‘ଉଦୟବଟ’ ତରଫରୁ ରାକ୍ଷୀ ପୂର୍ଣ୍ଣିମାରେ ଦାରୁଦେବତାଙ୍କୁ ପୂଜାର୍ଚ୍ଚନା ଓ ରାକ୍ଷୀ ବନ୍ଧନ
ବ୍ୟାସନଗର,୧୪/୮(ଉ. ନ୍ୟୁଜ୍ ବ୍ୟୁରୋ): ସମ୍ବାଦଭିତିକ ପତ୍ରିକା ‘ଉଦୟବଟ’ ଏବଂ ଡ଼ିଜିଟାଲ ଚ୍ୟାନେଲ ‘ଉଦୟବଟ ଇ-ନ୍ୟୁଜ୍’ ତରଫରୁ ପବିତ୍ର ରକ୍ଷାବନ୍ଧନ ଅବସରରେ ପ୍ରତିବର୍ଷ ପରି ବୃକ୍ଷ ଦେବତାଙ୍କ ପୂଜାର୍ଚ୍ଚନା କରାଯାଇଛି । ପବିତ୍ର ରାକ୍ଷୀ ପୂର୍ଣ୍ଣିମାକୁ ଏଠାରେ ନିଆରେ ଢ଼ଙ୍ଗରେ ପାଳନ କରାଯାଇଥିଲା । ସ୍ଥାନୀୟ ଅଂଚଳରେ ଥିବା କେତେକ ବୃକ୍ଷ ମୂଳ ସଫା କରାଯିବା ପରେ ପୂଜକ ଦୀପକ ରଂଜନ ପାଣିଗ୍ରାହୀ ବୃକ୍ଷଗୁଡିକର ପୂଜାର୍ଚ୍ଚନା କରିଥିଲେ । ପରିବେଶବିଦ୍ ଦୁଷ୍ମନ୍ତ କୁମାର ରାଉତଙ୍କ ଆବାହକତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବ୍ୟାସନଗର ବରିଷ୍ଠ ନାଗରିକ ମଂଚର ସମ୍ପାଦକ ତଥା ବରିଷ୍ଠ ସମାଜସେବୀ ଚନ୍ଦ୍ରମଣି ସାମଲ, ଶିକ୍ଷାବିତ୍ ଡ଼ଃ. ଅକ୍ଷୟ କୁମାର ପଣ୍ଡା, ନାରୀ ନେତ୍ରୀ ବିଦ୍ୟୁତ୍ପ୍ରଭା ରାୟ, ପ୍ରଫୁଲ୍ଲ ବାରିକ, ଅଭିଷେକ ମଲ୍ଲ, ଗୈାରୀଶଙ୍କର ପତି, କଳିଙ୍ଗ କେଶରୀ ରାଉତ ଓ ଅନ୍ୟମାନେ ବୃକ୍ଷକୁ ପୂଜାର୍ଚ୍ଚନା କରି ତହିଁରେ ଫୁଲ, ଚନ୍ଦନ, ଧୂପ, ଦୀପ, ସିନ୍ଦୁର, ବସ୍ତ୍ର ଆଦି ଦେଇ ସେଥିରେ ରାକ୍ଷୀ ବାନ୍ଧିଥିଲେ । ବୃକ୍ଷର ବିଭିନ୍ନ ଉପାଦେୟ ଗୁଣ ଉପରେ ମଧ୍ୟ ଏଠାରେ ଆଲୋଚନା କରାଯାଇଥିଲା ।
Loading ...
