ଯାଜପୁର ଗୈାତମ ବୁଦ୍ଧ ସଂସ୍କୃତି ଭବନ ଚଟାଣରୁ ଟାଇଲ ଉଠିଲାଣି
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଯାଜପୁର ଟାଉନ, ୨୧/୯(ସମୀର କୁମାର ମିଶ୍ରଙ୍କ ଠାରୁ): କଥାରେ ଅଛି “ମାରିନେଲେ ମହାପାତ୍ରେ ଅନେଇ ଥା ଜୁଳୁକା” । ଏ ଯୁଗରେ ବହୁ ସ୍ଥାନରେ ଏଇଆ ହିଁ ଘଟି ଚାଲିଛି । କିଛି ସୁବିଧାବାଦୀ, ଖୋସାମଦିଆ ଲୋକେ ସବୁ ଖାଇ ଖାଇ ଚାଲିଛନ୍ତି, ଆଉ ଅଧିକାଂଶ ଲୋକେ ଅଭାବ ଅନଟନ ମଧ୍ୟରେ ଅନେଇ ରହିଛନ୍ତି । ଯିଏ ଲାଭ ପାଇଲେ ସେଥିରୁ କିଛି ଦୁଃଖି ରଂଙ୍କିଙ୍କ ପାଇଁ ଖର୍ଚ୍ଚ କରିବ ତାଙ୍କ କଥା କେହି ବିବେଚନା କରନ୍ତି ନାହିଁ । ଆଉ ମୁନାଫା ପାଇଲେ ଯିଏ ଅୟସ କରିବ ବା ମଦ, ମାଂସ ଆଦିରେ ଟଙ୍କା ଉଡାଇବ ସେ ହିଁ ପାରିବାର ବ୍ୟକ୍ତି ବୋଲି ତାଙ୍କର ଏବେ ସବୁଠି ପ୍ରାୟ ଖାତିର ! କରୋନା ପାଇଁ ବହୁ ଟଙ୍କା ଆସିଥିବାର ଘୋଷଣା ପରେ ଘୋଷଣା ହୋଇଚାଲିଛି । ହେଲେ ସେସବୁ ଯାଉଛି କୁଆଡେ….? କିଛି ବୁଝା ପଡୁ ନାହିଁ ! ପୁଣି ଯାହା କାମ ହେଉଛି ସେଥିରୁ ବହୁ ସ୍ଥାନରେ ନିମ୍ନମାନର କାମ ହେଉଛି । କମ ମୁନାଫାଖୋର ବ୍ୟକ୍ତିଙ୍କୁ କାମ ଦିଆଯାଉନି । ପୁଣି ଜଣ ଜଣଙ୍କୁ କୋଟି କୋଟି ଟଙ୍କାର କାମ ଦିଆଯାଉଥିବା ବେଳେ ଛୋଟକାଟିଆ ବା କମ ପୁଜିଂ ଥିବା ବ୍ୟକ୍ତିଙ୍କୁ ଅଣଦେଖା କରାଯାଉଛି । ଫଳରେ ଜଣେ ଜଣେ ବହୁ କୋଟିର ମାଲିକ ଅଳ୍ପ ଦିନରେ ହେଉଥିବା ବେଳେ ଅଧିକାଂଶ ଦରିଦ୍ରରୁ ଦରିଦ୍ରତର ହେଉଛନ୍ତି । ଟିକସ, ବିଜୁଳି ବିଲ ଦେଇପାରୁ ନ ଥିବା ବେଳେ ଛୁଆ ପିଲାଙ୍କୁ ପାଠ ପଢ଼ାଇ ପାରୁ ନାହାନ୍ତି…ଆଦି ବହୁ ଅକୁହା ସମସ୍ୟାରେ ପେଷି ହେଉଛନ୍ତି । ରାଜନୈତିକ ବ୍ୟକ୍ତି ଓ ଅଧିକାରୀ/ଯନ୍ତ୍ରୀଙ୍କ ପାଖ ଲୋକଙ୍କୁ କାମ ବେଶି ମିଳୁଥିବାର ପରିଲକ୍ଷିତ ହେଉଛି । ଅଧିକାଂଶ ରାଜନିତିଆ ଧୋବଧାଉଳିଆ ଓ ଦାମୀ ଗାଡି ଚଢ଼ୁଥିବା ବ୍ୟକ୍ତିଙ୍କୁ ବେଶି ପସନ୍ଦ କରି କାମ ଦେଉଥିବାର ଚର୍ଚ୍ଚା ହେଉଛି । ଅପରପକ୍ଷରେ କାମ କରି ସଂସାର ଚଳାଇବା ପାଇଁ ବ୍ୟାକୁଳ ଥିବା ବ୍ୟକ୍ତିଙ୍କ ପାଇଁ ଏବେ କାହାର ଯେପରି ଚିନ୍ତା ନାହିଁ ।
ଏ କେଉଁ ମଫସଲ କି ଗାଁ’ର କାମ ନୁହେଁ । ଖୋଦ୍ ଯାଜପୁର ଜିଲ୍ଲାର ଜିଲ୍ଲା ସଦର ମହକୁମା ଠାରେ ଅବସ୍ଥିତ ‘ଗୈାତମ ବୁଦ୍ଧ ସଂସ୍କୃତି ଭବନ’ର କଥା । କିଛି ଦିନ ତଳେ ଏହାର ଚଟାଣରେ ପଡିଥିବା ଟାଇଲରୁ କିଛି ଏବେ ଉଠିଗଲାଣି । ଏମିତି ବହୁ ନିମ୍ନମାନର କାମ ବହୁ ସ୍ଥାନରେ ଚାଲିଥିଲେ ହେଁ କ୍ୱଚିତ୍ କାର୍ଯ୍ୟାନୁଷ୍ଠାନ ହେଉଛି ।
Loading ...
