କୋରେଇ ବିଧାନସଭା ମଣ୍ଡଳୀ ପାଇଁ ମେ’ ୦୧ରେ ପ୍ରାର୍ଥୀ ଘୋଷଣା କରିପାରେ ବିଜେଡ଼ି
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ବ୍ୟାସନଗର, ୧୪ା୪(ଦୁଷ୍ମନ୍ତ କୁମାର ରାଉତଙ୍କ ଠାରୁ): ରାଜ୍ୟର ୧୪୭ଟି ବିଧାନସଭା ଆସନ ମଧ୍ୟରୁ ୧୪୪ଟିରେ ରାଜ୍ୟର ପ୍ରମୁଖ ତଥା ଶାସକ ବିଜେଡ଼ି ଦଳ ପକ୍ଷରୁ ଟିକେଟ ଦିଆଯାଇଥିବା ବେଳେ ଯାଜପୁର ଜିଲ୍ଲାର ମର୍ଯ୍ୟଦାଜନକ କୋରାଇ ବିଧାନସଭା କ୍ଷେତ୍ର ପାଇଁ ଅଦ୍ୟାବଧି ପ୍ରାର୍ଥୀ ଘୋଷଣା ହୋଇପାରି ନାହିଁ । ଚଳିତଥର ଏହି ସିଟ୍ରୁ ଲଢ଼ିବା ପାଇଁ ଅନେକ ଦାବୀଦାର ଥିଲେ । ଟିକେଟ ନ ମିଳିବା ଆଶଙ୍କା କରି ପୂର୍ବତନ ବିଧାୟକ ଆକାଶଦାସ ନାୟକ ଦଳଛାଡି ବିଜେପିକୁ ଯିବା ପରେ ତାଙ୍କୁ ବିଜେପି ଟିକେଟ ଦେଇଛି । ବିଧାୟକ ଅଶୋକ ବଳ ମଧ୍ୟ ଟିକେଟ ପାଇବା ନେଇ ତାଙ୍କ ଗୋଷ୍ଠୀ ହାୱା କରୁଛନ୍ତି । ଏପରିସ୍ଥଳେ ଜଣେ ନୂତନ ତଥା ମହିଳାକୁ ବିଜେଡ଼ି ଟିକେଟ ଦେଇ ମହିଳା କାର୍ଡ଼ ଖେଳିପାରେ ବୋଲି ଜଣାପଡୁଛି । ତେଣୁ ଓଡ଼ିଶାର ବିଶିଷ୍ଟ ଜନନେତା ତଥା କୋରେଇର ପୂର୍ବତନ ବିଧାୟକ ୰ ଅଶୋକ ଦାସଙ୍କ ଧର୍ମପତ୍ନୀ ଏବଂ ବିଜେଡ଼ିର ରାଜ୍ୟ ସାଂଗଠନିକ ସଂପାଦକ ବିଧାୟକ ପ୍ରଣବ ପ୍ରକାଶ ଦାସଙ୍କ ମାଆ ସନ୍ଧ୍ୟାରାଣୀ ଦାସ ଦାସଙ୍କ ନାମ କିଛି ଦିନ ହେବ ବେଶ ଚର୍ଚ୍ଚାରେ ରହିଆସିଛି । ଏହାଛଡା ବିଜେଡ଼ିର ସାଂଗଠନିକ ସଂପାଦକ ପ୍ରଣବଙ୍କ ଦାଦା ପୁଅ ଭାଇ ଭବ ପ୍ରସାଦ ଦାସ (ଲଲ) ବା ଅନ୍ୟ କେହି ନୂଆ ନେତାଙ୍କୁ ଚୟନ କରାଯାଇପାରେ ବୋଲି କଳ୍ପନାଜଳ୍ପନା ପ୍ରକାଶ ପାଇଆସୁଛି । ହେଲେ ଚୂଡାନ୍ତ ନିଷ୍ପତି ପ୍ରଣବ ପ୍ରକାଶଙ୍କ ଉପରେ ନିର୍ଭର କରୁଛି ବୋଲି ମତ ପ୍ରକାଶ ପାଉଛି । ଆସନ୍ତା କାଲି ପ୍ରଣବ ପ୍ରକାଶ ସମ୍ବଲପୁର ସଂସଦୀୟ କ୍ଷେତ୍ର ପାଇଁ ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହିଜିଂଳି ବିଧାନସଭା ଆସନ ପାଇଁ ନାମାଙ୍କନ ପତ୍ର ଦାଖଲ କରୁଥିବାରୁ ତା ୦୧/୦୫ ବୁଧବାର କୋରେଇ ସମେତ ଅବଶିଷ୍ଟ ୦୩ଟି ବିଧାନସଭା ଆସନ ପାଇଁ ବିଜେଡ଼ି ଟିକେଟ ଘୋଷଣା କରିବାର ରହିଛି ବୋଲି ଶୁଣାଯାଉଛି । ଏହା ସ୍ପଷ୍ଟ ହେବା ପରେ କୋରେଇରେ ରାଜନୈତିକ ଚଳଚଚଂଳତା ବଢ଼ିବା ସହ କର୍ମୀମାନେ ସକ୍ରିୟ ହେବେ ବୋଲି ଚର୍ଚ୍ଚା ଯୋର ଧରିଛି ।
Loading ...
