କୋଟିପତି ଢ଼େଙ୍କାନାଳ ରେଞ୍ଜର ବିଭୁଦାନନ୍ଦ ମିଶ୍ର ଗିରଫ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
କଟକ,(ଉ. ନ୍ୟୁଜ୍ ବ୍ୟୁରୋ): ଆୟ ବହିର୍ଭୂତ ସମ୍ପତି ଠୁଳ ଅଭିଯୋଗରେ ଢ଼େଙ୍କାନାଳ ଜଙ୍ଗଲ ବିଭାଗ ରେଞ୍ଜ ଅଧିକାରୀ ବିଭୁଦାନନ୍ଦ ମିଶ୍ରଙ୍କୁ ଦୁର୍ନୀତି ନିବାରଣ ବିଭାଗ ଗିରଫ କରିଛି । ଶ୍ରୀ ମିଶ୍ର ନିଜ ଆୟ ଠାରୁ ୨୧୪ ପ୍ରତିଶତ ଅଧିକ ସମ୍ପତି ଠୁଳ କରିଥିବା ଜଣାପଡ଼ିଛି । ଆୟ ବହିର୍ଭୂତ ସମ୍ପତି ଠୁଳ ଅଭିଯୋଗରେ ଶ୍ରୀ ମିଶ୍ରଙ୍କ ଆଠଗଡ଼ ବୀରକିଶୋରପୁରସ୍ଥିତ ପୈତୃକ ବାସଭବନ ସମେତ ଏକକାଳୀନ ୮ଟି ସ୍ଥାନରେ ଦୁର୍ନୀତି ନିବାରଣ ବିଭାଗ ପକ୍ଷରୁ ଚଢ଼ଉ କରାଯାଇଥିଲା । ଚଢ଼ଉବେଳେ ରେଞ୍ଜରଙ୍କ ଢ଼େଙ୍କାନାଳରେ ଦୁଇମହଲା କୋଠାଘର, ଭୁବନେଶ୍ୱରରେ ଗୋଟିଏ, ହାଇଦ୍ରାବାଦରେ ଦୁଇଟି ଫ୍ଲାଟ ଠାବ କରାଯାଇଥିଲା । ବିଭିନ୍ନ ବ୍ୟାଙ୍କ ବୀମା, ଡାକଘର ଓ ଶେୟାର୍ ବଜାରରେ ୧୦୫ କୋଟି ଟଙ୍କାର ନିବେଶ କରିଥିବା ବେଳେ ଜଣାପଡ଼ିଛି । ତାଙ୍କ ଢ଼େଙ୍କାନାଳସ୍ଥିତ ଘରୁ ୫ ଲକ୍ଷ ୧୫ ହଜାର ୮୪୦ ଟଙ୍କା ଜବତ ହୋଇଥିଲା ବେଳେ ପ୍ରାୟ ୧ ଲକ୍ଷ ଟଙ୍କା ଶୌଚାଳୟରୁ ଠାବ ହୋଇଥିଲା । ଏହା ବ୍ୟତୀତ ୫୫୭ ଗ୍ରାମର ସୁନା ଓ ୫୦୦ ଗ୍ରାମର ରୂପା ଅଳଙ୍କାର, ଦୁଇଟି ହୀରା ହାର ମଧ୍ୟ ଜବତ ହୋଇଛି । ଶ୍ରୀ ମିଶ୍ରଙ୍କର ଦୁଇଟି ୪ ଚକିଆ ଓ ୬ଟି ମୋଟରସାଇକେଲ ଏବଂ ୨୦.୦୮ ଲକ୍ଷ ଟଙ୍କା ମୂଲ୍ୟର ଦାମୀ ଗୃହୋପକରଣ ଠାବ ହୋଇଛି । ଅପରପକ୍ଷରେ ଶ୍ରୀ ମିଶ୍ରଙ୍କ ଫାର୍ମ ହାଉସକୁ ଅତି ସୁନ୍ଦର ଭାବେ ସଜା ଯାଇଥିଲା । ଏଠାରେ ମୟୂର, ଠେକୁଆ, ଶୁଆ ଓ ବତକ ଭଳି ଅନେକ ଜୀବଜନ୍ତୁ ମଧ୍ୟ ଥିଲେ । ମୟୂର ରଖିବା ଆଇନ ଅନୁସାରେ ଦଣ୍ଡନୀୟ ହୋଇଥିବାରୁ ବନ୍ୟପ୍ରାଣୀ ସୁରକ୍ଷା ଆଇନରେ ମାମଲା ରୁଜୁ ହୋଇଛି । ଏଥିସହ ଉଦ୍ଧାର ୪ ମୟୂରଙ୍କୁ ଆଠଗଡ଼ ଫରେଷ୍ଟ ଡିଭିଜନ ଅଧିକାରୀଙ୍କୁ ହସ୍ତାନ୍ତର କରାଯାଇଛି ।
Loading ...
