ଯାଜପୁରରୋଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ବହୁ ଡାକ୍ତର, ନର୍ସ ଓ କର୍ମଚାରୀ କରୋନା ସଂକ୍ରମିତ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ବ୍ୟାସନଗର, ୦୯/୦୯: ଗତ କିଛି ଦିନର କରୋନା ପରୀକ୍ଷାକୁ ଅନୁଧ୍ୟାନ କଲେ ଜଣାଯାଏ ଯେ, ବ୍ୟାସନଗର ସହରରେ କରୋନା ସଂକ୍ରମଣ ଢ଼େର ବଢ଼ିଯାଇଛି । ସହରର ଅଧିକାଂଶ ବ୍ୟାଙ୍କ କର୍ମଚାରୀ, ପୋଲିସ କର୍ମଚାରୀ, ମେଡିକାଲ କର୍ମଚାରୀ, ବ୍ୟାସନଗର ପୈାର ପରିଷଦର ବହୁ କର୍ମଚାରୀ, ଅନ୍ୟାନ ସରକାରୀ କର୍ମଚାରୀ, ବ୍ୟବସାୟୀ ଆଦିଙ୍କ ସଂକ୍ରମଣ ସଂଖ୍ୟା ବେଶ୍ ଲମ୍ବିବାରେ ଲାଗିଛି । ସ୍ଥାନୀୟ ଶ୍ରମ ବିଭାଗର ଜଣେ ଅଧିକାରୀ ସଂକ୍ରମଣ ହେବା ପରେ ଅଫିସକୁ ବନ୍ଦ ରଖାଯାଇଛି । ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ୦୬ ଜଣ ଡାକ୍ତରଙ୍କ ମଧ୍ୟରୁ ଜଣେ ଛୁଟିରେ ଯାଇଛନ୍ତି । ଅନ୍ୟ ୦୫ ଜଣ ଡାକ୍ତରଙ୍କ ମଧ୍ୟରୁ ୦୩ ଜଣ ସଂକ୍ରମିତ ହୋଇଛନ୍ତି । ୦୩ ଜଣ ଷ୍ଟାଫ୍ ନର୍ସ, ୦୨ ଜଣ ଏ.ଏନ୍.ଏମ, ଜଣେ ଆଟେଣ୍ଡାଂଟ, ଡ୍ରାଇଭର ଆଦିଙ୍କୁ ମିଶାଇ ମୋଟ ପ୍ରାୟ ୪୦-୫୦ଜଣ ଡାକ୍ତର/କର୍ମଚାରୀଙ୍କ ମଧ୍ୟରୁ ୧୪ ଜଣ କରୋନାରେ ସଂକ୍ରମିତ ହୋଇଥିବାରୁ ଡ଼ାକ୍ତରଖାନାକୁ କିଛି ଦିନ ବନ୍ଦ ରଖି ସାନିଟାଇଜେସନ୍ କରିବାକୁ ୨-୩ ଦିନ ତଳେ ଜିଲ୍ଲାପାଳଙ୍କୁ ଅନୁରୋଧ କରାଯାଇଥିବାର ଜଣାଯାଇଛି । ଫଳରେ ବ୍ୟାସନଗର ପୈାରାଂଚଳ ସହିତ ଆଖପାଖ ଅଂଚଳରେ ଆଗକୁ ରୋଗୀ ସେବା ବ୍ୟାହତ ହେବାର ଆଶଙ୍କା ଦେଖାଦେଇଛି । ଏବେର ସ୍ଥିତିକୁ ଦେଖି ଅନେକ ଆଶଙ୍କିତ ହୋଇଛନ୍ତି । ବ୍ୟବସାୟୀଙ୍କ ଠାରେ କରୋନା ସଂକ୍ରମଣର ମାତ୍ରା ଅଧିକ ଦେଖାଯାଉଥିବା ବେଳେ କରୋନା ଯୋଦ୍ଧା ଭାବେ ବିବେଚିତ ହେଉଥିବା ଡ଼ାକ୍ତର ଓ ମେଡିକାଲ କର୍ମଚାରୀମାନେ ଏଥିରେ ବେଶି ଆକ୍ରାନ୍ତ ହେଉଥିବାରୁ ଚିନ୍ତା ବଢ଼ିଯାଇଛି । ସହରର ଜଣେ ଫଟୋ ଷ୍ଟୁଡିଓ ମାଲିକ ଓ ଜଣେ ପରିବା ଦୋକାନୀ ଏଥିରେ ମୃତ୍ୟୁବରଣ କରିଛନ୍ତି । ଯାଜପୁରରୋଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଓ.ପି.ଡି (ବର୍ହି ରୋଗୀ ସେବା) ବିଭାଗକୁ ଚଳିତ ୦୪, ୦୫ ଓ ୦୬ ତାରିଖ ୦୩ ଦିନ ପାଇଁ ବନ୍ଦ କରାଯାଇଥିଲା । ୦୧ ଲକ୍ଷରୁ ଉର୍ଦ୍ଧ ଜନ ସଂଖ୍ୟା ବିଶିଷ୍ଟ ବ୍ୟାସନଗର ସହର ଓ ଏହାର ଆଖପାଖ ପଡ଼ୋଶୀ ଅଂଚଳର ବହୁ ଲୋକେ ଯାଜପୁରରୋଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଉପରେ ନିର୍ଭରଶୀଳ । ଡ଼ାକ୍ତରଙ୍କ ସମେତ ମେଡିକାଲ କର୍ମଚାରୀମାନେ କରୋନା ସଂକ୍ରମିତ ହେଉଥିବାରୁ କିଛି ଦିନ ପାଇଁ ସହରରେ ଏକ ପ୍ରକାରର ରୋଗୀ ସେବା ଭୂଷିଡି ପଡିବ ବୋଲି ଆକଳନ କରାଯାଉଛି ।
Loading ...
