ଲଗାଣ ବର୍ଷାରେ ବରୀ ବେହାଲ, ନଦୀବନ୍ଧଗୁଡିକରେ ଘାଇ ସୃଷ୍ଟିର ଆଶଙ୍କା
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ବରୀ, ୨୫/୦୭(ବିଭୂତି ଭୂଷଣ ଜେନା/ ଦୁଷ୍ମନ୍ତ କୁମାର ରାଉତଙ୍କ ଠାରୁ): ଯାଜପୁର ଜିଲ୍ଲାର ବରୀ ଅଂଚଳ ବନ୍ୟା ପ୍ରଭାବିତ ବୋଲି ସମସ୍ତେ ଜାଣନ୍ତି । ହେଲେ ଏହି ପୁରୁଣା ସମସ୍ୟାର ସମାଧାନ କେବେ ହେବ ଓ କିପରି ହେବ ଏହି ଉତର ଯେପରି କାହାରି ପାଖରେ ନାହିଁ । ସରକାର ଧନ ଜୀବନ ସୁରକ୍ଷା ପାଇଁ ଓ ବନ୍ୟା ଦୁର୍ଗତମାନେ କିପରି ଆଉ ସମସ୍ୟାରେ ପଡିବେ ନାହିଁ ସେଥିଲାଗି ବନ୍ୟା ରୋକିବାର ଲକ୍ଷ୍ୟ ରଖି ପ୍ରତି ବର୍ଷ କୋଟି କୋଟି ଟଙ୍କା ଖର୍ଚ୍ଚ କରି ଚାଲିଛନ୍ତି । ହେଲେ ଲୋକେ ଯେଉଁ ସମସ୍ୟା ଭୋଗୁଥିଲେ ସେହି ସମସ୍ୟା ଭୋଗିବା ହିଁ ସାର ହେଉଛି । ସରକାରଙ୍କ କୋଟି କୋଟି ଟଙ୍କା ଖର୍ଚ୍ଚ ପାଣିରେ ପଡ଼ିଗଲା ପରି ହେଉଛି । ପ୍ରତି ବର୍ଷ ଏକାଧିକ ସ୍ଥାନରେ ଘାଇ ଭାଙ୍ଗିବା, ଦୁର୍ବଳ ନଦୀ ବନ୍ଦ ଧୋଇଯିବା, ଚାଷ ଜମିରେ ବାଲି ମାଡିଯିବା ଭଳି ସମସ୍ୟା ଦେଖାଯାଇଥାଏ । ଏହାର ସ୍ଥାୟୀ ପ୍ରତିକାର ପାଇଁ ସରକାର ଓ ଜଳସେଚନ ବିଭାଗ କେବେ ସକ୍ଷମ ହେବେ ତାହା ପ୍ରଶ୍ନବାଚୀ ସୃଷ୍ଟି କରିଛି ।
ସୂଚନାଯୋଗ୍ୟ, ବରୀ ଅଂଚଳର ବିଭିନ୍ନ ସ୍ଥାନରେ ଚଳିତ ବର୍ଷ ନଦବନ୍ଧ ମରାମତୀ କାମ ସଠିକ୍ ଭାବେ ସଂପନ୍ନ ହୋଇନାହିଁ । ବହୁ ସ୍ଥାନରେ ନାଲି ମାଟି, ଗୋଡି ପକାଇ ଯେନତେନ ଉପାୟରେ କାମ ହେବାର ସଫେଇ ଦିଆଯାଇଛି । କେତେକ ସ୍ଥାନରେ ଚଳିତ ଲଗାଣ ବର୍ଷାରେ ତାହା ଧୋଇ ହୋଇ ଗଲାଣି । ନଦୀରେ ବନ୍ୟା ଆସିଲେ ବହୁ ସ୍ଥାନରେ ଘାଇ ସୃଷ୍ଟି ହେବାର ଆଶଙ୍କା ଦେଖାଦେଇଛି । ମେଣ୍ଢ, ଶଙ୍କରାକୂଳ, ବରୀପାଳ, ମାଟିଆପଡ଼ା, ମନ୍ଦାରୀ, ଧାରପୁର, ବନ୍ଧଡ଼ିହ ଆଦି ସ୍ଥାନରେ ଘାଇ ହେବାର ସମ୍ଭାବନା ରହିଛି ବୋଲି କେତେକ ସ୍ଥାନୀୟ ଅଧିବାସୀ କହିଛନ୍ତି । ଫଳରେ ବରୀ ବ୍ଲକର ୨୫ଟି ପାଖାପାଖି ପଂଚାୟତ ଜଳବନ୍ଦୀ ହେବାର ଜଳଜଳ ଦିଶୁଛି । ଏବେ ରେଙ୍ଗାଲୀ ୦୩ଟି ଗେଟ୍ ଖୋଲା ରଖିଛି । ଯଦି ଆଗାମୀ ଦିନରେ ୮-୯ଟି ଗେଟ୍ ଖୋଲା ରଖେ ତେବେ ପରିସ୍ଥିତି ଅସମ୍ଭାଳ ହେବ । ନଦୀବନ୍ଧ ମରାମତି ଉପରେ ଚଣ୍ଡିଖୋଲ ସ୍ଥିତ ଜଳସେଚନ ବିଭାଗର ସହକାରୀ ମୁଖ୍ୟ ଯନ୍ତ୍ରୀ ଇଂ. ଧନେଶ୍ୱର ସାମଲ କହନ୍ତି- ନଦୀବନ୍ଧର ପାଶ୍ୱର୍ବର୍ତୀ କେତେକ ସ୍ଥାନରେ ନିଜ ଜମିରୁ କେତେକ ବ୍ୟକ୍ତି ମାଟି ନ ଦେବା କାରଣରୁ ବନ୍ଧ ନିର୍ମାଣ କାର୍ଯ୍ୟ ସଂପୂର୍ଣ୍ଣ ହୋଇପାରି ନାହିଁ । ହେଲେ ଏଥିପାଇଁ ବ୍ୟୟବରାଦ ହୋଇଛି ।
Loading ...
