ଯାଜପୁର ଜିଲ୍ଲା ପରିଷଦର ୭ମ ସ୍ଥାୟୀ କମିଟି ବୈଠକ ଅନୁଷ୍ଠିତ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଯାଜପୁର, ୮ା୧୦: ପ୍ରତ୍ୟେକ ସରକାରୀ ଯୋଜନା ସାଧାରଣ ଲୋକଙ୍କର ବିକାଶ ଓ ସାମଗ୍ରିକ ଉନ୍ନୟନ ପାଇଁ ପ୍ରଣୟନ ହୋଇଥାଏ । ତେଣୁ ଏହାର ସଠିକ କାର୍ଯ୍ୟକାରିତା ପାଇଁ ପ୍ରତ୍ୟେକ ଉତରଦାୟୀ ଭାବେ କାର୍ଯ୍ୟ କରିବାକୁ କମିଟିର ଅଧ୍ୟକ୍ଷ ଜିଲ୍ଲା ପରିଷଦ ସଭ୍ୟ ଅରବିନ୍ଦ ସାମଲ ଆହ୍ୱାନ ଦେଇଚ୍ଥନ୍ତି । ଆଜି ଶୁକ୍ରବାର ପୂର୍ବାହ୍ନରେ ଜିଲ୍ଲା ପରିଷଦର ୭ମ ସ୍ଥାୟୀ କମିଟି ବୈଠକ (ଶିକ୍ଷା, କ୍ରୀଡା ଓ ସାସ୍କୃତିକ) ଜିଲ୍ଲା ପ୍ରକଳ୍ପ ସଂଯୋଜକ, ସର୍ବଶିକ୍ଷା ଅଭିଯାନ, ଯାଜପୁରଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଥିଲା । ଏଥିରେ ଅଧ୍ୟକ୍ଷତା କରି ଶ୍ରୀ ସାମଲ ଶିକ୍ଷା, କ୍ରୀଡା ଓ ସଂସ୍କୃତି ବିଭାଗରୁ ଆସିଥିବା ବିଭିନ୍ନ ଅନୁଦାନ ଏବଂ ଏହାର ଆୟ ବ୍ୟୟ ଉପରେ ସମୀକ୍ଷା କରିଥିଲେ । ଶିକ୍ଷା ବିଭାଗ ପାଇଁ ବିଦ୍ୟାଳୟଗୁଡିକୁ ଦିଆଯାଇଥିବା କ୍ରୀଡା ପାଣ୍ଠିର ସୁ-ବିନିଯୋଗ ପାଇଁ ପରାମର୍ଶ ଦେବା ସହ ଅଧିକାରୀମାନେ ନିୟମିତ ଭାବେ ପରିଦର୍ଶନ କରି ତାକୁ ସୁନିଶ୍ଚିତ କରିବେ ବୋଲି କହିଥିଲେ । ଯେଉଁ ଆଦର୍ଶ ବିଦ୍ୟାଳୟଗୁଡିକରେ ଶିକ୍ଷକ ନିଯୁକ୍ତି ହୋଇନାହାନ୍ତି. ଉଚ୍ଚ ବିଦ୍ୟାଳୟମାନଙ୍କରୁ ଡେପୁଟେସନରେ ଶିକ୍ଷକ ଆଣିବା ପାଇଁ ପରାମର୍ଶ ଦେଇଥିଲେ । ସେହିପରି ମିଶ୍ରଣ ହୋଇଥିବା ବିଦ୍ୟାଳୟଗୁଡିକୁ ପଂଚାୟତିରାଜ ବିଭାଗକୁ ହସ୍ତାନ୍ତର କରିବା ପାଇଁ ବିଧିବଦ୍ଧ ପଦକ୍ଷେପ ନେବାକୁ ଅଧିକାରୀମାନଙ୍କୁ କହିଥିଲେ । ସଂସ୍କୃତି ବିଭାଗର ବିଭିନ୍ନ ଆର୍ଥିକ ବର୍ଷରେ ଆସିଥିବା ଅନୁଦାନ ଓ ତାହାର ସୁବିନିଯୋଗ ଉପରେ ସନ୍ତୋଷ ପ୍ରକାଶ କରି କହିଲେ ଯେ, ଜିଲ୍ଲାରେ ଥିବା ଭାଗବତ ଟୁଙ୍ଗୀ ଓ କଳାକାର ସହାୟତା ପାଇଁ ଅଧିକ ଅନୁଦାନର ଆବଶ୍ୟକତା ରହିଚ୍ଥି । ଏକ ସଂସ୍କୃତି ସଂପନ୍ନ ଜିଲ୍ଲା ଭାବେ ଏ ଦିଗରେ ସରକାରୀ ସ୍ତରରେ ପ୍ରୟାସ କରିବା ପାଇଁ ଅଧିକାରୀଙ୍କୁ ପରାମର୍ଶ ଦେଇଥିଲେ । କୋଭିଡ କଟକଣା ଯୋଗୁ ସରକାରୀ ସ୍ତରରେ ଜିଲ୍ଲାରେ କୈାଣସି କ୍ରୀଡାର ଆୟୋଜନ କରା ଯାଇନାହିଁ । ତେବେ କ୍ରୀଡା ପାଇଁ ବିଭିନ୍ନ ନିର୍ମାଣ ପ୍ରକଳ୍ପ ଚାଲୁ ରହିଚ୍ଥି । ଏହି କାର୍ଯ୍ୟ ଗୁଡିକ ଯଥା ସମୟରେ ସାରିବା ପାଇଁ କ୍ରୀଡା ଅଧିକାରୀଙ୍କୁ ପରାମର୍ଶ ଦେଇଥିଲେ । ବୈଠକର ସୁପରିଚାଳନା ନିମନ୍ତେ ଅଧ୍ୟକ୍ଷ ଶ୍ରୀ ସାମଲ ଧନ୍ୟବାଦ ଅର୍ପଣ କରିଥିଲେ ।
ଏହି ବୈଠକରେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଶଶିଧର ସିଂହ, କୃତିବାସ ବାରିକ, ଊପଖଣ୍ଡ ସୂଚନା ଓ ଲୋକ ସଂପର୍କ ଅଧିକାରୀ ସରୋଜ କୁମାର ଶତପଥୀ, ଜିଲ୍ଲା କ୍ରୀଡା ଅଧିକାରୀ ପଂକିର ମୋହନ ଟୁଡୁ ଏବଂ ବିଭାଗୀୟ କର୍ମଚାରୀ ପ୍ରମୁଖ ଯୋଗଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ ।
Loading ...
