ବନ୍ୟାରେ ଭାସିଯାଇଥିବା ବରୀ ଗଂଗାଧରପୁରର ବାପ ପୁଅଙ୍କ ଶବ ମିଳିଲା
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ବରୀ, ୧୭/୯(ବି.ବି ଜେନାଙ୍କ ଠାରୁ): ଯାଜପୁର ଜିଲ୍ଲାର ବରୀ ଅଂଚଳରେ ପ୍ରତିବର୍ଷ ବନ୍ୟା ଆସି ନାହିଁ ନ ଥିବା କ୍ଷତି କରିବା ଘଟଣା ସମଗ୍ର ରାଜ୍ୟରେ ଏକ ଜଣାଶୁଣା ଘଟଣା । ବରୀବାସୀ କେବେ ଏହି ଦୁଃଖରୁ ନିସ୍ତାର ପାଇବେ ଏ ଉତର ଯେପରି କାହା ପାଖରେ ନାହିଁ । ବରୀ ଅଂଚଳ ଚୀର ବନ୍ୟା ପ୍ଲାବିତ ଅଂଚଳ ହୋଇ ରହିଯିବ ଯେପରି! ଗତ କେଇ ଦିନର ଲଗାଣ ବର୍ଷା ପରେ ଖରସ୍ରୋତାରେ ବନ୍ୟା ପାଣି ଆସିଗଲା । ଆଉ ଏହି ବନ୍ୟା ପାଣିରେ ବାଲିଆ ବ୍ଲକର ପରମାନନ୍ଦପୁରର ଗଂଗାଧରପୁରର ଏକ ଗାଈ ବନ୍ୟା ଜଳରେ ଭାସି ଯାଉଥିବା ବେଳେ ଏହାକୁ ଉଦ୍ଧାର କରିବାକୁ ପ୍ରଥମେ ବାପ ଓ ପରେ ପୁଅ ବନ୍ୟା ଜଳକୁ ଯାଇ ନିଖୋଜ ହୋଇଯାଇଥିଲେ । ବହୁ ଖୋଜାଖୋଜି ପରେ ତାଙ୍କୁ ଠାବ କରାଯାଇ ପାରି ନ ଥିବା ବେଳେ ଗତ କାଲି ସକାଳେ ସେମାନଙ୍କ ଶବ ପାଣିରେ ଭାସୁଥିବାର ଦେଖାଦେଇଥିଲା । ଏହି ଶବ ଦ୍ୱୟକୁ ଉଦ୍ଧାର କରାଯାଇଥିବା ବେଳେ ଏ ସଂକ୍ରାନ୍ତରେ ବରୀ ଥାନାରେ ଏକ ଅପମୃତ୍ୟୁ ମାମଲା ଦାୟର ହୋଇଛି । ଏହାର ନମ୍ବର ହେଲା ୧୪/୨୦୨୧ । ଶବକୁ ଜବତ କରାଯାଇ ବ୍ୟବଚ୍ଛେଦ ପାଇଁ ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଦିଆଯାଇଛି । ମୃତ୍ୟୁବରଣ କରିଥିବା ବାପଙ୍କ ନାମ କିଶୋର ସିଂହ ହୋଇଥିବା ବେଳେ ପୁଅଙ୍କ ନାମ କୈଳାସ ସିଂହ । ଏହି ହୃଦୟବିଦାରକ ଘଟଣା ବରୀ ଅଂଚଳ କାହିଁକି ସମଗ୍ର ଜିଲ୍ଲା ଓ ରାଜ୍ୟରେ ଦୁଃଖର ବାତାବରଣ ସୃଷ୍ଟି କରିଛି । ସୋସିଆଲ ମିଡିଆରେ ଏହା ହୃଦୟବିଦାରକ ହୋଇଛି । ବରୀ ତହସିଲଦାର ମାନସ ରଂଜନ ଭୋଇ ମୃତକଙ୍କ ପରିବାର ନିକଟରେ ପହଚିଂ ସରକାରଙ୍କ ତରଫରୁ ୨୦ ହଜାର ଟଙ୍କାର ସହାୟତା ପ୍ରାଥମିକ ଭାବେ ପ୍ରଦାନ କରିଥିବାର ଜଣାଯାଇଛି ।
Loading ...
