ଅନୁମତି ନ ନେଇ ଆର.ଡି ରୋଡ଼ ନିର୍ମାଣ କରିବା ମହଙ୍ଗା ପଡ଼ିଲା; ଠିକାଦାରଙ୍କ ବିରୁଦ୍ଧରେ ଅଭିଯୋଗ କଲେ ଯାଜପୁରରୋଡ଼ ରେଞ୍ଜର
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ପାଣିକୋଇଲି,(ଉ. ନ୍ୟୁଜ୍ ବ୍ୟୁରୋ): ରାଜ୍ୟର ବିଭିନ୍ନ ସ୍ଥାନରେ ନୀତିନିୟମକୁ ଫୁ’କରି ବେଫିକର ଭାବେ ଚାଲିଛି ନିର୍ମାଣ କାର୍ଯ୍ୟ । ବହୁ ବିଭାଗୀୟ ଅଧିକାରୀଙ୍କ ଠାରୁ ଆରମ୍ଭ କରି ରାଜନେତାମାନେ ଅଧିକାଂଶ ଜାଗାରେ ସବୁ ଜାଣିଶୁଣି ଚୁପ୍ ରହୁଛନ୍ତି । ହେଲେ ଯାଜପୁରରୋଡ଼ ବନାଂଚଳ ଅଧିକାରୀ ଠିକଣା ସମୟରେ ପଦକ୍ଷେପ ନେଇ ଚର୍ଚ୍ଚାର ପରିସରକୁ ଆସିଛନ୍ତି । ସମସ୍ତ ନିୟମକୁ ଜଳାଞ୍ଜଳି ଦେଇ ରାସ୍ତା ନିର୍ମାଣ କରୁଥିଲେ ଆର.ଡି ବିଭାଗର ଠିକାଦାର । ତେବେ ବନ ବିଭାଗର ଅଧିକାରୀ ଘଟଣା ସ୍ଥଳରେ ପହଂଚି ଏହା ଦେଖି ଥାନାରେ ଅଭିଯୋଗ କଲା ପରେ ବନ୍ଦ ରହିଲା ନିର୍ମାଣ କାର୍ଯ୍ୟ । ପ୍ରକାଶଥାଉକି, ପାଣିକୋଇଲି ଅମୃତିଆ ସଡ଼କ ରାସ୍ତା ଓ ଗୃହ ନିର୍ମାଣ ବିଭାଗ ରାସ୍ତାର ଜବାହାର ନବୋଦ୍ୱୟ ବିଦ୍ୟାଳୟ ନିକଟରୁ ଏକ ରାସ୍ତା ବାହାରି ପଥରପଦା ପଂଚାୟତର କାଳିପାଟଣା ଓ ନୂଆଗାଁ ଦେଇ ବଡ଼ବରୁଣାଇପଦା ପର୍ଯ୍ୟନ୍ତ ନିର୍ମାଣ କାର୍ଯ୍ୟ ଏବେ ଚାଲୁଛି । ଏହା ୧୬ ନମ୍ବର ଜାତୀୟ ରାଜପଥକୁ ସଂଯୋଗ କରିବ । ତେବେ ନିୟମାନୁସାରେ ଗ୍ରାମ୍ୟ ଉନ୍ନୟନ ବିଭାଗର ଯେକୌଣସି ରାସ୍ତା ନିର୍ମାଣ ନିମନ୍ତେ ଟେଣ୍ଡର ଦେବା ପୂର୍ବରୁ ରାଜସ୍ୱ ବିଭାଗ ଓ ବନ ବିଭାଗ ଠାରୁ ଅନୁମତି ନେବା କଥା । ଏଥି ନିମନ୍ତେ ରାଜସ୍ୱ ବିଭାଗର ତହସିଲଦାର, ବନ ଅଧିକାରୀ ଓ ଗ୍ରାମ ଉନ୍ନୟନ ବିଭାଗର ପଦସ୍ଥ ଅଧିକାରୀ, ସ୍ଥାନୀୟ ସରପଂଚ ସମ୍ପୃକ୍ତ ଅଂଚଳର ପଲ୍ଲୀସଭା ମାଧ୍ୟମରେ ଜନ ଶୁଣାଣି କରିବା ପରେ ଆବଶ୍ୟକୀୟ ଅନୁମତି ପ୍ରଦାନ କରିବେ । ମାତ୍ର ଗ୍ରାମ୍ୟ ଉନ୍ନୟନ ବିଭାଗ ସମସ୍ତ ଅନୁମତି ନ ନେଇ କିପରି ରାସ୍ତା ନିର୍ମାଣ କାର୍ଯ୍ୟ କରାଉଥିଲା, ତାହା ଏବେ ସବୁଠି ଆଲୋଚନାର ବିଷୟ । ଗ୍ରାମ୍ୟ ଉନ୍ନୟନ ବିଭାଗ ଅଧିନରେ ଚାଲିଥିବା ଏହି ରାସ୍ତା କାର୍ଯ୍ୟ ନିମନ୍ତେ ୦୩ କୋଟି ୫୫ ଲକ୍ଷ ୧୨ ହଜାର ଟଙ୍କା ବ୍ୟୟ ବରାଦ ହୋଇଛି । ଗତ ୨୦୨୩ ମସିହା ଡିସେମ୍ବର ମାସ ୬ ତାରିଖରୁ ଉକ୍ତ କାର୍ଯ୍ୟ ଆରମ୍ଭ ହୋଇଥିବା ବେଳେ ଆସନ୍ତା ଜୁନ ୨୦୨୪ରେ ଉକ୍ତ କାର୍ଯ୍ୟ ସାରିବା ଲାଗି ବିଭାଗୀୟ ନିର୍ଦ୍ଦେଶ ରହିଛି । ତେବେ ଉଭୟ ବିଭାଗର ଅନୁମତି ନ ନେଇ ଟେଣ୍ଡର ପ୍ରକ୍ରିୟା ମାଧ୍ୟମରେ କାର୍ଯ୍ୟ ଆରମ୍ଭ କରିବା ଲାଗି ସମ୍ପୃକ୍ତ ଠିକାଦାରଙ୍କୁ ଆଶ୍ଚର୍ଯ୍ୟଜନକ ଭାବେ ଅନୁମତି ଦେଇଛି ଗ୍ରାମ୍ୟ ଉନ୍ନୟନ (ଆର.ଡି) ବିଭାଗ । ଯାହାକୁ ନେଇ ବିବାଦ ଉପୁଜୁଛି । ଉକ୍ତ ରାସ୍ତାଟି ରାଜସ୍ୱ ଓ ଜଙ୍ଗଲ ବିଭାଗର ଅଧିନରେ ଆସୁଥିବାରୁ ଘଟଣା ଜାଣିବା ପରେ ଯାଜପୁରରୋଡ଼ ବନ ବିଭାଗର ରେଞ୍ଜ ଅଧିକାରୀ ଜ୍ୟୋତିରଞ୍ଜନ ମହାପାତ୍ର ସମ୍ପୃକ୍ତ ଠିକାଦାରଙ୍କ ବିରୁଦ୍ଧରେ ଥାନାରେ ଅଭିଯୋଗ କରିଥିଲେ । ଏଥିସହ ତାଙ୍କ ବିଭାଗରୁ ଅନୁମତି ନ ଆଣିବା ପର୍ଯ୍ୟନ୍ତ ରାସ୍ତା ନିର୍ମାଣ କାର୍ଯ୍ୟ ବନ୍ଦ କରିବା ଲାଗି ନିର୍ଦ୍ଦେଶ ଦେଇଥିଲେ । ପରେ ସମ୍ପୃକ୍ତ ଠିକାଦାର ଉଭୟ ରାଜସ୍ୱ ଓ ଜଂଗଲ ବିଭାଗ ଠାରୁ ଅନୁମତି ପାଇବା ପରେ ଯାଇ ପୁନଶ୍ଚ ରାସ୍ତା ନିର୍ମାଣ କାର୍ଯ୍ୟ ଆରମ୍ଭ କରିବ ବୋଲି ଲିଖିତ ପ୍ରତିଶ୍ରୁତି ଦେଇଥିବାର ଜଣାଯାଇଛି ।
Loading ...
