‘ଆର ଆଣ୍ଡ ବି ବିଭାଗ’ର ଉଦାସୀନତା, ରାସ୍ତା ନିର୍ମାଣରେ ଅନିୟମିତତା, ମିଲିଟାରୀ ଛକ-ଚାନ୍ଦମା ଗୋଲେଇ ଛକ ରାସ୍ତାର ସ୍ଥାୟିତ୍ୱ ନେଇ ପ୍ରଶ୍ନବାଚୀ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ବ୍ୟାସନଗର, ୧୭/୯(ପ୍ରଦୀପ କୁମାର ବାରିକଙ୍କ ଠାରୁ): ସରକାର ଯୋଜନା ଉପରେ ଯୋଜନାମାନ କରୁଛନ୍ତି । ଅଜସ୍ର ଟଙ୍କା ବି ଖର୍ଚ୍ଚ କରୁଛନ୍ତି । ଏ ଟଙ୍କା ଠିକ୍ ଭାବରେ ଖର୍ଚ୍ଚ ହେଉଛି କି ନାହିଁ ତାହାକୁ କ୍ୱଚିତ୍ ସରଜମିନ ତଦନ୍ତ କରାଯାଇ ପଦକ୍ଷେପ ଗ୍ରହଣ କରାଯାଉଛି । ବିଭାଗୀୟ ଉଚ୍ଚ କର୍ତୃପକ୍ଷଙ୍କ ଠାରୁ ଆରମ୍ଭ କରି ଭିଜିଲାନ୍ସ, କ୍ୱାଲିଟି କଟ୍ରୋଂଲ ଆଦି କେହି କିଛି ସମୟୋଚିତ ପଦକ୍ଷେପ ନେଉ ନାହାନ୍ତି ପ୍ରାୟତଃ । ନିକଟରେ କରୋନା ମୁକାବିଲା ପାଇଁ କୋଟି ଟଙ୍କାର ଅନୁଦାନ ଦିଆଯାଇଥିଲା । ତା’ର ସ୍ୱାଦ ବାରି ହେଲା ନାହିଁ । ଏ ଟଙ୍କା କୁଆଡେ ଗଲା, ଖର୍ଚ୍ଚ ହେଲା ନା ନାହିଁ, କିଏ ଖାଇଲା ତା’କୁ ନେଇ ଜନସାଧାରଣରେ ତର୍କ ବିତର୍କ ଲାଗି ରହିଛି । ଅଧିକାଂଶ ସ୍ଥାନରେ ଲୋକ ବଦଳରେ ଅବାଧରେ ମେସିନ କାମ କଲେ ଓ କରୁଛନ୍ତି ମଧ୍ୟ । ବହୁ ବିଭାଗରେ ଜେ.ଇଙ୍କ ନାମରେ କାମ । ଜେ.ଇମାନେ ୟା ତା’ ନାମରେ ଟଙ୍କା ଉଠାଇ ଚଳୁ କରୁଛନ୍ତି ଯୋଜନାର ସିଂହଭାଗ । ପୁନଶ୍ଚ, ବର୍ଷ ବର୍ଷର ଦାବୀ ସତ୍ୱେ ଜନସାଧାରଣଙ୍କ ସକାଶେ ଏହି ଅଂଚଳରେ ଭଲ ରାସ୍ତା ନିର୍ମାଣ ହୋଇ ପାରୁ ନାହିଁ । ନିମ୍ନମାନର ଓ ବେପରୁଆ ନିର୍ମାଣ ଜିଲ୍ଲାର ବହୁ ସ୍ଥାନରେ ଦେଖିବାକୁ ମିଳିଛି । ଅନ୍ୟ ଜିଲ୍ଲାରେ ଅପେକ୍ଷାକୃତ ଭଲ ନିର୍ମାଣ ଦେଖିବାକୁ ମିଳେ; ଯଥା-ଗଂଜାମ ଜିଲ୍ଲା । ବର୍ଷ ବର୍ଷ ଧରି ବାଦବିବାଦ ଭିତରେ ନିର୍ମାଣ କାର୍ଯ୍ୟ ଚାଲୁ ରହିଥିବା ସ୍ଥାନୀୟ ଯାଜପୁରରୋଡର ନୂଆଗଡ଼ (ଚାନ୍ଦମା ଗୋଲେଇ ଛକ)ରୁ ଦାନଗଦିର ମିଲିଟାରୀ ଛକ ପର୍ଯ୍ୟନ୍ତ ଯାଇଥିବା ପୂର୍ତ ବିଭାଗର ରାସ୍ତା । ଯନ୍ତ୍ରୀମାନେ କିଭଳି ଗାଇଡଲାଇନ ଓ ସ୍ପେସିଫିକେସନ୍ରେ କାମ କରାଇଲେ ଯେ ରାସ୍ତା ନିର୍ମାଣ ହେବାର କେଇଟା ଦିନରେ ଦବିବା ସହିତ ଫାଟି ଆଁ କଲା । କିଛି ଦିନ ତଳେ ଗଣମାଧ୍ୟମରେ ଏ ନେଇ ହଇଚଇ ଖବର ପ୍ରକାଶ ପରେ ତ୍ରୁଟି ଲୁଚାଇବା ପାଇଁ ତା’ଉପରେ କ୍ୱାରୀ ଡଷ୍ଟ ଆଦି ପକାଇ ଦିଆଗଲା । ଏବେ ପୁଣି ପୋଲ ପାଖ ଦବି ଆଁ କରିଛି । ରାଣୀପଡ଼ା ପାଖରେ ଏହା ଦବିଛି ଓ ଏହାର ଫଟୋ ଦିଆଯାଇଛି । ରାସ୍ତାରେ କଳିଙ୍ଗନଗରରୁ କେଉଁଝର ମଧ୍ୟରେ ଭାରୀଯାନ ଚଳାଚଳ କଲେ ଅବସ୍ଥା କ’ଣ ହେବ ଏଥିନେଇ ଆଶଙ୍କା ପ୍ରକାଶ ପାଇଛି । ଉଚ୍ଚ କର୍ତୃପକ୍ଷ ଏହା ୁପରେ ତଦନ୍ତ କରି ଠିକଣା ପଦକ୍ଷେପ ନେବାକୂ ବିଭିନ୍ନ ମହଲରେ ଦାବୀ ହେଉଛି ।
Loading ...
