୬ ଦିନ ଧରି ଲଗାତାର ବଢ଼ିଚାଲିଛି ପେଟ୍ରୋଲ ଦର
ଭୁବନେଶ୍ୱର ; ୨୬/୮ : ଦେଶରେ କରୋନା ଭଳି ସଂକଟ ସମୟରେ ବି ପେଟ୍ରୋଲ ଦର ଦିନକୁ ଦିନ ବଢ଼ିବାରେ ଲାଗିଛି । ଲଗାତାର ତେଲ ଦର ବୃଦ୍ଧି ହେବା ଫଳରେ ଜନଜୀବନ ଉପରେ ଏହାର ଶକ୍ତ ପ୍ରଭାବ ଦେଖିବାକୁ ମିଳିଛି। ଦୀର୍ଘ ୬ଦିନ ଧରି ଲଗାତାର ପେଟ୍ରୋଲ ଦର ବୃଦ୍ଧି ସାଧାରଣ ଲୋକଙ୍କ ପକ୍ଷେ ଚିନ୍ତାଜନକ ହୋଇଛି । କରୋନା ଭଳି ମହାମାରୀ ସମୟରେ ଲୋକଙ୍କ ପାଖରେ ଚାକିରୀର ସମସ୍ୟା ଥିବାରୁ ଦରଦାମ ବୃଦ୍ଧି ଯେପରିକି ବୋଝ ଉପରେ ନଳିତା ବିଡା । ମଙ୍ଗଳବାର ଭୁବନେଶ୍ୱରରେ ପେଟ୍ରୋଲ ଲିଟର ପିଛା ୧୧ପଇସା ବଢ଼ିଛି , ଫଳରେ ପେଟ୍ରୋଲ ୮୨.୨୮ଟଙ୍କାରେ ପହଁଚିଛି । ଡିଜେଲ ଦର ଅପରିବର୍ତ୍ତିତ ରହିଛି । ଗତ ୧୦ ଦିନ ବିଚାରକୁ ନେଲେ ପେଟ୍ରୋଲ ଦର ୯ଥର ବଢ଼ିଛି ବୋଲି ପ୍ରକାଶ ।
Live Share Market
Loading ...
