‘କରୋନା’ ଦାଉ ଠାରୁ ଏବେ ଘାତକ ସାଜିଛି ହୃଦ୍ରୋଗ ଓ ଅନ୍ୟାନ ରୋଗ; ଲୋକଙ୍କ ଅବସ୍ଥାର ପ୍ରକୃତ ଅନୁଧ୍ୟାନ ଜରୁରୀ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଯାଜପୁର,୨୨/୦୯: ଖାଲି ଯାଜପୁର ଜିଲ୍ଲା କାହିକି ଓଡ଼ିଶାର ବିଭିନ୍ନ ସ୍ଥାନରେ କରୋନା ଜନିତ ସମସ୍ୟା, ଜଟିଳତା, ଆଶଙ୍କା, ଦଃୁଖ ଯେତିକି ଦୀର୍ଘ ୦୬ମାସ ହେଲା ଦେଖାଯାଉଥିଲା ତା’କୁ ବଳିଯାଇଛି ଗତ ୧୫-୨୦ ଦିନର ହୃଦ୍ରୋଗର ଭୟାବହତା । ଠିକ୍ ୦୬ମାସ ତଳେ ମାର୍ଚ୍ଚ ୨୨ ତାରିଖରେ ପ୍ରଧାନମନ୍ତ୍ରୀ ଦେଶ ବ୍ୟାପି ‘ଜନତା କର୍ଫୂ’ ଲାଗୁ କରିଥିଲେ ଓ ମାର୍ଚ୍ଚ ୨୫ରେ ଲକ୍ଡାଉନ-୦୧ ଲାଗୁ ହୋଇଥିଲା ।
ସୂଚନାଯୋଗ୍ୟ, ଯାଜପୁର ଜିଲ୍ଲାରେ ବହୁ ଯୁବକ, ମଧ୍ୟବୟସ୍କ ଓ ବୟସ୍କଙ୍କ ଏହାରି ଭିତରେ ହୃଦ୍ଘାତରେ ଜୀବନ ଯାଇଛି । ଏହାଛଡ଼ା ଟାଇଫଏଡ, ଅଜଣା ଜ୍ୱର ଆଦି ରୋଗ ବି କିଛି ଦିନ ହେଲା ବଢ଼ିଯାଇଛି । ସେମାନଙ୍କ ମଧ୍ୟରୁ କେତେକ ମଧ୍ୟ କରୋନା ସଂକ୍ରମିତ ହୋଇଛନ୍ତି । ହୃଦ୍ରୋଗରେ ଅଚାନକ ପ୍ରାଣ ଚାଲିଯାଉଥିବାରୁ ଅନେକ ଏଥିନେଇ ସନ୍ଦିହାନ ଜୀବନ ବିତାଉଛନ୍ତି । ଅଧିକାଂଶ ଡାକ୍ତର ଓ ମେଡିକାଲ କର୍ମଚାରୀ କରୋନା ସଂକ୍ରମିତ ହେବା ପରେ ଏହି କରୋନା ଯୋଦ୍ଧା ବୋଲି ସରକାରୀ ସ୍ତରରେ ବାରମ୍ବାର କୁହାଯାଉଥିବା ଡାକ୍ତର ଓ ଅନ୍ୟାନ ମେଡିକାଲ କର୍ମଚାରୀମାନେ ବେଶି ଭୟକରୁଥିବାର ପରିଲକ୍ଷିତ ହେଉଛି । କେତେକ ସ୍ଥଳେ ଆଉଡଡୋର ସେବାକୁ କିଛି ବନ୍ଦ କରାଯାଇ ପୁଣି ଚାଲୁ କରାଗଲେ କ’ଣ ହେବ ଅଧିକାଂଶ ବେଳେ ଡ଼ାକ୍ତରଙ୍କ ଅନୁପସ୍ଥିତି ସମସ୍ୟାକୁ ଆହୁରି ଜଟିଳ କରିଛି । ଏହି କରୋନା ଯୋଦ୍ଧାମାନେ ବିଶେଷକରି ନିଜ ଜୀବନକୁ ପ୍ରାଧାନ୍ୟ ଦେଇ ହୋମ୍ ଆଇସୋଲେସନ୍ରେ ରହିବାକୁ ବେଶି ପସନ୍ଦ କରୁଥିବାର ଦେଖାଯାଉଛି । ଗୋଟିଏ ଗୋଟିଏ ଡାକ୍ତରଖାନାରେ ଡାକ୍ତରଙ୍କ ସ୍ଥଳେ ଆୟୁଷ ଡାକ୍ତର ଓ ହାତ ଗଣତି କର୍ମଚାରୀମାନେ ଡାକ୍ତରଖାନା ଚଳାଉଛନ୍ତି । ଫିଭର କ୍ଲିନିକ୍କୁ ଆୟୁଷ ଡ଼ାକ୍ତର ପରିଚାଳନା କରୁଥିବାର ଦେଖାଯାଉଛି । ଆଉଟ୍ଡୋର ଖୋଲା ଥିଲେ ବି ଡାକ୍ତଖାନାକୁ ଆସୁଥିବା ରୋଗୀମାନଙ୍କ ଅନ୍ୟ ରୋଗର ସଠିକ୍ ନିଦାନ ନିରାକରଣ କରି ଆବଶ୍ୟକୀୟ ପରାମର୍ଶ ଦେବା ସ୍ଥଲେ ବହୁ କ୍ଷେତ୍ରରେ ଡାକ୍ତରଙ୍କ ଚିଡିଚିଡା ଆଚରଣ ରୋଗୀ ଓ ସଂର୍ପକୀୟମାନଙ୍କୁ କ୍ଷୁବ୍ଧ କରିଚାଲିଛି । କେତେକଙ୍କୁ ଡାକ୍ତରଖାନାରୁ ଫେରାଇ ମଧ୍ୟ ଦିଆଯାଉଛି । ଫଳରେ ବହୁ ବ୍ୟକ୍ତି ଡାକ୍ତରଖାନାକୁ ଯିବା ପରିବର୍ତେ ନିଜ ସତର୍କତାରେ ଘରେ ରହି ବା ଔଷଧ ଦୋକାନରୁ ଔଷଧ କିଣି ବା ଘରୋଇ କ୍ଲିନିକ୍ରେ ଚିକିତ୍ସିତ ହୋଇ ପରିସ୍ଥିତିକୁ ଟାଳିବାକୁ ଉଦ୍ୟମ କରୁଥିବାର ଜଣାଯାଇଛି । ମାତ୍ର ଜଟିଳ କ୍ଷେତ୍ରରେ ରୋଗୀମାନେ କୁଆଡେ ଚିକିତ୍ସା ପାଇଁ ଯିବେ ଜାଣି ନ ପାରି ଏପଟ ସେପଟ ଧାଁ ଧପଡ କରି ସମୟ ଗଡାଇ ଦେଉଥିବାରୁ ବ୍ୟାଧି ଜଟିଳରୁ ଜଟିଳତର ହେଉଛି ଓ କେତେକ ସ୍ଥଳେ ବହୁ ଲୋକଙ୍କର ଜୀବନ ହାନି ମଧ୍ୟ ଘଟୁଛି । ଗାଁ ଗଣ୍ଡା, ଛୋଟ ଛୋଟ ସହର ଓ ଜିଲ୍ଲାର ବ୍ୟାସନଗର ପୈାରାଂଚଳରେ ଏଭଳି ସମସ୍ୟା ବେଶି ଦେଖାଦେଇଛି । ଦେଶର ବହୁ ସ୍ଥାନରେ ପ୍ରଥମେ ଯେତେବେଳେ କରୋନା ନାଁ ଶୁଣି ଲୋକେ ତାଟି କବାଟ ପକାଇ ଦେଉଥିଲେ ସେତେବେଳେ ବହୁ ଡାକ୍ତର ଓ ସ୍ୱାସ୍ଥ୍ୟକର୍ମୀ ନିଜ ଜୀବନକୁ ବାଜି ଲଗାଇ ସଂକ୍ରମିତଙ୍କ ସେବା ପାଇଁ ଆଗେଇ ଆସିଥିଲେ । ଏବେ କରୋନା ପରୀକ୍ଷା ବଢ଼ୁଥିବାରୁ ଅବଶ୍ୟ ସଂକ୍ରମିତଙ୍କ ସଂଖ୍ୟା ବଢ଼ିଛି । ହେଲେ ଲୋକେ ଜାଣି ସାରିଲେଣି ଯେ, ୪.୫ କୋଟି ଲୋକ ସଂଖ୍ୟା ବିଶିଷ୍ଟ ଓଡ଼ିଶା ରାଜ୍ୟରେ ଦୈନିକ ହାରାହାରି ୧୦ ଜଣ ଲୋକ କରୋନାରେ ପ୍ରାଣ ହାରୁଛନ୍ତି । ଏହି ଧାରା ଦୀର୍ଘ ଦିନ ଧରି ଲାଗି ରହିଛି । କେଉଁ ଦିନ ୨-୩ ଜଣ ଅଧିକ ମୃତ୍ୟୁମୁଖରେ ପଡୁଛନ୍ତି ତ ଆଉ କେଉଁ ଦିନ ୧୦ରୁ କମ ଜଣଙ୍କ ଜୀବନ ଯାଉଛି । ତେଣୁ କରୋନାକୁ ଡରି ଭୋକ ଉପାସରେ ଆଉ କେତେ ଦିନ ଘରେ କଷ୍ଟରେ ମୁହଁମାଡି ରହିହେବ! ତାଛଡା ନିଜ ଉପରେ ପରିବାର ପ୍ରତିପୋଷଣର ଦାୟିତ୍ୱ ଥିଲେ ପରିବାର ସଦସ୍ୟ ଓ ଛୁଆପିଲାଙ୍କ ଦାୟିତ୍ୱ ନେବାକୁ ହେବ, ସେମାନଙ୍କ ଆବଶ୍ୟକତାକୁ ଅତି କମରେ ହେଲେ ବି ମେଂଟାଇବାକୁ ପଡିବ । ସରକାର ବହୁ କଥା ଘୋଷଣା କରିଥିଲେ ଓ କରୁଛନ୍ତି ମଧ୍ୟ । ଲୋକେ ଟି.ଭି, ଖବର କାଗଜ ଆଦିରୁ ସେସବୁ ଜାଣିଥିଲେ; ହେଲେ କାହିଁ ସେପରି କିଛି ସୁବିଧା ତ ଆସୁନାହିଁ ଓ କେବେ ଆସିବ ବୋଲି ଅନେକ ଚାତକ ପରି ଅପେକ୍ଷାରେ ରହିବା ସହ ଯେନତେନ ପ୍ରକାରରେ ସମୟକୁ କାଟୁଛନ୍ତି । କେତେକ ମଧ୍ୟ କହୁଛନ୍ତି ଯେ, ଆମେରିକା, ଇଂଲଣ୍ଡ ଆଦି ଦେଶରେ ସରକାର ଲୋକମାନଙ୍କୁ ଖାଇବା ପିଇବାର ବ୍ୟବସ୍ଥା କରି ସଟ୍ଡାଉନ, ଲକ୍ଡାଉନ ଆଦି ଘୋଷଣା କରିଥିଲେ । ହେଲେ ଆମ ଦେଶ ଓ ରାଜ୍ୟରେ ସେପରି କିଛି ବ୍ୟବସ୍ଥା ନାହିଁ । ବରଂ ନିଜର ଆବଶ୍ୟକତାକୁ ନିଜେ ମେଂଟାଇବାକୁ ଯାଇ ଲୋକେ ବିଟ୍ରିଶ ସରକାରଙ୍କ ଠାରୁ ବଳି ପ୍ରହାର ଖାଇଛନ୍ତି ଓ ନିର୍ଯ୍ୟାତନା ପାଇଛନ୍ତି । ସରକାର ଗାଇଡ଼ ଲାଇନ ପରିବର୍ତନ ଆଳରେ ବାରମ୍ବାର ଆଇନ ବଦଳୁଛି ଓ ସେ ବାବଦରେ ସାଧାରଣ ଲୋକେ ଏତେଟା ଅବଗତ ମଧ୍ୟ ନୁହିଁନ୍ତି । ଘରେ ଫଟା ଅଧଲା ନ ଥିବା ବେଳେ ଓ ଗାଡିରେ ତେଲ ପକାଇବାକୁ ପଇସା ନ ଥିବା ବେଳେ ମାସ୍କ ପିନ୍ଧିବାକୁ ଭୁଲି ଯାଇଥିଲେ ବା ହେଲମେଟ ନେବାକୁ ଭୁଲି ଯାଇଥିଲେ ଫାଇନର ଭୟ ଅଧିକାଂଶକୁ ଘାରିଛି । ସରକାର ଯେତେ ଆଇନ କରୁଛନ୍ତି ସେଥିରେ ସାଧାରଣ ଲୋକଙ୍କ ଯେତେ ଲାଭ ନ ହେଉଛି ସେଗୁଡିକୁ ତଦାରଖ କରିବାକୁ ଥିବା ଅଧିକାରୀ ଓ କର୍ମଚାରୀ ଆଦି ସରକାରୀ ବାବୁମାନଙ୍କ ପାଇଁ ‘କଚେ ବାର’ ସଦୃଶ ତାହା ହେଉଛି । କରୋନା ବେଳେ ବହୁ ଅଧିକାରୀ ଓ ନେତାଙ୍କ ଅନୈତିକ ଆୟ ବେଶ ବଢ଼ିଯାଇଥିଲେ ହେଁ ସାଧାରଣ ଲୋକଙ୍କ ସମସ୍ୟା ଓ ଦୁଃଖ କିନ୍ତୁ ବହୁମାତ୍ରାରେ ବଢ଼ିଯାଇଛି । ଏହି ସମୟରେ ଟଙ୍କାର ବହୁ ଅପଚୟ ଘଟୁଥିବା ବେଳେ ସାଧାରଣ ଲୋକେ କିନ୍ତୁ ବହୁ ଅଭାବ ଅନଟନ ମଧ୍ୟରେ ଅଛନ୍ତି । ପରିସ୍ଥିତି ଏପରି ଏବେ ହୋଇଛି ଯେ, ସାଧାରଣ ଲୋକେ ଯାହା ଘଟିବାର ଥିବ ଘଟୁ ପଛେ ନିଜର କର୍ମକୁ ସୁଦୃଢ଼ କରି ବଂଚିବାର ରାହାକୁ ତ୍ୱରାନ୍ୱିତ କରିବାକୁ ବେଶି ପ୍ରାଧାନ୍ୟ ଦେବାରେ ଲାଗିଲେଣି । ବିଭିନ୍ନ ସ୍ଥାନରୁ ରାଜ୍ୟକୁ ଜୀବନ ବଂଚାଇବା ପାଇଁ ଫେରିଥିବା ବହୁ ପ୍ରବାସୀ ଏବେ ଜୀବିକା ଯୋଗାଡରେ ପୁନଶ୍ଚ ଅନ୍ୟ ରାଜ୍ୟକୁ ବାହୁଡିବାର ଯାତ୍ରା ଲାଗି ରହିଛି । ଉଭୟ କେନ୍ଦ୍ର ଓ ରାଜ୍ୟ ସରକାର ଏସବୁ ବିଷୟକୁ ହୃଦୟଙ୍ଗମ କରି କାର୍ଯ୍ୟ କ୍ଷେତ୍ରରେ ସଠିକ୍ ଭାବେ ଓ ଯଥାଶୀଘ୍ର ଲାଗୁ ହୋଇପାରିବା ଭଳି କାର୍ଯ୍ୟକ୍ରମମାନ ପ୍ରସ୍ତୁତ କରିବାକୁ ମତ ପ୍ରକାଶ ପାଉଛି ।
Loading ...
