ପୁରୀ-ହାୱଡ଼ା ‘ବନ୍ଦେ ଭାରତ’ ଏକ୍ସପ୍ରେସ ଦୁଲାଖାପାଟଣା ଷ୍ଟେସନ ନିକଟରେ ପ୍ରବଳ ଝଡ଼ ବର୍ଷା ଓ ଯାନ୍ତ୍ରିକ ତୃଟି ଯୋଗୁଁ ଅଟକିଛି
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଦୁଲାଖାପାଟଣା, ୨୧/୦୫(ଉ. ନ୍ୟୁଜ୍ ବ୍ୟୁରୋ): ପୁରୀରୁ ହାୱଡ଼ା ଅଭିମୁଖେ ଆସୁଥିବା ‘ବନ୍ଦେ ଭାରତ’ ଏକ୍ସପ୍ରେସ ୨୨୮୯୬ନଂ. ଡାଉନ ଟ୍ରେନ ଆଜି ଅପରାହ୍ନ ପାଖାପାଖି ୪.୩୦ମି ସମୟରେ ପ୍ରବଳ ଝଡ଼ ତୋଫାନ ଯୋଗୁ ଦୁଲାଖାପାଟଣା ଷ୍ଟେସନ ନିକଟବର୍ତୀ ବ୍ରିଜ ଉପରେ ଦୀର୍ଘ ସମୟ ଧରି ଅଟକିଥିଲା । ଟ୍ରେନଟି ଯାଜପୁର-କେଉଁଝର ରୋଡ ଠାରେ ରହଣି କରି ୪ଟା ୨୦ମି ସମୟରେ ତା’ର ଗନ୍ତବ୍ୟ ପଥରେ ବାହାରିଥିଲା । ମାତ୍ର ବୈତରଣୀରୋଡ଼ ଷ୍ଟେସନ ପାର ହୋଇ ଯାଉଥିବା ସମୟରେ ହଠାତ୍ ପ୍ରବଳ ବେଗରେ ଝଡ଼ ତୋଫାନ ଆସିଯିବାରୁ ଇଲେକ୍ଟ୍ରିକ ଲାଇନ ତାର ଛିଡ଼ି କ୍ଷତିଗ୍ରସ୍ତ ହୋଇଥିଲା । ଅଟୋମେଟିକ ଡୋର ବ୍ଲକ ଜନିତ ଯାନ୍ତ୍ରିକ ତୃଟି ଫଳରେ ଟ୍ରେନଟି ଆଉ ଆଗକୁ ଯାଇ ନ ପାରି ଦୁଲାଖାପାଟଣା ଷ୍ଟେସନକୁ ଲାଗି କରି ଥିବା ବୈତରଣୀ ନଦୀ ବ୍ରିଜ୍ ଉପରେ ଦୀର୍ଘ ସମୟ ଠିଆ ହୋଇ ୮ଟା ୨୧ ମି ରେ ନିକଟସ୍ଥ ତଥା ପରବର୍ତୀ ମଂଜୁରୀରୋଡ଼ ଷ୍ଟେସନରେ ପହଚିଂଥିଲା । ପାଖାପାଖି ୪ ଘଂଟା ସମୟ ଧରି ବ୍ରିଜ୍ ଉପରେ ଗାଡିଟି ଠିଆ ହେବା ଦ୍ୱାରା ବିଜୁଳି ଲାଇନ ଅଭାବରୁ ଯାତ୍ରୀମାନେ ନାହିଁ ନ ଥିବା ହଇରାଣ ହରକତ ହୋଇଥିଲେ । ଏପରିକି ଟ୍ରେନର କେତେକ ବଗିରୁ ପାଣି ସରିଯାଇଥିବାର ଅଭିଯୋଗ ହୋଇଛି । ଡୋର ଲକ୍ ଯୋଗୁ ଯାତ୍ରୀମାନେ ବାହାରକୁ ବାହାରି ପାରୁ ନ ଥିବାରୁ ଭୟଭୀତ ଅବସ୍ଥାରେ ଅଛନ୍ତି । ବର୍ତମାନ ଡିଜେଲ ଇଂଜିନ ଜରିଆରେ ଟ୍ରେନଟିକୁ ଆଗକୁ ନିଆଯାଉଥିବାର ଜଣାଯାଇଛି । ବୈତରଣୀରୋଡ ଅଂଚଳରେ ଆଜି ଅପରାହ୍ନରେ ଅଧ ଘଂଟାଏର ପ୍ରବଳ ଝଡ଼ ତୋଫାନରେ ନାହିଁ ନ ଥିବା କ୍ଷୟକ୍ଷତି ହୋଇଛି । ପ୍ରାକୃତିକ ଦୁର୍ବିପାଗ ଆଗରେ ସବୁ କିଛି ବି ଫେଲ ମାରେ ବୋଲି ଏହି ଅଂଚଳର ବରିଷ୍ଠ ସମାଜସେବୀ ବିଶିକେଶନ ଜେନା କହିଛନ୍ତି । ବିଜୁଳି କନେକ୍ସନ କଟିଯିବାରୁ ଏହି ନୂତନ ଟ୍ରେନର ସ୍ୱୟଂଚାଳିତ ଡୋର ଲକ୍ ହୋଇଯାଇଥିବାର କୁହାଯାଉଛି । ଏହି ଯାନ୍ତ୍ରିକ ତୃଟି ସୁଧାରିବା ପାଇଁ ଅଧିକ ସମୟ ଲାଗିଯାଇପାରେ ବୋଲି ସନ୍ଦେହ ସୃଷ୍ଟି ହୋଇଛି ।
Loading ...
