ବିଚିତ୍ରପୁର ଲୋକକଳା ଗ୍ରାମରେ ଅନୁଷ୍ଟିତ ହେବ କାର୍ତିକ ପୂର୍ଣ୍ଣିମା ଉତ୍ସବ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଯାଜପୁର, ୧୫.୧୧: ପବିତ୍ର କାର୍ତିକ ପୂର୍ଣ୍ଣିମା ଅବସରରେ ଜିଲାର ଲୋକକଳା ଗ୍ରାମ ବିଚିତ୍ରପୁରରେ ବିବିଧ କାର୍ଯ୍ୟକ୍ରମର ରୂପରେଖ ଚୂଡ଼ାନ୍ତ ହୋଇଛି । ରାଜ୍ୟ ସଂସ୍କୃତି ବିଭାଗର ନିର୍ଦ୍ଦେଶ ଅନୁସାରେ ଜିଲା ଲୋକକଳା ଗ୍ରାମରେ ପାରମ୍ପରିକ କାର୍ଯ୍ୟକ୍ରମ ମାଧ୍ୟମରେ ଏହି ଉତ୍ସବ ପାଳନ କରାଯିବ । ଶନିବାର ଅପରାହ୍ନରେ ଏ ସମ୍ପର୍କରେ ଏକ ପ୍ରସ୍ତୁତି ବୈଠକ ଯାଜପୁର ବ୍ଲକ ଅଧିନସ୍ଥ ବିଚିତ୍ରପୁର ଗ୍ରାମ ପଂଚାୟତର ବିଚିତ୍ରପୁର କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ହୋଇଥିଲା । ଏଥିରେ ଅଧ୍ୟକ୍ଷତା କରି ଯାଜପୁର ବିଡ଼ିଓ ତଥା ବ୍ଲକ କଳା ସଂସ୍କୃତି ସଂଘର ସଭାପତି ସୈାରଭ ଚକ୍ରବର୍ତି ସରକାରଙ୍କ ମାର୍ଗଦର୍ଶିକା ଅନୁସାରେ ଏହି ଉତ୍ସବକୁ ପାଳନ କରିବାକୁ ସମସ୍ତଙ୍କୁ ଅନୁରୋଧ କରିଥିଲେ । ଜିଲା ସଂସ୍କୃତି ଅଧିକାରୀ ସନ୍ତୋଷ କୁମାର ସେଠୀ ବିସ୍ତୃତ ସୂଚନା ପ୍ରଦାନ କରି କାର୍ତିକ ପୂର୍ଣ୍ଣିମାର ଐତିହ୍ୟ ଓ ପରମ୍ପରା ସହ ଓଡ଼ିଶାର ଅସ୍ମୀତା ଜଡ଼ିତ ବୋଲି କହିଥିଲେ । ତେଣୁ ମା’ମାନଙ୍କ ଦ୍ୱାରା ନିୟମିତ କରାଯାଉଥିବା କାର୍ଯ୍ୟକ୍ରମ ଯଥା:- ଝୋଟି, ମୁରୁଜ, ପିଠାପଣା, ହୁଳହୁଳି, ଭାଗବତ ପଠନ ଓ ଓଡ଼ିଆଣୀ ବେଶ ଇତ୍ୟାଦି ପ୍ରତିଯୋଗୀତାମୂଳକ ଭାବେ ଆୟୋଜନ କରାଯାଇ ସେମାନଙ୍କୁ ଉତ୍ସାହିତ କରାଯିବ ବୋଲି କହିଥିଲେ । ବିସ୍ତୃତ ଆଲୋଚନା ପରେ ଚଳିତ ମାସ ୧୯ତାରିଖରେ କାର୍ତିକ ପୂର୍ଣ୍ଣିମା ପଡ଼ୁଥିବାରୁ କାର୍ଯ୍ୟସୂଚୀ ଚୁଡ଼ାନ୍ତ କରାଗଲା । ୧୮ତାରିଖ ଦିନ ଗ୍ରାମ ଓ ଡ଼ଙ୍ଗା ଭସା ପାଇଁ ସ୍ଥିର ପୋଖରୀକୁ ସଫା କରାଯିବ । ୧୯ତାରିଖ ପ୍ରତ୍ୟୁଷରୁ ବିଚିତ୍ରପୁର ସନ୍ନିକଟ ଗ୍ରାମ ପୋଖରୀରେ ସାମୁହିକ ଡ଼ଙ୍ଗା ଭସା ଅନୁଷ୍ଠିତ ହେବ । ସେହି ସ୍ଥାନରୁ ସଂକୀର୍ତନ ମଣ୍ଡଳୀଙ୍କ ଦ୍ୱାରା ସଂକୀର୍ତନ ପରିବେଷଣ କରାଯାଇ ଗ୍ରାମ ପରିକ୍ରମଣ କରାଯିବ । ପୂର୍ବାହ୍ନ ୮ଘଟିକାରୁ ଝୋଟି ମୁରୁଜ, ହୁଳହୁଳି, ପିଠା ପ୍ରତିଯୋଗୀତା ବିଚିତ୍ରପୁର ବିଦ୍ୟାଳୟ ପରିସରରେ ଅନୁଷ୍ଠିତ ହେବ । ଗ୍ରାମର ମହିଳାମାନଙ୍କ ଦ୍ୱାରା ଭାଗବତ ପଠନ କରାଯିବ । ଅପରାହ୍ନ ୨ ଘଟିକାରେ ବିଚିତ୍ରପୁର କଲ୍ୟାଣ ମଣ୍ଡପଠାରେ ଓଡ଼ିଆଣୀ ବେଶ ଓ ସଂଗୀତ ପ୍ରତିଯୋଗୀତା ଅନୁଷ୍ଠିତ ହେବ । ପ୍ରତ୍ୟେକ ପ୍ରତିଯୋଗୀତାର ଶ୍ରେଷ୍ଠ ୦୩ ପ୍ରତିଯୋଗୀଙ୍କୁ ପୁରସ୍କୃତ କରାଯିବା ସହ ଅଂଶଗ୍ରହଣକାରୀଙ୍କୁ ପ୍ରମାଣପତ୍ର ପ୍ରଦାନ କରାଯିବ । ଅପରାହ୍ନରେ ଏକ ଉତ୍ସବର ଆୟୋଜନ କରାଯାଇ କାର୍ତିକ ପୂର୍ଣ୍ଣିମାର ଗାରିମା ଓ ମହତ୍ୱ ସମ୍ପର୍କରେ ଆଲୋଚନା କରାଯିବା ସହ ପୁରସ୍କାର ବଂଟନ କରାଯିବ ବୋଲି ସ୍ଥିର ହେଲା । ଏହି କାର୍ଯ୍ୟକ୍ରମରେ ସମସ୍ତ ଗ୍ରାମବାସୀ, ସ୍ୱୟଂ ସହାୟକ ଗୋଷ୍ଠୀର ସଦସ୍ୟା ସହଯୋଗ କରିବାକୁ ବିଡ଼ିଓ ଅନୁରୋଧ କରିଥିଲେ । ବୈଠକରେ ସାମାଜିକ ଶିକ୍ଷା ଅଧିକାରୀ ଅମୂଲ୍ୟ ସାହୁ, କଳାକାର ଉପଦେଷ୍ଠା ପରେଶ ଚନ୍ଦ୍ର ମହାନ୍ତି, ନଟବର ଜେନା, ଭାଗିରଥି ରଣା, କୃପାସିନ୍ଧୁ ପୃଷ୍ଟି, ରଞ୍ଜନ କୁମାର ପଣ୍ଡା ପ୍ରମୁଖ ଯୋଗ ଦେଇଥିଲେ । ବ୍ଲକ କଳା ସଂସ୍କୃତି ସଂଘର ଉପସଭାପତି ସନ୍ତୋଷ କୁମାର ପଣ୍ଡା ଧନ୍ୟବାଦ ଅର୍ପଣ କରିଥିଲେ । ସ୍ୱୟଂ ସହାୟକ ଗୋଷ୍ଠୀର ସଦସ୍ୟାମାନେ ଯୋଗ ଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ ।
Loading ...
