ପାର୍ବଣ ପାଇଁ କଟକଣା ଲାଗୁ , ଆଗାମୀ ଶାରଦୀୟ ପୂଜା ପଡିବ ଫିକା
SUB -EDITOR
UDAYABATA E-NEWS
ଉଦୟବଟ ଓ ଉଦୟବଟ ଇ – ନ୍ୟୁଜ
ଭୁବନେଶ୍ୱର , ୧୧/୯ : ମହାମାରୀ କରୋନା ଦିନକୁ ଦିନ କାୟା ବିସ୍ତାର କରିବାରେ ଲାଗିଛି । ସଂକ୍ରମଣ କମିବା ତ ଦୂରର କଥା ଦିନକୁ ୩୦୦୦ରୁ ଉର୍ଦ୍ଧ୍ବ ସଂକ୍ରମିତ ହେଉଛନ୍ତି ।ଏହାକୁ ଦୃଷ୍ଟିରେ ରଖି ସରକାର ଆଗୁଆ ପୂଜା କଟକଣା ଜାରି କରିଛନ୍ତି । ଶାରଦୀୟ ଦୁର୍ଗାପୂଜା , ଲକ୍ଷ୍ମୀପୂଜା , କାଳୀପୂଜା କୁ ଆଖିଆଗରେ ରଖି ଗୁରୁବାର ଏକ ମାର୍ଗଦର୍ଶିକା ଜାରି କରାଯାଇଛି । ଏଥର ପୂଜାବଜାର ଫିକା ପଡିବ ବୋଲି ଆଶଙ୍କା କରାଯାଇଛି । ମଣ୍ଡପରେ ପୂଜା ପାଇଁ ସର୍ବପ୍ରଥମେ ଜିଲ୍ଲାପାଳଙ୍କ ଅନୁମତି ଆବଶ୍ୟକ । କେବଳ ରୀତିନୀତିରେ ପୂଜାମଣ୍ଡପ ସୀମିତ ରହିବ । ପୂଜା ମଣ୍ଡପ ଗୁଡ଼ିକରେ ମା’ଙ୍କ ମୂର୍ତ୍ତିର ଉଚ୍ଚତା ୪ଫୁଟ ଭିତରେ ରହିବା ସଙ୍ଗେ ସଙ୍ଗେ ୩ପାର୍ଶ୍ଵ ସମ୍ପୂର୍ଣ୍ଣ ବନ୍ଦ ରହିବ । ମଣ୍ଡପର କର୍ତ୍ତାଙ୍କୁ ମିଶାଇ ସର୍ବାଧିକ ୭ ଜଣ ରହିପାରିବେ । ସମସ୍ତେ ସାମାଜିକ ଦୂରତା ମାନିବା ସହ ମାସ୍କ ପିନ୍ଧିବା ବାଧ୍ୟତାମୂଳକ । ଭାଷାଣି ଶୋଭାଯାତ୍ରାକୁ ବି ବନ୍ଦ କରାଯାଇଛି । ପ୍ରଶାସନ ଦ୍ଵାରା ତିଆରି କୃତ୍ରିମ ପୋଖରୀରେ ମୂର୍ତ୍ତି ବିସର୍ଜନ କରିବାକୁ ନିର୍ଦେଶ ରହିଛି । ମନୋରଞ୍ଜନ ଓ ସଙ୍ଗୀତ ଆଦି କାର୍ଯ୍ୟକ୍ରମରେ ରୋକ ଲଗାଯାଇଛି । କୌଣସି ଡ଼ାକବାଜି ଯନ୍ତ୍ର ବାଜିପାରିବ ନାହିଁ । ଏ ସବୁର କଟକଣା ନଭେମ୍ବର ୨୦୨୦ ପର୍ଯ୍ୟନ୍ତ ବଳବତ୍ତର ରହିବ ବୋଲି ସୂଚନା ମିଳିଛି । କଟକଣା ନ ମାନିଲେ ଆଇନଗତ କାର୍ଯ୍ୟାନୁଷ୍ଠାନ ନେବାପାଇଁ ସମସ୍ତ ଜିଲ୍ଲାପାଳଙ୍କୁ ନିର୍ଦ୍ଦେଶନାମା ଜାରି କରାଯାଇଛି ।
Loading ...
