ଟେରେକ୍ଟୋମି(ଟିଏଲ୍ଏଚ୍) ଅସ୍ତ୍ରୋପଚାର
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
କଳିଙ୍ଗନଗର,୨୪/୦୮(ଉ. ନ୍ୟୁଜ୍ ବ୍ୟୁରୋ): କଳିଙ୍ଗନଗରସ୍ଥିତ ଟାଟା ମେଡିକା ହସ୍ପିଟାଲ ଗର୍ଭାଶୟ ଫାଇବ୍ରୋଏଡ଼୍ ଓ ଏଡୋନୋମାୟୋସିସ୍ରେ ପିଡ଼ୀତ ଦୁଇ ଜଣ ମହିଳାରୋଗୀଙ୍କ ସଫଳ ଅସ୍ତ୍ରୋପଚାର କରାଯାଇଛି । ପ୍ରସୂତି ଓ ସ୍ତ୍ରୀରୋଗ ବିଭାଗର ଆସୋସିଏଟ୍ କନସଲଟାଂଟ ଡା. ବିବେକାନନ୍ଦ ରଥ ଏବଂ ତାଙ୍କ ଟିମ୍ ଏହି ଅସ୍ତ୍ରାପଚାର କରିଛନ୍ତି । ଯାଜପୁର ଜିଲ୍ଲା ଶଙ୍ଖଚିଲାର ଜଣେ ୪୧ ବର୍ଷୀୟ ମହିଳା ୩ ମାସ ହେଲା ତଳି ପେଟରେ ଯନ୍ତ୍ରଣା ଅନୁଭବ କରୁଥିଲେ । ଟାଟା ମେଡିକା ହସ୍ପିଟାଲ ଡାକ୍ତରଙ୍କ ସହ ପରାମର୍ଶ ନେବା ପରେ ସେ ରକ୍ତ ପରୀକ୍ଷା ଏବଂ ଅଲଟ୍ରାସାଉଣ୍ଡ କରିଥିଲେ ଫଳରେ ତାଙ୍କର ଗର୍ଭାଶୟ ଫାଇବ୍ରୋଏଡ଼୍ ଥିବା ଜଣାପଡ଼ିଥିଲା । ସେହିପରି ଢ଼େଙ୍କାନାଳ କାମାକ୍ଷାନଗରର ଅନ୍ୟ ଜଣେ ୪୦ ବର୍ଷୀୟା ମହିଳା ଏକ ବର୍ଷରୁ ଅଧିକ ସମୟ ଧରି ତଳି ପେଟରେ ପ୍ରବଳ ଯନ୍ତ୍ରଣା ଓ ରକ୍ତସ୍ରାବ ସମସ୍ୟା ସହ ସଂଘର୍ଷ କରୁଥିଲେ । ଡାକ୍ତରୀ ମାଇନା ପରେ ତାଙ୍କ ଆଡେନୋମାୟୋସିସ୍ ହୋଇଥିବା ଜଣାପଡ଼ିଥିଲା । ଉଭୟ ରୋଗୀଙ୍କୁ ଟାଟା ମେଡିକା ହସ୍ପିଟାଲରେ ଭର୍ତି କରାଯାଇଥିଲା ଏବଂ ସାଧାରଣ ନିଶ୍ଚେତକ ବିଭାଗ ଅଧୀନରେ ଟୋଟାଲ ଲାପ୍ରୋସ୍କୋପିକ୍ ହିଷ୍ଟେରେକ୍ଟୋମି(ଟିଏଲ୍ଏଚ୍) କରାଯାଇଥିଲା । ଟୋଲାଲ ଲାପ୍ରୋସ୍କୋପିକ୍ ହିଷ୍ଟେରେକ୍ଟୋମି(ଟିଏଲ୍ଏଚ୍) ମହିଳାଙ୍କ ଗର୍ଭାଶୟ ବାହାର କରିବା ପାଇଁ ଏକ ଅସ୍ତ୍ରୋପଚାର ପ୍ରକ୍ରିୟା ମାଧ୍ୟମରେ ରୋଗୀ ଶରୀରରେ କ୍ଷୁଦ୍ର କ୍ଷତ ମାଧ୍ୟମରେ ଗର୍ଭାଶୟ ଏବଂ ସର୍ଭିକ୍ସକୁ ବାହାର କରାଯାଇଥାଏ । ଟାଟା ମେଡିକାର ହସ୍ପିଟାଲ ଡାକ୍ତର ବି. ରଥ ଓ ତାଙ୍କ ଟିମ୍ ସଫଳତାର ସହିତ ଏହି ଅସ୍ତ୍ରୋପଚାର କରିଥିଲେ । ଉଭୟ ରୋଗୀ ଅସ୍ର୍ତ୍ରୋପଚାର ପରବର୍ତୀ ଜଟିଳତାରୁ ମୁକ୍ତ ହୋଇ ସମ୍ପୂର୍ଣ୍ଣ ସୁସ୍ଥ ହେବା ପରେ ଡାକ୍ତରଖାନାରୁ ଡିସଚାର୍ଜ ହୋଇଥିଲେ । ଏହି ସଫଳ ଅସ୍ତ୍ରୋପଚାର କଳିଙ୍ଗନଗରସ୍ଥିତ ଟାଟା ହସ୍ପିଟାଲର ଦକ୍ଷ ଡାକ୍ତର ଏବଂ ଉନ୍ନତ ଚିକିତ୍ସା ସୁବିଧାକୁ ଦର୍ଶାଉଛି ।
Loading ...
