ଚୋରକୁ ଧରି ଯାଜପୁରରୋଡ ପୋଲିସର ଜିମା ଦେଲେ ଯୁବ ସମାଜସେବୀ
ଋଗଡ଼ି,୦୫/୦୯ (ପ୍ରଭାତ କୁମାର ଭୂଆଁଙ୍କ ଠାରୁ): ଯାଜପୁରରୋଡ଼, ଦାନଗଦି ଓ କଳିଙ୍ଗନଗର ଆଦି ଅଂଚଳରେ ଚୋରୀ କରୁଥିବା ଚୋର ଦଳର ଜଣେ ଚୋରକୁ ଠାବ କରି ତା’କୁ ଆଜି ଯାଜପୁରରୋଡ ଆଦର୍ଶ ଥାନାର ଜିମା ଦେଇଛନ୍ତି କହ୍ନେଇପୁର ଅଂଚଳର କିଛି ଯୁବ ସମାଜସେବୀ । ପ୍ରକାଶଥାଉକି, ଗତ ପ୍ରାୟ ଏକ ସପ୍ତାହ ତଳେ ଯାଜପୁରରୋଡ ଥାନାର କହ୍ନେଇପୁର ଅଂଚଳରୁ ୬ଟି ଏ.ସି, ଗୋଟିଏ ଇନଭରଟର, ଗୋଟିଏ କମ୍ପ୍ୟୁଟର ଆଦି ଚୋରୀ ଯାଇଥିଲା । ଏ ବାବଦରେ ଜ୍ୟୋତି ଚକ୍ର ଏତଲା ଦେବାକୁ ଯାଇଥିବା ବେଳେ ପ୍ରଥମେ ଯାଜପୁରୋଡ ଥାନା ପକ୍ଷରୁ ଏହା ତାଙ୍କ ଅଂଚଳ ନୁହେଁ ବୋଲି କହି ଫେରାଇ ଦେବା ପରେ ସେ କୋରେଇ ଥାନାରେ ଏତାଲା ଦେବାକୁ ଯାଇଥିଲେ । କୋରେଇ ଥାନା ମଧ୍ୟ ତାଙ୍କ ଅଂଚଳରେ ଏ ଘଟଣା ଘଟି ନାହିଁ ବୋଲି କହି ପୁଣି ତାଙ୍କୁ ଫେରାଇ ଦେଇଥିଲେ । ପରେ ସେ ଜମି ପଟ୍ଟାରୁ ଭଟ୍ଟିଆ ମୈାଜାର ଦେଖାଇ ଯାଜପୁରରୋଡ ଆଦର୍ଶ ଥାନାରେ ଅଭିଯୋଗ କରିଥିଲେ । ଏହା ପରେ ଚୋରଙ୍କ ବିଷୟରେ ଜ୍ୟୋତିଙ୍କ ସହ କିଛି ଯୁବ ସମାଜସେବୀ ଅନୁସନ୍ଧାନ ଜାରୀ ରଖି କହ୍ନେଇପୁର ନୂଆସାହିର ଘନଶ୍ୟାମ ମାଝୀଙ୍କ ପୁଅ ଅଜୟ ମାଝୀକୁ ସନ୍ଦେହକରି ତା’କୁ ପଚରାଉଚରା କଲା ପରେ ତା’ଠାରୁ ଚୋର ଦଳ ସଂର୍ପକରେ ବହୁ ତଥ୍ୟ ହାସଲ କରିବା ସହ ଆଜି ରାତ୍ରୀରେ ପାଟ୍ରୋଲିଂ କରୁଥିବା ଯାଜପୁରୋଡ ପୋଲିସକୁ ଏ ବିଷୟରେ ଅବଗତ କରିବା ସହ ଅଜୟକୁ ପୋଲିସ ଜିମା ଦେଇଥିଲେ । ଏ ସଂର୍ପକରେ ପୋଲିସ ଅନୁସନ୍ଧାନ ଜାରୀ ରଖିଥିବାର ଜଣାଯାଇଛି । ଅଜୟ କହୁଥିବା କିଛି ତଥ୍ୟ ଏହି ଭିଡିଓରେ ଅଛି:-
Loading ...
