ଧର୍ମଶାଳାର ବନ୍ୟାଚଂଳ ସମସ୍ୟା ନେଇ ବିଷୋଦଗାର କଲେ ସତୀଶ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଯାଜପୁର,୧୭/୦୯: ଯାଜପୁର ଜିଲ୍ଲାର ଧର୍ମଶାଳା ବ୍ଲକର ପଟୁଣିଆ, ପାଟପୁର, କୋତପୁର, ଅରେଇକଣା, ମିର୍ଜାପୁର, କଂଟିଗଡିଆ ଆଦି ବହୁ ପଂଚାୟତରେ ପ୍ରତି ବର୍ଷ ବନ୍ୟାରେ ବ୍ୟାପକ ଫସଲ ନଷ୍ଟ ହେଉଛି । ବନ୍ୟା ପ୍ରତିରୋଧ ପାଇଁ କୌଣସି ମାଷ୍ଟରପ୍ଲାନ କରାଯାଉ ନାହିଁ । କେବଳ ରାଜନୈତିକ ଇଛାଶକ୍ତିର ଅଭାବ ପାଇଁ ଧର୍ମଶାଳାର ଏହି ବନ୍ୟାଚଂଳ ଲୋକଙ୍କ ଧନ ଓ ଜୀବନ ପ୍ରତିବର୍ଷ ବିପନ୍ନ ହେଉଛି ବୋଲି ବିଷୋଦଗାର କରିଛନ୍ତି ବି.ଜେ.ଡି ନେତା ସତୀଶ ବିଶ୍ୱାଳ ।
ଚା ସତୀଶଙ୍କ ନେତୃତ୍ୱରେ ଗୋଟିଏ ପ୍ରତିନିଧି ଦଳ ଏହି ଅଂଚଳ ଗ୍ରସ୍ତ କରି କେଲୁଅ ନଦୀର ବନ୍ୟାରେ ସର୍ବସ୍ୱ ହରାଇଥିବା ଚାଷୀ ଓ ସାଧାରଣ ଜନତାଙ୍କୁ ଭେଟିଥିଲେ । ଏହିସବୁ ଅଂଚଳରେ ବନ୍ୟାଜଳକୁ ରୋକାଯିବା ପାଇଁ ସରକାରୀ ସ୍ତରରେ ଉଦ୍ୟମ କରାଗଲେ ଏହାର ସଫଳ ରୂପାୟନ ହୋଇପାରିବ । ନବୀନ ପଟ୍ଟନାୟକଙ୍କ ସରକାର ଚାଷୀ ଏବଂ ସାଧାରଣ ଜନତାଙ୍କ ସ୍ୱାର୍ଥରକ୍ଷା ପାଇଁ ସଂପୂର୍ଣ୍ଣ ଯତ୍ନବାନ ଅଛି ହେଲେ ଧର୍ମଶାଳାରେ ଏହାର ସଫଳ ରୂପାୟନ ହୋଇ ପାରୁନାହିଁ ବୋଲି ସତୀଶ ଅଭିଯୋଗ କରିଛନ୍ତି । ନବୀନ ସରକାରଙ୍କ ଲୋକାଭିମୁଖୀ କାର୍ଯ୍ୟର ସଫଳ ରୂପାୟନ ଏବଂ ଧର୍ମଶାଳାର ସ୍ୱାର୍ଥରକ୍ଷା ପାଇଁ ଏଭଳି ରାଜନୈତିକ ସ୍ଥାଣୁତା ଓ ଅପାରଗତାର ପ୍ରତିବାଦ କରିବାକୁ ପଡିବ । କେବଳ ଠିକାଦାର ସର୍ବସ୍ୱ କାର୍ଯ୍ୟ ଚାଲିଥିବାରୁ ଅନେକ ସ୍ଥାନରେ ନଦୀବନ୍ଧ ମରାମତି, ପଥର ପ୍ୟାକିଂ କାର୍ଯ୍ୟରେ ବ୍ୟାପକ ଦୁର୍ନିତି ଚାଲିଛି । ସେହିପରି କେତୋଟି ସ୍ଳୁଇସ ଗେଟ ପାଇଁ ମଧ୍ୟ ଚାଷୀମାନେ ଦୂରାବସ୍ଥା ଭୋଗୁଥିବା ବେଳେ ଉକ୍ତ କାର୍ଯ୍ୟ କରାଯାଉ ନାହିଁ । ସାନରାଇପଡାରେ କେଲୁଅ ନଦୀବନ୍ଧ ପଥରପ୍ୟାକିଂ କାର୍ଯ୍ୟରେ ଆଖିବୁଜା ଦୁର୍ନିତି ହୋଇଥିବାରୁ ଲୋକେ ନାହିଁ ନ ଥିବା ଦୁର୍ଦ୍ଦଶା ଭୋଗୁଛନ୍ତି । ଏହି ଅଂଚଳରେ କେତେକ ଘେରିବନ୍ଧକୁ ସଂପୂର୍ଣ୍ଣ କରନଯାଇ ଅଧାଗଢା କରାଯାଇ ରଖାଯାଇଛି । ସେଥିପାଇଁ ଭଗବାନପୁର ଏବଂ ସାନ ନିହ ନଙ୍ଗରା ପାଟରେ ପ୍ରତିବର୍ଷ ଫସଲ ନଷ୍ଟ ହେଉଛି । ପଟୁଣିଆ, ପାଟପୁର ପରି ପଂଚାୟତରେ ବନ୍ୟାରେ ପ୍ରତିବର୍ଷ କ୍ଷତି ଅତ୍ୟନ୍ତ ଉଦ୍ବେଗଜନକ ସ୍ଥିତିରେ ପହଂଚିଛି । ଏବେ ଧାନ ଜମିରେ ପାଚିଲା ଧାନ ଯେପରି ଭାବେ ବନ୍ୟାଜଳ ଭିତରେ ରହି ପଚିଗଲା, ତାହା ଚାଷୀକୂଳର ମେରୁଦଣ୍ଡ ଭାଙ୍ଗି ଦେଇଛି । ପଟୁଣିଆ ପରି ପଂଚାୟତର ପ୍ରତ୍ୟେକ ଗ୍ରାମର ଚାଷୀ ତାଙ୍କର ସର୍ବସ୍ୱ ହରାଇବା ପରେ ବି ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ଚାଷୀକୁ ଆବଶ୍ୟକ କ୍ଷତି ପୂରଣ ବିଧି ଅନୁସାରେ ପ୍ରଦାନ କରାଯାଉ ନାହିଁ । ଅନ୍ୟ ପଂଚାୟତ ଗୁଡିକରେ ମଧ୍ୟ ସମାନ ସ୍ଥିତି ସୃଷ୍ଟି ହୋଇଛି । ରାଜନୈତିକ ଆକ୍ରୋଶରେ ପ୍ରଶାସନିକ ଷଡଯନ୍ତ୍ର କରାଯାଇ ଏହିସବୁ ପଂଚାୟତର ଚାଷୀମାନଙ୍କ ପ୍ରତି ଏଭଳି ଅବିଚାରକୁ ଆଉ ବରଦାସ୍ତ କରାଯିବ ନାହିଁ । ଆବଶ୍ୟକ ହେଲେ ଏହାର ପ୍ରତିବାଦରେ ବଡ ଧରଣର ଚାଷୀ ଆନ୍ଦୋଳନ କରାଯିବା ସହ ଚାଷୀମାନେ ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରି ଦାବିପତ୍ର ପ୍ରଦାନ କରିବେ ବୋଲି ସତୀଶ ଚେତାବନୀ ଦେଇଛନ୍ତି ।
Loading ...
