ଆଇଆଇସି ବିଜୟ କୁମାର ମଲ୍ଲିକଙ୍କୁ ଡ଼ିଜିପିଙ୍କ ଠାରୁ ପ୍ରଶଂସାପତ୍ର
SUB -EDITOR
UDAYABATA E-NEWS
ଉଦୟବଟ ଓ ଉଦୟବଟ ଇ – ନ୍ୟୁଜ
କଟକ; ୨୪/୦୬( ବ୍ୟୁରୋ): ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଆଇଆଇସି ବିଜୟ କୁମାର ମଲ୍ଲିକ ଡ଼ିଜିପିଙ୍କ ଠାରୁ ପ୍ରଶଂସା ପତ୍ର ପାଇବାକୁ ଯୋଗ୍ୟ ବିବେଚିତ। ଏ ନେଇ ପୋଲିସ ମୁଖ୍ୟାଳୟରୁ ଏକ ସୂଚନା ପତ୍ର ଜାରି କରାଯାଇଛି। ଶ୍ରୀ ମଲ୍ଲିକ ଟାଙ୍ଗୀ ରେ ଦାଇତ୍ଵ ନେବା ପରଠାରୁ ସେଠାରେ ଅପରାଧ ନିୟନ୍ତ୍ରଣକୁ ଆସିଥିବା ଜଣାପଡିଛି। ଗତ ଏକ ମାସ ମଧ୍ୟରେ ସେ ବହୁ କାର୍ଯ୍ୟକୁ ହାତକୁ ନେଇ ସଫଳ ଅର୍ଜନ କରିଥିବାର ଦେଖାଦେଇଛି। ବହୁ ଜଟିଳ ମାମଲା ଯଥା ଗୋରୁ ଚୋରି, ଅଣ୍ଡା ଗାଡି ଚୋରି,ଭାଇରାଲ ଭିଡ଼ିଓ,ଏକାଧିକ ଜୁଆ ଆଡ୍ଡା ରେ ଚଢ଼ାଉ,ବାଇକ ଚୋରି ଆଦି ଅନେକ ଘଟଣାକୁ ସମାଧାନ କରି ସେ ଚର୍ଚ୍ଚିତ ହୋଇଛନ୍ତି। ସେ ଜଣେ ଦକ୍ଷ ଓ କର୍ତ୍ତବ୍ୟନିଷ୍ଠ ଅଧିକାରୀ ଭାବେ ବହୁ ଜଟିଳ କାମକୁ ସରଳତାର ସହ ସମାଧାନ କରି ଉଦାହରଣ ପାଲଟିଛନ୍ତି। କେନ୍ଦୁଝର ଜିଲ୍ଲାର ଅନେକ ଅଞ୍ଚଳ ଯଥା ହାଟଡ଼ିହି, ଆନନ୍ଦପୁର, ହରିଚନ୍ଦନପୁର ଆଦି ସ୍ଥାନରେ ଦୀର୍ଘ ଦିନ ଧରି କାର୍ଯ୍ୟ କରି ମଧ୍ୟ ଚର୍ଚ୍ଚିତ ଥିଲେ। ତାଙ୍କର ଏଭଳି ସାହାସିକତା କାର୍ଯ୍ୟକୁ ଦେଖି ଡ଼ିଜିପି ତାଙ୍କୁ ପ୍ରଶଂସା ପତ୍ର ପ୍ରଦାନ କରିଥିବା ସୂଚନା ମିଳିବା ପରେ ଉଭୟ ଖୋର୍ଦ୍ଧା ଓ କେନ୍ଦୁଝର ଜିଲ୍ଲାରୁ ପ୍ରଶଂସାର ସୁଅ ଛୁଟିଛି ।
Loading ...
