ଧର୍ମଶାଳାର ପଟୁଣିଆରେ ବେଶ ଧୂମଧାମ୍ରେ ଏଥର ଚାଲିଛି ମା’ ଗଜଲକ୍ଷ୍ମୀଙ୍କ ପୂଜା
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଧର୍ମଶାଳା,୧୪/୧୦: ଯାଜପୁର ଜିଲ୍ଲାର ଧର୍ମଶାଳା ବ୍ଲକର ପଟୁଣିଆରେ ଚଳିତ ବର୍ଷ ବେଶ ଧୂମଧାମରେ ଅନୁଷ୍ଠିତ ହେଉଛି ମା’ ଗଜଲକ୍ଷ୍ମୀଙ୍କ ପୂଜା । ‘କରୋନା’ ମହାମାରୀ ଯୋଗୁ ଦୀର୍ଘ ୦୨ ବର୍ଷ ହେଲା ପ୍ରଭାବିତ ହୋଇଥିବା ମା’ଙ୍କ ପୂଜା କିନ୍ତୁ ଏଥର ବଡ଼ ଯାକଜମକରେ ଏଠାରେ ଅନୁଷ୍ଠିତ ହେଉଛି । ୩୭ତମ ବାର୍ଷିକ ଏହି ପୂଜାକୁ ମହାସମାରୋହରେ ଓ ଶାନ୍ତି ଶୃଙ୍ଖଳାର ସହ ସଂପାଦନ କରିବାକୁ ପଟୁଣିଆ ଗ୍ରାମବାସୀଙ୍କ ଅକୁଣ୍ଠ ଉଦ୍ୟମ ଜାରୀ ରହିଛି । ଦୀର୍ଘ ୦୮ ଦିନ ବ୍ୟାପି ଏହି ପୂଜାର ପ୍ରତ୍ୟେକ ସନ୍ଧ୍ୟାରେ ଅନୁଷ୍ଠିତ ହେଉଛି ବିଭିନ୍ନ କାର୍ଯ୍ୟକ୍ରମ । ଆସନ୍ତା ରବିବାର ୧୬ ତାରିଖରେ ପୂର୍ଣ୍ଣାହୁତି ହେବ ଓ ୧୭ ତାରିଖରେ ଭଷାଣୀ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ଜଣାଯାଇଛି । ବର୍ଷା ପୂଜା ମାହୋଲକୁ ଅବଶ୍ୟ କିଛି ପରିମାଣରେ ଫିକା କରିଦେଇଛି । ହେଲେ ପୂଜା କମିଟି ତରଫରୁ ଉପଯୁକ୍ତ ଟେଂଟର ବ୍ୟବସ୍ଥା କରାଯାଇ ମା’ଙ୍କ ଦର୍ଶନ ପାଇଁ ସୁବନ୍ଦୋବସ୍ତ କରାଯାଇଛି । ମା’ଙ୍କ ପ୍ରତିମା ସ୍ଥାୟୀ ଛାତ ତଳେ ପୂଜା ପାଉଥିବାରୁ ପୂଜା କର୍ମ ପାଇଁ ବର୍ଷା ଭୟ ନାହିଁ । ମାତ୍ର ବର୍ଷା ଯୋଗୁ ଶ୍ରଦ୍ଧାଳୁମାନେ ପୂଜା ମଣ୍ଡପକୁ ଆସିବାରେ ଅସୁବିଧା ଦେଖାଯାଉଛି । ଦୋକାନ ବଜାର ସାଙ୍ଗକୁ ରଂଗୀନ ଆଲୋକ ସଜ୍ଜା, ତୋରଣ, ପ୍ରତି ସନ୍ଧ୍ୟାର ସାଂସ୍କୃତିକ କାର୍ଯ୍ୟକ୍ରମ ଆଦି ଦର୍ଶକଙ୍କୁ ଏଠାକୁ ଟାଣି ଆଣୁଚି । ଭକ୍ତଙ୍କ ସଂଖ୍ୟା ମଧ୍ୟ ବୃଦ୍ଧି ପାଉଥିବାର ଦେଖାଦେଉଛି । ବିଶେଷକରି ଯଥା ରୀତି ନୀତି ମଧ୍ୟରେ ଅନୁଷ୍ଠିତ ପୂଜା ଓ ସନ୍ଧ୍ୟା ଆଳତୀ ସମୟରେ ଶ୍ରଦ୍ଧାଳୁମାନେ ଆଗଭରର ସହ ସାମିଲ ହେଉଛନ୍ତି । ଭଜନ କୀର୍ତନରେ ସମଗ୍ର ଅଂଚଳ ଫାଟି ପଡ଼ୁଛି । ଶାନ୍ତି ଶୃଙ୍ଖଳା ରକ୍ଷା ପାଇଁ ବାଲିଚନ୍ଦ୍ରପୁର ପୋଲିସ ଉପଯୁକ୍ତ ବ୍ୟବସ୍ଥା କରିଛି । ବହୁ ମାନ୍ୟଗଣ୍ୟ ବ୍ୟକ୍ତି ପୂଜା ଦେଖିବାକୁ ପଟୁଣିଆ ଆସି ପୂଜା କମିଟି ସହ ଆଲୋଚନା କରି ଆୟୋଜନ ନେଇ କମିଟିକୁ ସାଧୂବାଦ ଜଣାଉଛନ୍ତି । ବାହାରେ ଥିବା ବହୁ ବ୍ୟକ୍ତି ଗାଁ’କୁ ଆସି ପୂଜାରେ ସାମିଲ ମଧ୍ୟ ହେଉଛନ୍ତି । ଅଂଚଳର ଭାଇଚାରା ଓ ଏକତା ବଢ଼ାଇବାରେ ମା’ଙ୍କ ପୂଜା ବେଶ ସହାୟକ ହେଉଥିବାର କୁହାଯାଉଛି ।
Loading ...
