![](https://udayabataenews.com/r3e/uploads/2024/02/satish-2-2-780x405.jpg)
ଦୁଃଖର ପାହାଡ ତଳେ ଚାପି ହୋଇ ଯାଇଥିବା ପରିବାର ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ପାଇଁ ନିବେଦନ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଯାଜପୁର,୨୦/୦୨(ଉ. ନ୍ୟୁଜ୍ ବ୍ୟୁରୋ): ବିଜୁ ଜନତା ଦଳ ସରକାର ଦୁଃଖୀ ମଣିଷର ବଳ । ଦଃୁଖୀ ମଣିଷଙ୍କ ନିକଟରେ ଉଭୟ ପ୍ରଶାସନ ଓ ଜନପ୍ରତିନିଧି ପହଂଚି ତାଙ୍କର ସମସ୍ୟା ସମାଧାନ କରନ୍ତୁ । ଏହା ହେଉଛି ଜନପ୍ରୀୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଭାଷା । ହେଲେ ଦଃୁଖର ପାହାଡ ତଳେ ଚାପି ହୋଇ ଯାଇଥିବା ପରିବାର ପ୍ରତି ସରକାରଙ୍କ ତରଫରୁ ମିଳି ପାରୁ ନାହିଁ କୌଣସି ସହାୟତା କିମ୍ବା ଆଶା ଓ ଆଶ୍ୱାସନା । ସବୁ ଦଃୁଖ ଯେଉଁଠି ଶେଷ ହୋଇଛି, ସେହିଠାରୁ ଆରମ୍ବ ହେଉଛି ଯାଜପୁର ଜିଲ୍ଲାର ରସୁଲପୁର ବ୍ଲକ ଅନ୍ତର୍ଗତ ରସୁଲପୁର ପଂଚାୟତ କେଉଁଟନଗୁଆଁ ଗ୍ରାମରେ ଆଲୋକ ମଲିକଙ୍କ ପରିବାରର ଦଃୁଖ । ନାଁ ଟି ସିନା ଆଲୋକ ହେଲେ ଜୀବନର ପ୍ରଥମ ଆଲୋକ ଦେଖିବା ପୂର୍ବରୁ ତାଙ୍କ ଜୀବନର ସବୁ ଆଲୋକ ଲିଭି ଯାଇଥିଲା । ଆଲୋକ ଏବଂ ତାଙ୍କ ପତ୍ନୀ ସଂଯୁକ୍ତା ଉଭୟ ଜନ୍ମରୁ ମୁକ ଏବଂ ବଧୀର । ଉଭୟ ୧୦୦ ଭାଗ ଭିନ୍ନକ୍ଷମ । ଦଃୁଖ ପରେ ଦଃୁଖ ଦାଉ ପରି ଆଲୋକ ଦୂରାରୋଗ୍ୟ କର୍କଟ ରୋଗରେ ଆକ୍ରାନ୍ତ ହୋଇ ବିଛଣାରେ ପଡି ରହି ଜୀବନ ସହ ସଂଗ୍ରାମ କରୁଛନ୍ତି । ତାଙ୍କର ଦେହରେ କେବଳ ଚମ ଘୋଡାଇ ହୋଇ ରହିଛି । ନଚେତ ଦେହରେ କେଉଁଠି ବି ପୁଳାଏ ମାଂସ ନାହିଁ କହିଲେ ଚଳେ । ଏବେ ତାଙ୍କର ଅବସ୍ଥା ମାନବିକତା ଥିବା ଯେ କୌଣସି ବ୍ୟକ୍ତିର ବୁକୁ ଥରାଇ ଦେବ । ଏକ ବେସରକାରୀ ହସ୍ପିଟାଲରେ ଆଲୋକ ଚିକିତ୍ସିତ ହେଉଥିଲେ ମଧ୍ୟ ସେଠାରେ ତାଙ୍କୁ ଅନେକ ଔଷଧ ବଜାରରୁ କିଣିବାକୁ ବାଧ୍ୟ କରାଯାଉଛି । ତାଙ୍କର ଗୋଟିଏ ମାତ୍ର ୫ ବର୍ଷର ପୁଅ ଆୟୁସ ମଲିକଙ୍କ ଭବିଷ୍ୟତ ଏବେ ଅନ୍ଧାରରେ । ଆୟୁସ ସ୍ଥାନୀୟ ଅଙ୍ଗନବାଡିରେ ପାଠ ପଢୁଛି । ହେଲେ ତାକୁ କିଏ ପାଠ ପଢାଇବ? ମୁଖ୍ୟମନ୍ତ୍ରୀଙ୍କ ଗରୀବ କଲ୍ୟାଣ ଯୋଜନାର ସଫଳ ରୂପାୟନ ଅଭିଯାନ ଚଲାଇଥିବା ବି.ଜେ.ଡି ଯୁବନେତା ସତୀଶ ବିଶ୍ୱାଳ ଗାଁ ଲୋକଙ୍କ ଡାକରାରେ ଏହି ପରିବାରକୁ ଏକ ପ୍ରତିନିଧି ଦଳ ସହ ଭେଟିଥିଲେ । ଏଠାରେ ସେ ଗଣମାଧ୍ୟମ ପ୍ରତିନିଧିଙ୍କୁ କହିଛନ୍ତି ଯେ, କେବଳ ଭତା ଟଙ୍କା ବ୍ୟତୀତ ଉଭୟ ଶହେଭାଗ ଦୂରାରୋଗ୍ୟରେ ପଡିତ ଭିନ୍ନକ୍ଷମଙ୍କୁ ଅନ୍ୟ କୌଣସି ସହାୟତା ନମିଳିବା ଉଦବେଗଜନକ । ଉଭୟ ଜନପ୍ରତିନିଧି ଏବଂ ପ୍ରଶାସନର ସାମାନ୍ୟତମ ମାନବିକତା ରହୁ । ମାନବ ସମ୍ବଳ ହେଉଛି ଦେଶର ସର୍ବଶ୍ରେଷ୍ଠ ସମ୍ବଳ । ଛୋଟ ଶିଶୁ ଆୟୁସ୍ କଣ ଭୁଲ କରିଛି ଯେ, ତାର ଆୟୁସ ଆରମ୍ବ ନହେଉଣୁ ଜୀବନର ସବୁ ସ୍ୱପ୍ନ ଲିଭିଯିବ । ସେଥିପାଇଁ ୧୦୦ ଭାଗ ଭିନ୍ନକ୍ଷମ ଦମ୍ପତିଙ୍କ ପୁଅର ପାଠ ପଢିବା ପାଇଁ ମୁଖ୍ୟମନ୍ତ୍ରୀ ହସ୍ତକ୍ଷେପ କରିବାକୁ ନିବେଦନ କରାଯିବ । ସରକାର ବିଭିନ୍ନ ସେବା ମୂଳକ କାର୍ଯ୍ୟରେ ଡି.ଏମ.ଏଫ ଠାରୁ ରେଡକ୍ରସରୁ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ଏ କ୍ଷେତ୍ରରେ ସରକାର ଅର୍ଥ ବିନିଯୋଗ କରିବା ଠାରୁ ବଡ ସେବା ଆଉ କିଛି ନଥାଇ ପାରେ । ତାଙ୍କୁ ଉନ୍ନତମାନର ପାଠ ପଢିବା ପାଇଁ ସରକାର ବିଭିନ୍ନ ଯୋଜନାରୁ ପ୍ରତ୍ୟେକ ମାସରେ ଆବଶ୍ୟକ ଆର୍ଥିକ ସହାୟତା ପ୍ରଦାନ କରନ୍ତୁ । ଭିନ୍ନକ୍ଷମ ଆଲୋକଙ୍କ ବାପାଙ୍କୁ ବହୁ ବର୍ଷ ପୂର୍ବରୁ ୨୫ ହଜାର ଟଙ୍କିଆ ଆବାସ ଗୃହ ମିଳିଥିଲା । ଆଲୋକଙ୍କ ଅନ୍ୟ ଭାଇମାନେ ଏହି ଗୃହରେ ରହୁଥିବା ବେଳେ ସେ ଗୋଟିଏ ଭଙ୍ଗା ଆଜେବେଷ୍ଟସ ଘରେ ରହୁଛି । ଏହି ପଂଚାୟତରେ ଅନେକ ଥିଲାବାଲା ଏବଂ କୋଠାଘର ଥିବା ଲୋକଙ୍କ ସମେତ ଗୋଟିଏ ଗୋଟିଏ ପରିବାରକୁ ଏକାଧିକ ପ୍ରଧାନମନ୍ତ୍ରୀ ଆବାସ ଯୋଜନାରେ ଗୃହ ପ୍ରଦାନ କରାଯାଇଛି । ଏଭଳି ଶହେ ଭାଗ ଭିନ୍ନକ୍ଷମ ପରିବାରକୁ ଆଜି ପର୍ଯ୍ୟନ୍ତ ପ୍ରଧାନମନ୍ତ୍ରୀ ଆବାସ ପ୍ରଦାନ କରାଯାଇ ନାହିଁ । ଏହାକୁ ଏକ ସ୍ୱତନ୍ତ୍ର ଘଟଣା ଭାବେ ନିଆଯାଇଏହି ପରିବାରକୁ ତୁରନ୍ତ ଏକ ପ୍ରଧାନମନ୍ତ୍ରୀ ଆବାସ ପ୍ରଦାନ ପାଇଁ ଉଭୟ କେନ୍ଦ୍ର ଏବଂ ରାଜ୍ୟ ସରକାରଙ୍କ ଅନୁମୋଦନ ପାଇଁ ଜିଲ୍ଲା ପ୍ରଶାସନ ତରଫରୁ ପତ୍ର ପ୍ରଦାନ କରାଯାଉ । ଭିନ୍ନକ୍ଷମ ସଶକ୍ତିକରଣ ବିଭାଗ ତରଫରୁ ଏଭଳି ଭିନ୍ନକ୍ଷମ ଦମ୍ପତିଙ୍କ ସଶକ୍ତ ତଥା ସେମାନଙ୍କ ସୁଖ, ସମୃଦ୍ଧି ପାଇଁ କିଛି ବି କରାଯାଇ ନାହିଁ । ଦୀର୍ଘବର୍ଷ ଧରି ଭିନ୍ନକ୍ଷମ ସଶକ୍ତିକରଣ ବିଭାଗ ଚେଇଁ ଶୋଇବା ଦଃୁର୍ଭାଗ୍ୟଜନକ ଏବଂ ଏହା ମାନବାଧିକାରର ଉଲଂଘନ । ଆଇନ ଦୃଷ୍ଟିରୁ ମଧ୍ୟ ଏହା ବିଭାଗର କର୍ତବ୍ୟରେ ଅବହେଳା । ଏଥିନେଇ ଭିନ୍ନକ୍ଷମ ସଶକ୍ତିକରଣ ବିଭାଗ ତରଫରୁ ଅନୁଧ୍ୟାନ କରି ତୁରନ୍ତ ଗୋଟିଏ ସପ୍ତାହ ମଧ୍ୟରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ । ନଚେତ ମୋ ଜନପ୍ରୀୟ ମୁଖ୍ୟମନ୍ତ୍ରୀଙ୍କ ଗରୀବ କଲ୍ୟାଣ ଯୋଜନାର ସଫଳ ରୂପାୟନ ପାଇଁ ବାଧ୍ୟ ହୋଇ ଧାରଣା ଦେବି ଏବଂ କୋର୍ଟର ଆଶ୍ରୟ ନେବି ।