ଗରିବ ମେଧାବୀ ଛାତ୍ରୀଙ୍କୁ ଉଚ୍ଚଶିକ୍ଷା ପାଇଁ ସମାଜସେବୀଙ୍କ ସହାୟତା
କୋରେଇ: ୧୭/୮ : ଯାଜପୁର ଜିଲ୍ଲା କୋରେଇ ବ୍ଲକ ଅନ୍ତର୍ଗତ ଅନ୍ଧାରୀ ପଂଚାୟତର କୋରାବନ୍ଦୀ ଗ୍ରାମର ମଧୁସୂଦନ କରଙ୍କ କନ୍ୟା ଗୀତାଞ୍ଜଳି କରଙ୍କ ଉଚ୍ଚ ଶିକ୍ଷା ନିମନ୍ତେ ଜାରକାର ଅଂଶୁମାନ ମେମୋରିଆଲ ଟ୍ରଷ୍ଟର ସମ୍ପାଦକ ହିମାଂଶୁ ଶେଖର ସାହୁ ଆଜି ତାଙ୍କ ଘରେ ପହଞ୍ଚି କିଛି ଆର୍ଥିକ ସହାୟତା ପ୍ରଦାନ କରିଥିଲେ। ପ୍ରକାଶଯୋଗ୍ୟ ଯେ ଗୀତାଞ୍ଜଳି ଜଣେ ମେଧାବୀ ଗରିବ ଛାତ୍ରୀ। ସେ ଅର୍ଥ ଅଭାବରୁ ଉଚ୍ଚ ଶିକ୍ଷାରୁ ବଞ୍ଚିତ ହୋଇଛନ୍ତି। ହେଲେ ତାଙ୍କୁ ଶ୍ରୀ ସାହୁ ତାଙ୍କର ଉଚ୍ଚ ଶିକ୍ଷା ନିମନ୍ତେ ଯଥାସମ୍ଭବ ସହଯୋଗ କରିବେ ବୋଲି ପ୍ରତିଶ୍ରୁତି ଦେବା ପରେ ଗୀତାଞ୍ଜଳି ଓ ତାଙ୍କ ପରିବାରରେ ଖୁସିର ଲହରୀ ଖେଳିଯାଇଛି। ଏଭଳି ସମାଜ ସେବା କାର୍ଯ୍ୟ ପାଇଁ ଶ୍ରୀ ସାହୁଙ୍କୁ ବିଭିନ୍ନ ମହଲରୁ ପ୍ରଶଂସା କରାଯାଇଛି ।
Live Share Market
Loading ...
