ଯାଜପୁରରୋଡରେ ରେଳବାଇ ଡିଭିଜନ ପାଇଁ ଦସ୍ତଖତ ଅଭିଯାନ ଓ ଦାବୀ ସଭା ଜାରୀ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ବ୍ୟାସନଗର,୦୬ା୮(ଉ.ନ୍ୟୁଜ୍ ବ୍ୟୁରୋ): ନିକଟରେ କେନ୍ଦ୍ର ମନ୍ତ୍ରୀମଣ୍ଡଳର ଅଦଳବଦଳ ଓ ସମ୍ପ୍ରସାରଣ ପରେ ଓଡ଼ିଶାର ରାଜ୍ୟ ସଭା ସାଂସଦ ତଥା ପୂର୍ବତନ ବରିଷ୍ଠ ପ୍ରଶାସକ ଅଶ୍ୱିନୀ ବୈଷ୍ଣବ କେନ୍ଦ୍ର ରେଳ ମନ୍ତ୍ରୀ ହେବା ପରେ ଓଡ଼ିଶାରେ ରେଳ ଭିତିଭୂମିର ସବିଶେଷ ବିକାଶ ହେବା ପାଇଁ ବିଭିନ୍ନ ମହଲରେ ଆଶା ବଢ଼ିଯାଇଛି । ଫଳତଃ, ଯାଜପୁର-କେଉଁଝରରୋଡ଼ର ସର୍ବାଙ୍ଗୀନ ବିକାଶ ସଂଗେ ସଂଗେ ଇଷ୍ଟକୋଷ୍ଟ ରେଳ ଜୋନ ଅଧିନସ୍ଥ ଯାଜପୁରରୋଡ ଠାରେ ଏକ ନୂତନ ରେଳ ଡିଭିଜନ ପାଇଁ ଦୀର୍ଘ ବର୍ଷ ଧରି ଉଠି ଆସିଥିବା ଦାବୀ ପୁଣି ଥରେ କ୍ରିୟାଶୀଳ ହୋଇଛି । ଏହି ଦାବୀକୁ ଲଗାତର ଭାବେ ଦୋହରାଇ ଆସୁଥିବା ରାଜ୍ୟର ଜଣେ ଆଗଧାଡ଼ିର ସାମାଜିକ କର୍ମୀ ତଥା ଶ୍ରମିକ ନେତା ଦୁଷ୍ମନ୍ତ କୁମାର ରାଉତ ଢ଼େର ଆଶାବାଦୀ ହୋଇପଡିଛନ୍ତି । ପ୍ରଥମରୁ ସେ ଏହି ଦାବୀ ଉଠାଇବା ବେଳେ କେତେକ ବ୍ୟକ୍ତି ଏହାକୁ ହାସାସ୍ପଦ ବୋଲି କହି ଏଡ଼ାଇ ଯାଉଥିବା ସହ ଏଥିପାଇଁ ସେ କରୁଥିବା ସଚେତନତା ସଭାକୁ କେତେକ ମଧ୍ୟ ଭଣ୍ଡୁର କରୁଥିଲେ । ଏକ ଓଭରବ୍ରିଜ କରିପାରୁ ନ ଥିବା ରାଜନୈତିକ ପ୍ରବଣ ଅଂଚଳରେ ରେଳ ଡିଭିଜନ ଭଳି ଏକ ବଡ଼ ଦାବୀ ପୂରଣ କାଠିକର ପାଠ ବୋଲି କେତେକ କହୁଥିଲେ । ମାତ୍ର ଦୀର୍ଘ ୩-୪ବର୍ଷ ଧରି ଏହି ସେ ଏହି ଦାବୀକୁ ଉଜ୍ଜୀବିତ ରଖି ଦସ୍ତଖତ ଅଭିଯାନ ଓ ସଚେତନତା ସଭା ଆଦି ଜାରୀ ରଖିଛନ୍ତି । ମାତ୍ର ଏବେ ବହୁ ବ୍ୟକ୍ତିବିଶେଷ ଓ ଅନୁଷ୍ଠାନ ଏହି ଦାବୀ ପୂରଣ ଦିଗରେ ଆଗଭର ହେଉଥିବାରୁ ସେ ଖୁସି ବ୍ୟକ୍ତ କରିବା ସହ ଦାବୀ ପୂରଣ ପାଇଁ ଅଂଚଳବାସୀଙ୍କୁ ଆହୁରି ଅନେକ କଷ୍ଟ ସ୍ୱୀକାର କରିବାକୁ ହେବ ବୋଲି କହିଛନ୍ତି । ଗତକାଲି ରସୁଲପୁର ବ୍ଲକର ବହୁ ବ୍ୟକ୍ତିବିଶେଷ ତାଙ୍କ ଅଭିଯାନରେ ସାମିଲ ହୋଇ ଦାବୀପତ୍ରରେ ଦସ୍ତଖତ କରିଛନ୍ତି । ନୂତନ ରେଳ ମନ୍ତ୍ରୀ ଶ୍ରୀଯୁକ୍ତ ବୈଷ୍ଣବଙ୍କୁ ଆଉ ଥରେ ଦାବୀପତ୍ର ଦିଆଯିବାକୁ ଯୋଜନା ରହିଛି ।
Loading ...
