ପାହାଡ ଲୁଟ ନେଇ ଧର୍ମଶାଳାରେ ବଢୁଛି ଅସନ୍ତୋଷ; ସତୀଶଙ୍କ ନେତୃତ୍ୱରେ ଗଣଧାରଣା
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଯାଜପୁର,୧୯/୧୨(ଉ. ନ୍ୟୁଜ୍ ବ୍ୟରୋ): ଯାଜପୁର ଜିଲ୍ଲାର ଧର୍ମଶାଳା ତହସିଲ ଅଂଚଳରେ ପାହାଡ ଲୁଟ ନେଇ ନିୟମିତ ଖବର ପ୍ରକାଶ ପାଇ ଆସୁଥିବାରୁ ଜନଅସନ୍ତୋଷ ପାଇଁ ସରକାର ପ୍ରଶ୍ନବାଚୀର ସମ୍ମୁଖୀନ ହୋଇଛନ୍ତି । ଚାରଗୋଠ ଗ୍ରାମ ସଂଲଗ୍ନ କେଠୌଣି ପାହାଡ ନାମରେ ପରିଚିତ ସାହାଣିଢିହ ପାହାଡରେ ପି.ଆର.ପି.ଏଲ ନାମକ କମ୍ପାନୀ ଲୁଟତରାଜ ଚଲାଇଛି । ଏହାର ପ୍ରତିବାଦରେ ଧର୍ମଶାଳା ପାହାଡ ପର୍ବତ ସୁରକ୍ଷା ମଂଚ ସଭାପତି ତଥା ବି.ଜେ.ଡି ନେତା ସତୀଶ ବିଶ୍ୱାଳଙ୍କ ନେତୃତ୍ୱରେ ପାହାଡ ଉପରେ ଧାରଣା ଦିଆଯିବା ସହ ଶୋଭାଯାତ୍ରା ଓ ପ୍ରତିବାଦ ସଭା କରାଯିବା ପରେ ଏଥିନେଇ ସୃଷ୍ଟି ହେଉଥିବା ଜନଅସନ୍ତାଷ ଏବେ ବିସ୍ପୋରକ ମୋଡ ନେଇଛି ।
ଖବରରୁ ପ୍ରକାଶ, ଚାରଗୋଠ ଗାଁ ଓ ତହିଁରେ ଥିବା ପ୍ରାଥମିକ ବିଦ୍ୟାଳୟ, ମଙ୍ଗଳା ମନ୍ଦିର, ଭାଗବତ ଟୁଙ୍ଗୀରୁ ମାତ୍ର ୨୦୦ ମିଟର ଦୂରରେ ଥିବା ଏହି ପାହାଡରେ ବେଆଇନ ଭାବେ ୱାଗନ ହୋଲ ବ୍ଲାଷ୍ଟିଂ ହେବା ଫଳରେ ଲୋକମାନେ ନାହିଁ ନ ଥିବା ଦୁର୍ଦ୍ଦଶା ଭୋଗୁଛନ୍ତି । ସଂପୂର୍ଣ୍ଣ ବେଆଇନ ଭାବେ ବିପଦଜନକ ଏବଂ ଭୟଙ୍କର ବ୍ଲାଷ୍ଟିଂ ହେବା ଫଳରେ ଆଖପାଖ ଗାଁର ମାଟି ଥରି ଉଠୁଥିବା ବେଳେ ଗରୀବ ଲୋକଙ୍କ ଘର ଦ୍ୱାର ଆଦି ଫାଟି ଯାଉଛି । ଏଥିସହ ପାହାଡ ଚାରିପାଖରେ ଥିବା ଚାଷଜମି ସଂପୂର୍ଣ୍ଣ ପ୍ରଦୂଷିତ ହୋଇ ଜମି ଉପରେ ପଥର ଗୁଣ୍ଡର ମୋଟା ଆସ୍ତରଣ ଜମି ଯାଉଛି । ଏହାର ପ୍ରତିବାଦରେ ଆଜି ସୋମବାର ଏହି ପାହାଡ ତଳେ ଗୋଟିଏ ପ୍ରତିବାଦ ସଭା ହୋଇଥିଲା । ଏଥିରେ ଧର୍ମଶାଳା ପାହାଡ ପର୍ବତ ସୁରକ୍ଷା ମଂଚର ସଭାପତି ସତୀଶ ବିଶ୍ୱାଳ ଯୋଗଦେଇ ପାହାଡ ଗୁଡିକରେ କମ୍ପାନୀରାଜ ପାଇଁ ଆମ ଅଂଚଳର ଲୋକଙ୍କ ଜୀବନ ଜୀବିକା ବୁଡିବାକୁ ଯାଉଛି ବୋଲି ବିଷୋଦ୍ଗାର କରିଥିଲେ । ସେ କହିଥିଲେ ଯେ, ପାହାଡ ଚାରିପାଖରେ ଥିବା ଗାଁଗୁଡିକରେ ବସବାସ କରୁଥିବା ଲୋକମାନଙ୍କର ଆଉ ପାହାଡ ଉପରେ କୌଣସି ଅଧିକାର ରହୁନାହିଁ । ସେମାନଙ୍କ ପାହାଡ ଦିନକୁ ଦିନ ଶେଷ ହେଉଥିବା ବେଳେ ସେମାନେ ପାହାଡରେ ଆଉ ଶ୍ରମିକଟିଏ ବି ହୋଇ ପାରୁ ନାହାନ୍ତି । ଏ ଅଂଚଳର ସବୁ ଛୋଟ କ୍ରସର, କମ୍ପ୍ରେସର, ଖଣ୍ଡିକିଆ ଛୋଟ ଗାଡିମାଲିକଙ୍କୁ ଶେଷ କରି ଦିଆଯାଇଛି । ଧର୍ମଶାଳାରେ ରାଜୁତି କରୁଥିବା ଧର୍ମଶାଳା ବାହାରର ନେତା ଏବଂ ପ୍ରଶାସକଙ୍କ ପାଇଁ ଧର୍ମଶାଳାର ପାହାଡ ପର୍ବତ ମାଟିରେ ମିଶିଥିବା ବେଳେ ଧର୍ମଶାଳା ଲୋକଙ୍କ କୌଣସି ଉନ୍ନତି ହେଲା ନାହିଁ । ଏହି ପାହାଡରେ ରାଜ୍ୟ ବାହାରର କମ୍ପାନୀ ମେସର୍ସ ପ୍ରମିୟର ରକ ପ୍ରଡକ୍ଟ ଲିମିଟେଡ (ପି.ଆର.ପି.ଏଲ) କମ୍ପାନୀର ସ୍ୱେଚ୍ଛାଚାରିତା ବଢ଼ି ବଢ଼ି ଚାଲିଥିବା ବେଳେ ପାହାଡରୁ ହାତଗଣତି କେଇଖଣ୍ଡ ଗାଡି କେବଳ ଭଢା ପାଉଥିବାର ଦେଖାଯାଉଛି । ଅନ୍ୟପକ୍ଷରେ ପାହାଡରୁ ଦୈନିକ ଲକ୍ଷ ଲକ୍ଷ ଟଙ୍କାର ମୂଲ୍ୟବାନ ପଥର ଲୁଟ ହେଉଛି । ଏଥିନେଇ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ ପରେ ଧର୍ମଶାଳା ତହସିଲଦାର ତାଙ୍କ ପତ୍ର ସଂଖ୍ୟା-୫୪୯୭, ତା୧୪.୧୨.୨୨ରେ ଯେଉଁ ତଦନ୍ତ ରିପୋର୍ଟ ପ୍ରଦାନ କରିଛନ୍ତି ସେଥିରେ ଗତ ତା୨୩.୦୬.୨୨ ରିଖରେ ଏହି ସଂସ୍ଥା ପରିବେଶ ମଂଜୁରୀ ପାଇଁ ଆବେଦନ କରିଥିବାର ଦର୍ଶାଇଛନ୍ତି । ପି.ଆର.ପି.ଏଲ ଖାଦାନ ନିକଟରୁ କେତେକ ଲୋକ ପଥର ଚୋରୀ କରୁଥିବାର ତହସିଲଦାର ଦର୍ଶାଇଛନ୍ତି । ହେଲେ ଏହାର ବହୁ ପୂର୍ବରୁ ଅର୍ଥାତ୍ ପ୍ରାୟ ୨୦୧୫ରୁ ଏହି ପାହାଡରୁ କମ୍ପାନୀ ରୀତିମତ ଭାବେ ପଥର ଲୁଟ କରିଚାଲିଛି । ଆଶ୍ଚର୍ଯ୍ୟଜନକ ଭାବେ ପି.ଆର.ପି.ଏଲ ଖାଦାନ ଏରିଆର ସୀମା ଚିହ୍ନଟ ଏପର୍ଯ୍ୟନ୍ତ କରାଯାଇ ନାହିଁ । ଖାଦାନ ଚାଲୁଥିବା ନେଇ କୌଣସି ସୂଚନା ଫଳକ ମଧ୍ୟ ନାହିଁ । ଖାଦାନ ନିକଟରୁ ପଥର ଚୋରୀ ହେଲେ ସଂଲଗ୍ନ ଖାଦାନ ଇଜିରାଦାର ଏଥିନେଇ ଏତଲା ନ ଦେବା କିମ୍ବା ରାଜସ୍ୱ ବିଭାଗ ତରଫରୁ କୌଣସି କାର୍ଯ୍ୟାନୁଷ୍ଠାନ ନ ହେବା ନେଇ ହୋଇଥିବା ଅଭିଯୋଗ ଉପରେ ତହସିଲଦାର ମହୋଦୟ ଜବାବ ନ ରଖି ରାଜ୍ୟ ସରକାରକଙ୍କ ଛାପକୁ ଅଯଥାରେ ଖରାପ ଓ ଜନବିରୋଧୀ କରୁଛନ୍ତି । ଏଥିନେଇ ତହସିଦାରଙ୍କ ନୀରବତା ଅନ୍ତରାଳରେ ତହସିଲ ଓ କମ୍ପାନୀ ମଧ୍ୟରେ ଥିବା ମଧୁ ଚନ୍ଦ୍ରିକାକୁ ସ୍ପଷ୍ଟ କରୁଛି । ଫଳରେ ସରକାର ହରାଇଥିବା ଲକ୍ଷ ଲକ୍ଷ ଟଙ୍କାର ରାଜସ୍ୱ ପାଇଁ ବିଭାଗୀୟ ଅଧିକାରୀଙ୍କୁ ଉତରଦାୟୀ କରାଯିବା ଉଚିତ । ଜଙ୍ଗଲ ବିଭାଗର ରିପୋର୍ଟ ଅନୁସାରେ ଏହି ପାହାଡଟି ମଉଳାଭଞ୍ଜ ପାହାଡ ନାମରେ ପରିଚିତ ଏବଂ ଏହା ଜଙ୍ଗଲ କିମସ ପାହାଡ ଅଟେ । ଏହି ଆଧାରରେ ଏହି ଖାଦାନ ନିକଟରେ ମଧ୍ୟ ଜଙ୍ଗଲ ବିଭାଗ ତରଫରୁ ନିଜର ସୀମା ଚିହ୍ନଟ କରାଯାଇଛି । ତେଣୁ ଏହି ପାହାଡକୁ ସୁରକ୍ଷିତ କରାଯାଇ ବୃକ୍ଷରୋପଣ ସହ ଚୋରୀ ହୋଇଥିବା ପଥର ତଥା ଏକସେସ ମାଇନିଂ ପାଇଁ ତୁରନ୍ତ ଡ୍ରୋନ କ୍ୟାମେରା ସର୍ଭେ କରାଯିବାକୁ ଶ୍ରୀ ବିଶ୍ୱାଳ ଦାବୀ କରିଛନ୍ତି । ଆବଶ୍ୟକ ହେଲେ କୋର୍ଟର ଆଶ୍ରୟ ନିଆଯିବ ବୋଲି ସତୀଶ ଚେତାବନୀ ଦେଇଛନ୍ତି । ଏହାପରେ ଏକ ଶୋଭାଯାତ୍ରାରେ ସତୀଶଙ୍କୁ ପାହାଡ ଉପରକୁ ନିଆଯିବା ସହ ପାହାଡ ଉପରେ ନୀରବ ପ୍ରତିବାଦ କରାଯାଇ ଗଣଧାରଣା କରାଯାଇ ଥିଲା । ଏହି ଗଣଧାରଣାରେ ବହୁ ସଂଖ୍ୟାରେ ମହିଳା ଓ ସାଧାରଣ ଜନତା ସାମିଲ ହୋଇଥିଲେ ।
Loading ...
