ପୁଣି ‘ପିଆଜ’ ଆଣିଲା ଖାଉଟି ଆଖିରେ ଲୁହ, ଖାଉଟିଙ୍କ ଅଣ୍ଟା ଭାଙ୍ଗିଛି ପିଆଜ, ସପ୍ତାହକ ମଧ୍ୟରେ ଦର ୫୦ ରୁ ୮୦ ଟଙ୍କା
ଭଦ୍ରଖ, ୨୩/୧୦ (ଶିବଶଙ୍କର ପଣ୍ଡାଙ୍କ ଠାରୁ): ଖାଲି ଭଦ୍ରଖ ଜିଲ୍ଲା କାହିଁକି ରାଜ୍ୟରେ ଏବେ ପିଆଜର ଏହେତୁକ ଦରବୃଦ୍ଧି ଅଧିକାଂଶଙ୍କ ମୁଣ୍ଡରେ ଚଡକ ପକାଇଛି । କିଛି ମାସ ତଳେ କି.ଗ୍ରା ପ୍ରତି ୧୫ଟଙ୍କା ତଳେ ବିକ୍ରି ହେଉଥିବା ପିଆଜର ଦର ଏବେ ଆସି ୮୦ଟଙ୍କା ବା ତା’ଠାରୁ ଉର୍ଦ୍ଧରେ ପହଚିଂଛି । ଗତ ପ୍ରାୟ ୧୫ ଦିନ ମଧ୍ୟରେ ଏହା କି.ଗ୍ରା ପ୍ରତି ୫୦ଟଙ୍କା ବୃଦ୍ଧି ପାଇବା ଖାଉଟିଙ୍କ ପାଇଁ ଅସହ୍ୟ ହୋଇଛି । ଖାଲି ପିଆଜ କାହିଁକି ଆଳୁ କି.ଗ୍ରା ୩୨ରୁ ୩୫ଟଙ୍କାରେ ଗତ ପ୍ରାୟ ୨ମାସ ହେଲା ବିକ୍ରିବଟାହେଉଛି । ଡାଲି, ଖାଇବା ତେଲ, ମଟର, ମଟର ଡାଲି, ସୋଲା, ଚା ପତି ଆଦି ବହୁ ଅତ୍ୟାବଶ୍ୟକ ସାମଗ୍ରୀର ଅହେତୁକ ଦର ବୃଦ୍ଧି ଘଟିବା ‘କରୋନା’ ସମୟରେ, ଅମ୍ଫନ ବାତ୍ୟା ଓ ବନ୍ୟା ବିଭୀଷିକା ପରେ ଲୋକଙ୍କ ମେରୁଦଣ୍ଡକୁ ଦୋହଲାଇ ଦେଇଛି । ଏଣେ ସରକାର ଏବାବଦରେ ସେପରି କୈାଣସି ଫଳପ୍ରଦ କାର୍ଯ୍ୟାନୁଷ୍ଠାନ ନେଇଥିବାର ମନେହୁଏ ନାହିଁ । ରାଜ୍ୟ ସରକାର ଖାଲି ଜିଲ୍ଲାପାଳମାନଙ୍କୁ ଏ ବାବଦରେ ଚିଠି ଲେଖିଛନ୍ତି । ହେଲେ ଲୋକେ କିପରି, କେବେ ଓ କେତେମାତ୍ରାରେ ଏହି ଦର ବୃଦ୍ଧିରୁ ଅବ୍ୟାହତି ପାଇବେ ସେଥିନେଇ ଅନେକ ସନ୍ଧିହାନ ହୋଇ ପଡିଛନ୍ତି । ଏହାଛଡ଼ା ପରିବାପତ୍ରର ଦରବୃଦ୍ଧି କଥା ନ କହିବା ଭଲ । ଲୋକେ ଚଳିତ ବର୍ଷ ଏଭଳି ବହୁ କାରଣ ପାଇଁ ଘାଂଟି ହୋଇଚାଲିଥିବା ବେଳେ ବହୁ ନେତା ଏ ବାବଦରେ ନ ପଶି ବରଂ ନୀରବ ରହିବା ଘଟଣା ଜନସାଧାରଣଙ୍କ ପାଇଁ ମୁଣ୍ଡବିଧାର କାରଣ ପାଲଟିଛି । ପିଆଜର ଦିନକୁ ଦିନ ଅହେତୁକ ଦର ବୃଦ୍ଧିକୁ ନେଇ ଆସନ୍ତୁ ଦେଖିବା କ’ଣ କହୁଛନ୍ତି ଭଦ୍ରଖ ଅଂଚଳର ଏହି ଖାଉଟି ଓ ବ୍ୟବସାୟୀମାନେ:-
Loading ...
