କୋରେଇ ରାଜନୀତିରେ ପୁଣି ହଟଚମଟ, ବିଜେପି ଛାଡିଲେ ପୂର୍ବତନ ପ୍ରାର୍ଥୀ ବିଶ୍ୱଜିତ୍ ନାୟକ ଓ ତାଙ୍କ ସମର୍ଥକ, ଖୁବ୍ଶୀଘ୍ର ବିଜେଡ଼ିରେ ଯୋଗ ଦେଇପାରନ୍ତି
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ବ୍ୟାସନଗର, ୦୫ା୦୫(ଦୁଷ୍ମନ୍ତ କୁମାର ରାଉତଙ୍କ ଠାରୁ): ଆଜି ରାଜ୍ୟର ମର୍ଯ୍ୟଦାପୂର୍ଣ୍ଣ କୋରାଇ ବିଧାନସଭା ମଣ୍ଡଳୀରେ ଏକ ବଡ଼ ଖବର ଆସିଛି । ପୂର୍ବରୁ ଦୁଇ ଦୁଇ ଥର ବିଧାୟକ ପ୍ରାର୍ଥୀ ହୋଇଥିବା (୨୦୧୪ରେ ଜାତୀୟ କଂଗ୍ରେସରୁ ଏବଂ ୨୦୧୯ରେ ବିଜେପିରୁ) ବିଶ୍ୱଜିତ୍ ନାୟକ (ବାବୁ) ଭାଜପା ଦଳ ଛାଡିଛନ୍ତି । ତାଙ୍କ ସହ ତାଙ୍କର ଅସଂଖ୍ୟ ସମର୍ଥକ, କର୍ମୀ ଓ ନେତା ମଧ୍ୟ ଦଳ ତ୍ୟାଗ କରିଛନ୍ତି । କିଛି ଦିନ ତଳୁ ସେ ଦଳ ଛାଡୁଥିବାର ଚର୍ଚ୍ଚା ହେଉଥିଲା । ପୂର୍ବତନ ବିଧାୟକ ଆକାଶଦାସ ନାୟକଙ୍କୁ ବିଜେଡି ଟିକେଟ ନ ମିଳିବାର ଆଶଙ୍କା କରି ସେ ଦଳଛାଡି ବିଜେପିକୁ ଯିବା ପରେ ବିଜେପି ଟିକେଟ କମ ସମୟ ମଧ୍ୟରେ ତାଙ୍କୁ ମିଳିଥିଲା । ବିଶ୍ୱଜିତ୍ ଏହା ଉପରେ କ୍ଷୁବ୍ଧ ଥିଲେ । ବିଜେଡ଼ିର ରାଜ୍ୟ ସାଂଗଠନିକ ସଂପାଦକ ତଥା ବିଧାୟକ ପ୍ରଣବ ପ୍ରକାଶ ଦାସଙ୍କ ସହ ସେ ଯୋଗାଯୋଗରେ ଥିଲେ ବୋଲି ଶୁଣାଯାଉଥିଲା । ଶେଷ ମୂହୂର୍ତ୍ତରେ ଓଡ଼ିଶାର ବିଶିଷ୍ଟ ଜନନେତା ତଥା କୋରେଇର ପୂର୍ବତନ ବିଧାୟକ ୰ ଅଶୋକ ଦାସଙ୍କ ଧର୍ମପତ୍ନୀ ଏବଂ ପ୍ରଣବ ପ୍ରକାଶଙ୍କ ମାଆ ସନ୍ଧ୍ୟାରାଣୀ ଦାସ (ସଞ୍ଜୁ ଦେବୀ)ଙ୍କୁ ବିଜେଡି ପ୍ରାର୍ଥୀ ଘୋଷଣା କରିବା ପରେ ରାଜନୈତିକ ଉଷ୍ଣତା ବେଶ ବଢ଼ିଯାଇଛି । ସଞ୍ଜୁ ଦେବୀଙ୍କୁ ଜିତାଇବା ପାଇଁ ବିଭିନ୍ନ ରଣ କୈାଶଳ ଜାରୀ ରହିଛି । ଏହି କ୍ରମରେ ବିଶ୍ୱଜିତ୍ଙ୍କୁ ଦଳରେ ସାମିଲ କରି ସହଜ ବିଜୟ ପାଇଁ ଚିନ୍ତା କରାଯାଇଛି । ଆଜି ବାବୁଙ୍କ ସଂଗରେ ଏକକାଳୀନ ବହୁ ନେତା ଭାଜପାରୁ ସମୂହ ଇସ୍ତଫା ପ୍ରଦାନ କରିଛନ୍ତି । ଆସନ୍ତା ୦୮ ତାରିଖରେ ସଞ୍ଜୁ ଦେବୀଙ୍କୁ ସମ୍ବର୍ଦ୍ଧନା ପାଇଁ ଆୟୋଜିତ ହେଉଥିବା ବିଶାଳ ସମାବେଶରେ ବିଶ୍ୱଜିତ୍ ଏବଂ ତାଙ୍କ ଅସଂଖ୍ୟ ସମର୍ଥକମାନେ ବିଜେଡ଼ିରେ ସାମିଲ ହୋଇପାରନ୍ତି । ଏହି ସମାବେଶରେ ବିଜେଡ଼ିର ରାଜ୍ୟ ସାଂଗଠନିକ ସଂପାଦକ ପ୍ରଣବ ପ୍ରକାଶ ଯୋଗ ଦେଇପାରନ୍ତି । ସଞ୍ଜୁ ଦେବୀଙ୍କୁ ଜିତାଇବା ପାଇଁ ତାଙ୍କ ପୁତୁରା ଭବ ପ୍ରସାଦ ଦାସ (ଲଲ) ଯାଜପୁରରୋଡ, ପାଣିକୋଇଲି ସମେତ କୋରେଇର ବିଭିନ୍ନ ପଂଚାୟତରେ ଡେରା ପକାଇ ବିଭିନ୍ନ ରଣନୀତି ଆପଣେଇବାରେ ବ୍ୟସ୍ତ ରହିଛନ୍ତି । ଅନ୍ୟପଟେ ତାଙ୍କର ମୁଖ୍ୟ ପ୍ରତିଦ୍ୱନ୍ଦୀ ବିଜେପିର ଆକାଶଦାସ ନାୟକ ବହୁ ପୂର୍ବରୁ ନିଜ ସପକ୍ଷରେ ପ୍ରଚାର ଚଳାଇଛନ୍ତି । କୁହାଯାଉଛି ଯେ, ବିଶ୍ୱଜିତ୍ଙ୍କ ରାଜନୈତିକ ଅଭିଜ୍ଞତା ଓ କୋରେଇ ଗ୍ରାମାଂଚଳରେ ଭଲ ସଂଗଠନ ରହିଛି । ସେ ବିଜେଡିରେ ଯୋଗ ଦେଲେ ବିଜେଡ଼ିର ଶକ୍ତି ବୃଦ୍ଧି ହେବ । ଅପରପକ୍ଷରେ ଆଉ ଜଣେ ବିଜେପି ଯୁବ ନେତା ବିଜେଡ଼ିରେ ଯୋଗ ଦେବାର ସମ୍ଭାବନା ଥିବା ବେଳେ ଆଉ ଜଣେ ବିଜେଡି ଟିକେଟ ଆଶାୟୀ ଯୁବ ନେତା କୁଆଡେ ଦଳ ଛାଡି ପାରନ୍ତି । ତେଣୁ କେରାଇ ରାଜନୀତିରେ ଘଡିକେ ଘୋଡା ଛୁଟିଲା ଭଳି ଅବସ୍ଥା ସୃଷ୍ଟି ହୋଇଛି ! 
Loading ...
