ପ୍ରତ୍ୟାହାର ହେଉ ଗଣଶିକ୍ଷା ବିଭାଗର ଗଣମାଧ୍ୟମ ବିରୋଧୀ ନିର୍ଦ୍ଦେଶନାମା: ଓୟୁଜେ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଭୁବନେଶ୍ୱର, ୧୧/୦୭(ଦୀପ୍ତିମୟୀ ପଟ୍ଟନାୟକଙ୍କ ଠାରୁ): ସାମ୍ବାଦିକମାନଙ୍କୁ ବିଦ୍ୟାଳୟ ପରିସରରେ ପୁରାଇ ନ ଦେବା ଓ ସେମାନଙ୍କ ବିରୋଧରେ ମାମଲା ରୁଜୁ କରିବା ଲାଗି ବିଦ୍ୟାଳୟ o ଗଣଶିକ୍ଷା ବିଭାଗର ନିର୍ଦ୍ଦେଶନାମାକୁ ଓଡ଼ିଶା ସାମ୍ବାଦିକ ୟୁନିଅନ (ଓୟୁଜେ) ଦୃଢ ବିରୋଧ କରିଛି । ଏଭଳି ଅଗଣତାନ୍ତ୍ରିକ ନିଷ୍ପତ୍ତିକୁ ତୁରନ୍ତ ପ୍ରତ୍ୟାହାର କରିନେବା ୟୁନିଅନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟରେ ଦାବି କରିଛି । ଓୟୁଜେ ପକ୍ଷରୁ ସାଧାରଣ ସମ୍ପାଦକ ଅଶୋକ କୁମାର ନନ୍ଦ ଏକ ପ୍ରେସ ବିବୃତିରେ କହିଛନ୍ତି ଯେ, ରାଜ୍ୟରେ ବିଦ୍ୟାଳୟମାନଙ୍କରେ ଚାଲିଥିବା ଅବ୍ୟବସ୍ଥା ଓ ଭିତ୍ତଭୂମିର ଅଭାବ ସମ୍ପର୍କରେ ଲଗାତାର ଭାବେ ଗଣମାଧ୍ୟମରେ ରିପୋର୍ଟ ପ୍ରକାଶ ପାଉଛି । ଏଥିରେ ଅସହିଷ୍ଣୁ ହୋଇ ବିଭାଗୀୟ ଅଧିକାରୀ ଏଭଳି ନିର୍ଦ୍ଦେଶନାମା ଜ।ରି କରିଛନ୍ତି ଯାହାକି ଗଣମାଧ୍ୟମ ଓ ସାମ୍ବାଦିକମାନଙ୍କ ପ୍ରତି ଚରମ ଅପମାନ । ଗଣତାନ୍ତ୍ରିକ ବ୍ୟବସ୍ଥାରେ ଗଣମାଧ୍ୟମ ପ୍ରତି ଏଭଳି କଟକଣା ଆଦୌ ସ୍ଫ୍ରୁହନୀୟ ନୁହେଁ । ରାଜ୍ୟ ବ୍ୟାପୀ ଓୟୁଜେ ଏହାର ଦୃଢ ପ୍ରତିବାଦ କରୁଥିବା ବେଳେ ୟୁନିଅନର ସଭାପତି ପ୍ରସନ୍ନ ମହାନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦୃଷ୍ଟି ଆକର୍ଷଣ କରି ତୁରନ୍ତ ଏଭଳି ଗଣମାଧ୍ୟମ ବିରୋଧୀ ସର୍କୁଲାରକୁ ପ୍ରତ୍ୟାହାର କରିନେବା ଲାଗି ଦାବି ଜଣାଇଛନ୍ତି ।
Loading ...
