ଯାଜପୁରର କୋରାଇ ରେଳ ଦୁର୍ଘଟଣା ଅନ୍ତରାଳେ: ୦୩ଜଣଙ୍କ ମୃତ୍ୟୁ, ୪ରୁ ଅଧିକ ଆହତ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଯାଜପୁରୋଡ,୨୧/୧୧(ଦୁଷ୍ମନ୍ତ କୁମାର ରାଉତଙ୍କ ଠାରୁ): ଯାଜପୁର ଜିଲ୍ଲାର ପ୍ରମୁଖ ଯାଜପୁର-କେଉଁଝର ରେଳ ଷ୍ଟେସନ ନିକଟବର୍ତୀ କେରାଇ ରେଳ ଷ୍ଟେସନ ନିକଟରେ ଆଜି ଘଟିଛି ଏକ ବିରଳ ରେଳ ଦୁର୍ଘଟଣା! ଏକ ମାଲବାହୀ ଟ୍ରେନ ତା’ର ୫୪ଟି ବଗି ନେଇ ସବୁଜ ସଂକେତ ପାଇ ଅତି ଦୃତ ବେଗେରେ ଭଦ୍ରଖ ଆଡ଼ୁ ଯାଜପୁର-କେଉଁଝରରୋଡ଼ ଆଡ଼କୁ ଯାଉଥିବା ବେଳେ ହଠାତ୍ ଘଟିଥିଲା ଅତୀବ ବିସ୍ମୟକର ତଥା ଦୁଃଖଦ ଦୁର୍ଘଟଣା । ଆଗର କିଛି ବଗି ଷ୍ଟେସନ ପାର ହୋଇ ଯାଉଥିବା ବେଳେ ହଠାତ୍ ୮-୧୦ଟି ମଝି ବଗି ଲାଇନଚ୍ୟୁତ ହୋଇ ଉପରକୁ ମାଡି ଆସିଥିଲା । ଅକସ୍ମାତ୍ ବଗିଗୁଡିକ ଷ୍ଟେସନ ଆଡ଼କୁ ମାଡି ଆସିବା ସହ ଉପରକୁ ଉଡ଼ିବା ଭଳି ଦେଖାଯାଇଥିଲା । ଏଥିରେ ଷ୍ଟେସନରେ ଥିବା ଟିକେଟ କାଉଂଟର, ଯାତ୍ରୀ ବିଶ୍ରାମ ଘର, ଫୁଟ ଓଭର ବ୍ରିଜ୍ ଆଦିର ପ୍ରଭୂତ କ୍ଷତି ଘଟିଛି । ଟ୍ରେନଟି ଯେପରି ଭାରସାମ୍ୟ ହରାଇ ମୁଣ୍ଡବୁଲା ଭାବେ ଷ୍ଟେସନ ଉପରକୁ ମାଡି ଆସିଲା ତାହା ଭାରତବର୍ଷରେ ପୂର୍ବରୁ ଘଟିଯାଇଥିବା ଯେକୈାଣସି ଦୁର୍ଘଟଣା ଠାରୁ ଭିନ୍ନ ହୋଇଥିବାରୁ ଏହାକୁ ବିରଳ ଟ୍ରେନ ଦୁର୍ଘଟଣା ବୋଲି କୁହାଯାଉଛି । ପୁନଶ୍ଚ, ସାମନା ପଟୁ ଧକ୍କା ନ ଖାଇ ନିଜ ଲାଇନରେ ଯାଉଥିବା ଏକ ଟ୍ରେନ କାହିଁକି ଏପରି ଅସମ୍ଭବ ଭଳି ଲାଗୁ ଥିବା ଦୁର୍ଘଟଣାର ଶିକାର ହେଲା ତା’କୁ ନେଇ ବିଭିନ୍ନ ପ୍ରକାରର ଆଲୋଚନା ହେଉଛି । କୁହାଯାଉଛି, ଏହି ରୁଟରେ କିଛି ଜାଗାରେ ଲାଇନରେ ସ୍ଲିପର ଠିକ ଭାବେ ସେଟିଂ କରାଯାଉ ନାହିଁ । ସେଥିପାଇଁ ଟ୍ରାକ୍ରେ ସମସ୍ୟା ରହୁଛି । ଏହାଛଡ଼ା ଗାଡ଼ିଟି ଆବଶ୍ୟକତା ଠାରୁ ଅଧିକ ବେଗରେ ଯାଉଥିଲା । ଏହାର କବାଟ ଖୋଲା ରହିଥିଲା । କିଛି ବଗି ଗଲା ପରେ ଖୋଲା କବାଟ ପ୍ଲାଟଫର୍ମରେ ବାଡ଼େଇ ହେବାରୁ ଭାରସାମ୍ୟ ରକ୍ଷା କରିବାରେ ସମସ୍ୟା ହେବାରୁ ଟ୍ରାକରେ ପ୍ରଚଣ୍ଡ ବେଗରେ ବାଡ଼େଇ ହୋଇ ଟ୍ରାକ ଭାଙ୍ଗିଯିବାରୁ ବଗିଗୁଡିକ ଲାଇନଚ୍ୟୁତ ହୋଇଥିଲା । ଦୁର୍ଘଟଣାରେ ୦୩ ଜଣ ମହିଳା ପ୍ରାଣ ହରାଇଥିବା ବେଳେ ଜଣେ ୦୩ମାସର ଶିଶୁ ସୈାଭାଗ୍ୟକ୍ରମ ନିଶ୍ଚିତ ବଡ଼ ଦୁର୍ଘଟଣାରୁ ରକ୍ଷା ପାଇବା ଘଟଣା ଆଲୋଚ୍ୟର ବିଷୟ ପାଲଟିଛି । ଯାଜପୁର-କେଉଁଝର ରୋଡ଼ ପାଖାପାଖି ଅଂଚଳରେ ଲାଇନର ରକ୍ଷଣାବେକ୍ଷଣ ଖାମଖିଆଲି ଭାବେ ହେଉଥିବାର ଅଭିଯୋଗ ହେଉଛି ।
Loading ...
