ଯାଜପୁରରେ କାଳବୈଶାଖିର ତାଣ୍ଡବ; ପ୍ରଚଣ୍ଡ ବଜ୍ରପାତ ଓ ଘଡ଼ଘଡ଼ିରେ ଭୟଭୀତ ହେଲେ ଜନତା
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ବ୍ୟାସନଗର,୦୭/୦୬(ଉ. ନ୍ୟୁଜ୍ ବ୍ୟୁରୋ): ନିର୍ବାଚନ ଓ ଫଳାଫଳ ଘୋଷଣା ସରିଛି । ବାଣ ଫୁଟାଇ କର୍ମୀ ଖୁସି ହେଉଥିବା ବେଳେ ଏଣେ ପ୍ରକୃତିର ତାଣ୍ଡବ ଉଗ୍ର ହେବାରେ ଲାଗିଛି । ମୈାସୁମୀ ଆସିବାର ଅବ୍ୟବହିତ ପୂର୍ବରୁ ଜିଲ୍ଲାରେ କାଳବୈଶାଖି ତାଣ୍ଡବ ରଚିବାରେ ଲାଗିଛି । ମଣିଷର ଦୈନନ୍ଦିନ ଜୀବନରେ ଆଣିଦେଇଛି ବିଷାଦ । କେତେବେଳେ ପ୍ରବଳ ଗରମ ଓ ଗୁଳୁଗୁଳି ତ କେତେବେଳେ ଝଡ଼ ତୋଫାନ ସାଙ୍ଗକୁ ଶହ ଶହ ବିଜୁଳି ସାଙ୍ଗକୁ ପ୍ରଚଣ୍ଡ ଶଦ୍ଦର ଘଡ଼ଘଡ଼ିରେ କାନରୁ ଅତରା ଖସି ପଡ଼ୁଛି । ୦୪ ତାରିଖ ପରଠାରୁ ବିଜୁଳି ଓ ଘଡ଼ଘଡ଼ି ବଢ଼ିଛି ! ସତେ ଯେମିତି ରାଜ୍ୟୁ ବିତ୍ପାତ ମାଡିଆସୁଛି ! ଆଜି ଅପରାହ୍ନ ୦୩ଟାରୁ ଆରମ୍ଭ ହୋଇଯାଇଥିଲା ବର୍ଷା ପବନ ସାଙ୍ଗକୁ ଘନ ଘନ ବିଜୁଳି ଓ ପ୍ରଚଣ୍ଡ ଘଡ଼ଘଡ଼ିମାନ । କୁଆଡ଼େ କ’ଣ କ୍ଷତି ହୋଇଛି ଜଣାପଡି ନ ଥିବା ବେଳେ ଅନେକ ଭୟଭୀତ ହୋଇଯାଇଛନ୍ତି । କାନ ଶୁଣିବା ଦିନ ଠାରୁ ଏତେ ସଂଖ୍ୟକ ଘଡ଼ଘଡ଼ି ଶୁଣି ନ ଥିଲା କି ଓ ଏତେ ବିଜୁଳି ଗୋଟିଏ ଦିନର ବର୍ଷା ପବନରେ ଦେଖି ନ ଥିଲା । ୦୩ଠାରୁ ୭ଟା୩୦ମି ପର୍ଯ୍ୟନ୍ତ ଏହା ଚାଲିଥିଲା । ଦୀର୍ଘ ୪ଘଂଟାରୁ ଉର୍ଦ୍ଧ ସମୟର ଏହି ସମୟ ଭିତରେ ବିଜୁଳି ଲାଇନ କଟିଯାଇଥିବା ବେଳେ ନେଟ୍, ପାଇପ ଜଳ ଯୋଗାଣ ବିଛିନ୍ନ ହୋଇଛି । ଏବେ ସୁଦ୍ଧା ଏସବୁରେ ସୁଧାର ଆସି ନାହିଁ । ଜିଲ୍ଲାର ବ୍ୟବସାୟିକ ପ୍ରାଣକେନ୍ଦ୍ର ବ୍ୟାସନଗର ସହର, କଳିଙ୍ଗନଗର ଶିଳ୍ପାଂଚଳ, ପାଣିକୋଇଲି, କୁଆଖିଆରେ ନାହିଁ ନ ଥିବା ସମସ୍ୟା ଦେଖାଦେଇଛି । କାରଖାନାକୁ କାମ କରିବାକୁ ଯାଇଥିବା ଶ୍ରମିକ, କର୍ମଚାରୀ ଇତ୍ୟାଦି ଆଶଙ୍କା ଭିତରେ ଘରକୁ ଫେରିବାକୁ ବ୍ୟାକୁଳ ଅଛନ୍ତି । ବିଜୁଳି ଯୋଗାଣ କେତେବେଳେ ଚାଲୁ ହେବ ଓ ନୂଆ ନେତା କିପରି ପରିସ୍ଥିତିର ମୁକାବିଲାରେ ହସ୍ତକ୍ଷେପ କରୁଛନ୍ତି ତାହା ଉପରେ ଅନେକଙ୍କ ନଜର ରହିଛି! ବିଜୁଳି ବିଭାଗର ଉଚ୍ଚ ଯନ୍ତ୍ରୀଙ୍କ ମୋବାଇଲ ଖାଲି ବ୍ୟସ୍ତ ଦେଖାଉଛି! ବ୍ୟାସନଗର ସହରରେ ଜଳ ଯୋଗାଣ ଦିନ ୦୩ଟାରୁ ଅଦ୍ୟାବଧି ବନ୍ଦ ରହିଛି ।
Loading ...
