ଯାଜପୁର ଜିଲ୍ଲାର ୭ଗୋଟି ବିଧାନସଭା ନିର୍ବାଚନ ମଣ୍ଡଳୀର ଚୂଡାନ୍ତ ଭୋଟର ତାଲିକା ପ୍ରକାଶିତ
ଯାଜପୁର,୦୬/୦୧(ଉ. ନ୍ୟୁଜ୍ ବ୍ୟୁରୋ): ଚଳିତ ଜାନୁଆରୀ ୫ ତାରିଖ ପୂର୍ବାହ୍ନରେ ଭୋଟର ପଂଜୀକରଣ ଅଧିକାରୀ ତଥା ଉପଜିଲ୍ଳ୍ାପାଳ ଏବଂ ଉପଖଣ୍ଡ ମାଜିଷ୍ଟ୍ରେଟ୍ ଗୋପୀନାଥ କୁଅଁରଙ୍କ ଅଧ୍ୟକ୍ଷତାରେ ତାଙ୍କ କାର୍ଯ୍ୟାଳୟ ପ୍ରକୋଷ୍ଠରେ ଚୂଡାନ୍ତ ଭୋଟର ତାଲିକା-୨୦୨୪ ପ୍ରକାଶ ପାଇଛି । ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ଏବଂ ଭାରତର ନିର୍ବାଚନ ଆୟୁକ୍ତଙ୍କ ନିର୍ଦ୍ଦେଶ କ୍ରମେ ତା୦୧/୦୧/୨୦୨୪କୁ ୧୮ବର୍ଷ ବୟସ ସୂଚାଙ୍କ ଧରାଯାଇ ଯୋଗ୍ୟ ଭୋଟରମାନଙ୍କ ସମେତ ତା୦୫/୦୧/୨୦୨୪ରିଖରେ ଏହି ଚୂଡାନ୍ତ ଭୋଟର ତାଲିକା ପ୍ରକାଶ ପାଇଛି । ଏହି କ୍ରମେ ଯାଜପୁର ଜିଲ୍ଲାର ବିଧାନ ସଭା ନିର୍ବାଚନ ମଣ୍ଡଳୀ ୪୮-ବିଂଝାରପୁର(ଅନୁସୂଚିତ ଜାତି), ୪୯-ବରୀ, ୫୦-ବଡଚଣା, ୫୧-ଧର୍ମଶାଳା, ୫୨-ଯାଜପୁର, ୫୩-କୋରେଇ ଏବଂ ୫୪-ସୁକିନ୍ଦା ଏହିଭଳି ୭ ଗୋଟି ନିର୍ବାଚନ ମଣ୍ଡଳୀକୁ ନେଇ ମୋଟ ୧୫ଲକ୍ଷ ୩୦ ହଜାର ୨୪୦ ଭୋଟରମାନଙ୍କ ତାଲିକା ପ୍ରକାଶ ପାଇଛି ବୋଲି ଭୋଟର ପଂଜିକରଣ ଅଧିକାରୀ ତଥା ଉପଜିଲ୍ଲାପାଳ ଗୋପୀନାଥ କୁଅଁର ପ୍ରକାଶକରିଛନ୍ତି ।
Live Share Market
Loading ...
