ଠାକୁରପାଟଣା ମଙ୍ଗଳା ସାହିରେ ଅଘଟଣ, ତେଲରେ ପୋଡି ହୋଇ ମହିଳା ଗୁରୁତର
ଯାଜପୁରରୋଡ଼(ପ୍ରଭାତ କୁମାର ଭୂୟାଁଙ୍କ ଠାରୁ): ଯାଜପୁରରୋଡ଼ ଥାନା ଠାକୁରପାଟଣା ଗାଁର ମଙ୍ଗଳା ସାହିରେ ଅଘଟଣ, ତେଲରେ ପୋଡି ହୋଇ ମହିଳା ଗୁରୁତର, ଗୁରୁତର ମହିଳାଙ୍କୁ ଅଧିକ ଚିକିତ୍ସା ପାଇଁ କଟକ ସ୍ଥାନାନ୍ତର କରାଯାଇଛି। ସୂଚନା ମୁତାବକ ଆଜି ସନ୍ଧ୍ୟାରେ ଗୁରୁତର ମହିଳା ବର୍ଷା ମୁଣ୍ଡାଙ୍କ ସ୍ୱାମୀ ସାଗର ମୁଣ୍ଡା କାମ କରିବାକୁ ବାହାରକୁ ଯାଇଥିଲେ। କାମ ସାରି ସାଗର ସନ୍ଧ୍ୟାରେ ଘରକୁ ଫେରିବା ପରେ କୌଣସି ଘଟଣାକୁ ନେଇ ଗୁରୁତର ବର୍ଷାଙ୍କ ସହିତ କଳିଗୋଳ ହୋଇଥିଲା। ଏହି ଘଟଣାରେ ଗୁରୁତର ବର୍ଷା ଉତକ୍ଷିପ୍ତ ହୋଇ ନିଜ ଦେହରେ ଗରମ ତେଲ ଢାଳି ଦେଇଥିବା ସ୍ୱାମୀ ସାଗର ସୂଚନା ଦେଇଛନ୍ତି। ସାଗର ନିଜ ପତ୍ନୀକୁ ତୁରନ୍ତ ଚିକିତ୍ସା ପାଇଁ ଯାଜପୁର ରୋଡ଼ ଡାକ୍ତରଖାନାକୁ ନେଇ ଆସିଥିଲା। ସେଠାରେ ଡାକ୍ତର ବର୍ଷାର ପ୍ରାଥମିକ ଚିକିତ୍ସା ପରେ ଅଧିକ ଚିକିତ୍ସା ପାଇଁ କଟକ ବଡ଼ ମେଡିକାଲକୁ ପଠାଯାଇଛି। ତେବେ ମହିଳା ଜଣଙ୍କ ପୋଡ଼ିହେବାର ପ୍ରକୃତ କାରଣ ଜଣା ପଡ଼ିନାହିଁ ।
Live Share Market
Loading ...
