🔊 Listen to this

Dushmanta Kumar Rout

ଯାଜପୁର/ଭୁବନେଶ୍ୱର,୦୮/୦୬(ଉ. ନ୍ୟୁଜ୍ ବ୍ୟୁରୋ): ଓଡ଼ିଶାରେ ନିର୍ବାଚନ ଫଳାଫଳ ଯାହା ଆସିଛି ସେଥିରେ ବିଜେପି ଏକକ ସଂଖ୍ୟା ଗରିଷ୍ଠ ଦଳ ଭାବେ ମୋଟ ୧୪୭ ବିଧାନସଭା ସିଟ୍‌ରୁ ଏକାକୀ ୭୮ଟି ଦଖଲ କରି ବହୁମତର ଅଳ୍ପ ଆଗରେ ରହି ସରକାର ଗଢ଼ିବାକୁ ଯାଉଛି । ମୋଦିଙ୍କ ନିର୍ବାଚନ ପ୍ରଚାର ସମୟର କଥା ଅନୁଯାୟୀ ରାଜ୍ୟରେ ଆଗାମୀ ୧୦ ତାରିଖ ସୋମବାର ଦିନ ବିଜେପି ସରକାର ଗଠନ ହେବ ଏବଂ ନୂଆ ମୁଖ୍ୟ ମନ୍ତ୍ରୀଙ୍କ ସମେତ ମନ୍ତ୍ରୀମଣ୍ଡଣ ଘୋଷିତ ହେବ । ସେଥିପାଇଁ ଭୁବନେଶ୍ୱରର ଜନତା ମଇଦାନ ସଜେଇ ହେଉଛି । ପ୍ରଧାନମନ୍ତ୍ରୀଙ୍କ ସମେତ ବହୁ କେନ୍ଦ୍ରୀୟ ନେତା ଏଥିରେ ଯୋଗଦାନ କରିବାର କାର୍ଯ୍ୟକ୍ରମ ରହିଛି । ରାଜ୍ୟରେ ୫୧ଟି ଆସନ ଜିତି ବିଜେଡି ୨ୟ ସ୍ଥାନ ହାସଲ ସହ ମୁଖ୍ୟ ବିରୋଧି ଆସନରେ ବସିବା ସାର ହୋଇଛି । ହେଲେ ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି ଯେ, କେନ୍ଦ୍ରରେ ବିଜେପି ଆସନ୍ତା କାଲି ସରକାର ଗଠନ କରିବାକୁ ଯାଉଥିବା ବେଳେ ଏନଡିଏ ମେଂଟର ଅଂଶୀଦାର ଚନ୍ଦ୍ରବାବୁ ନାଇଡୁଙ୍କ ଟିଡିପି, ନିତୀଶ କୁମାରଙ୍କ ଜେଡିୟୁ ଆଦିଙ୍କ ଚାପରେ ରହିବ । ରାଜ୍ୟସଭାରେ ବିଲ ପାସ ପାଇଁ ବିଭିନ୍ନ ଦଳଙ୍କ ସହଯୋଗ ଲୋଡିବ । ଏହି କ୍ରମରେ ଦେଖିବାକୁ ଗଲେ ବିଜେଡିର ରାଜ୍ୟସଭାରେ ଏବେ ୦୭ ଜଣ ସାଂସଦ ରହିଛନ୍ତି । ଲୋକସଭାରେ ଏଥର ଜଣେ ହେଲେ ବି ବିଜେଡି ସାଂସଦ ନ ଥିଲେ ମଧ୍ୟ ରାଜ୍ୟସଭାରେ ଥିବା ୦୭ଜଣ ବିଜେଡି ସାଂସଦ ବିଜେପି ସରକାର ପାଇଁ ଯଥେଷ୍ଟ କାମରେ ଆସିବାର ଆବଶ୍ୟକତା ରହିଛି । ଏହାଛଡ଼ା ମୋଦି ନବୀନ ବାବୁଙ୍କୁ ଖୁବ୍ ଭଲ ପାଆନ୍ତି । ରାଜ୍ୟରେ ବିଜେଡି ସହ ମେଂଟ ପାଇଁ ସେ ଆଗଭର ଥିବା ବେଳେ ଭୁଲ ବୁଝାମଣା ପାଇଁ ମେଂଟ ଯୋଜନା ଶେଷ ମୂହୁର୍ତ୍ତରେ ଭାଙ୍ଗିଯାଇଥିଲା । ବିଜେଡି ମଧ୍ୟ ୫୧ ଆସନ ପାଇ ସମ୍ମାନଜନକ ସ୍ଥିତିରେ ଅଛି । ଅଧିକ ଆତ୍ମବିଶ୍ୱାସ ଓ ରାଜ୍ୟରେ ମୋଦିଙ୍କ ଲହର ଯୋଗୁ ଅବଶ୍ୟ ରାଜ୍ୟରେ ବିଜେଡିକୁ ହାର ମାନିବାକୁ ପଡିଛି! ହେଲେ ନବୀନଙ୍କ ପ୍ରତି ଅଧିକାଂଶ ଓଡ଼ିଆଙ୍କ ଭଲ ପାଇବା ସେ ହାରିବାର କେଇଟା ଦିନ ମଧ୍ୟରେ ଜଣାପଡିଯାଇଛି । ବହୁ ଲୋକ ଏବେ ତାଙ୍କ ପାଇଁ କାନ୍ଦୁଛନ୍ତି । ମୋଦି ତାଙ୍କ ମାଆ ଏବଂ ଓଡ଼ିଶାର ଆରାଧ୍ୟା ଦେବତା ତଥା ବିଶ୍ୱର ଦେବତା ଜଗନ୍ନାଥଙ୍କୁ ଖୁବ୍ ଭଲ ପାଆନ୍ତି । ଏଥିପାଇଁ ତାଙ୍କର ଓଡ଼ିଶା ପ୍ରତି ସବୁବେଳେ ସମ୍ମାନ ଅଧିକ ଦେଖାଦେଇଥାଏ । ରାଜ୍ୟରେ ବିଜେଡ଼ି ହାରିଲେ ସୁଦ୍ଧା ସେ ନବୀନଙ୍କ ସହ ସୁସଂର୍ପକ ରଖିବେ ବୋଲି ବୁଦ୍ଧିଜିବୀ ମହଲରେ ଚର୍ଚ୍ଚା ଯୋର ଧରିଛି । ଏପରିକି ବିଜେଡି ଯଦି ୩-୪ଟି ସାଂସଦ ପହ ହାସଲ କରିଥାନ୍ତା ତେବେ ନବୀନଙ୍କୁ ପୁଣି ମୁଖ୍ୟମନ୍ତ୍ରୀ ପଦରେ ଲୋକେ ଦେଖିଥାନ୍ତେ । ମାତ୍ର ତାହା ବି ହେଲାନି । ବିଜେଡି ପାଇଁ ସବୁ ରାସ୍ତା ବନ୍ଦ ହୋଇଗଲା ପରେ ବି ରାଜ୍ୟସଭାର ୦୭ଜଣ ସାଂସଦଙ୍କ ପାଇଁ ବିଜେଡି ସହ କେନ୍ଦ୍ର ସରକାରଙ୍କ ସଂର୍ପକ ଭଲ ରହିପାରେ ବୋଲି କୁଯାଯାଉଛି । ତାଛଡ଼ା ବିଜେପି ଓ ବିଜେଡି ମିଶି ରାଜ୍ୟର ସବୁ ଭୋଟ ପୋଛି ନେଇଥିବା ବେଳେ ବିଜେପିର ମୁଖ୍ୟ ବିରୋଧି କଂଗ୍ରେସ ମାଟି କାମୁଡି ପଡିଲା । ବିଜେଡିକୁ ଛାଡି ଦେଲେ ଏହା ଯଦି କଂଗ୍ରେସ ସହ ମେଂଟ କରେ ତେବେ ଜାତୀୟ ରାଜନୀତିରେ ଆଗାମୀ ଦିନରେ ବିଜେପି ପାଇଁ ଏହା ମହଙ୍ଗା ସାବ୍ୟସ୍ତ ହେବ । ବିଜେଡି ପଛେ ନିଜେ ନ ଜିତୁ ହେଲେ ରାଜ୍ୟର ୨୧ ଳୋକସଭା ଆସନ ମଧ୍ୟରୁ ୨୦ଟିରେ ବିଜେପିକୁ ଜିତାଇବାରେ ପରୋକ୍ଷ ସାହାଯ୍ୟ କରିଛି । ନୋଚେତ୍ କଂଗ୍ରେସ ଆଉ କିଛି ଆସନ ପାଇଥାନ୍ତା! ମାତ୍ର ଭବିଷ୍ୟତ କହିବ ଆଗକୁ ବିଜେପି-ବିଜେଡିର ସଂର୍ପକ କ’ଣ ହେବାକୁ ଯାଉଛି । ରାଜ୍ୟସଭାରେ ଥିବା ବିଜେଡିର ସାଂସଦମାନେ ହେଲେ:-
     ନାମ                                ଦଳ                              କାର୍ଯ୍ୟକାଳ ଶେଷ
୧) ମାନସ ରଂଜନ ମଙ୍ଗରାଜ         ବିଜେଡି                          ୦୨/୦୪/୨୦୨୮
୨) ସୁଜିତ କୁମାର                     ବିଜେଡି                          ୦୨/୦୪/୨୦୨୬
୩) ମୁନ୍ନା ଖାଁ                           ବିଜେଡି                          ୦୨/୦୪/୨୦୨୬
୪) ମମତା ମହନ୍ତ                     ବିଜେଡି                          ୦୨/୦୪/୨୦୨୬
୫) ସସ୍ମିତ୍ ପାତ୍ର                        ବିଜେଡି                         ୦୧/୦୭/୨୦୨୮
୬) ସୁଲତା ଦେଓ                      ବିଜେଡି                          ୦୧/୦୭/୨୦୨୮
୭) ନିରଞ୍ଜନ ବିଶି                     ବିଜେଡି                          ୦୨/୦୪/୨୦୨୬

Live Share Market

मौषम का हाल

Delhi Weather