ବାତ୍ୟା ‘ଦାନା’ ପ୍ରଭାବରେ କଲିକତା କଲବଲ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
କଲିକତା,୨୫/୧୦(ଉ. ନ୍ୟୁଜ୍ ବ୍ୟୁରୋ): ବାତ୍ୟା ‘ଦାନା’ର ପ୍ରଭାବରେ ଅଧା ଓଡ଼ିଶା ଅର୍ଥାତ୍ ୧୩ଟିରୁ ଉର୍ଦ୍ଧ ଜିଲ୍ଲା ପ୍ରଭାବିତ ବୋଲି ଆଶଙ୍କିତ ଥିବା ବେଳେ ଓଡ଼ିଶାରେ ସେପରି ତାଣ୍ଡବ ରଚି ନାହିଁ ବାତ୍ୟା । ଓଡ଼ିଶାର କେନ୍ଦ୍ରାପଡ଼ା ଜିଲ୍ଲା ଭିତରକନିକାରେ ବାତ୍ୟା ‘ଦାନା’ ଲ୍ୟାଣ୍ଡଫଲ କଲାପରେ ଓଡ଼ିଶାର ଉପକୂଳ ଅଂଚଳ ସମେତ ପଡୋଶୀ ପଶ୍ଚିମବଂଗରେ ଏହାର ପ୍ରଭାବ ପଡିଛି । ଆଜି ଦିନ ତମାମ ବର୍ଷା ଲାଗି ରହିବାରୁ ପରିସ୍ଥିତି କିଛିଟା ବିଷମ ହୋଇଛି ଉପକୂଳ ଓଡ଼ିଶା ସମେତ କେଉଁଝର, ମୟୁରଭଂଜ ଭଳି ଆଉ କେତେକ ଜିଲ୍ଲାରେ । ପାରାଦୀପ, ଭୁବନେଶ୍ୱରରେ ଆଜି ସକାଳୁ ସକାଳୁ ପାଗରେ ସୁଧାର ଆସିଥିବା ବେଳେ ପରେ ବର୍ଷା ହୋଇଥିଲା । ହେଲେ ପଶ୍ଚିମବଂଗର ଦୀଘା ଉପକୂଳ କାହିଁକି କୋଲକୋତାରେ ଗତ କାଲି ରାତ୍ରୀରେ ପବନ ବହିବା ଆରମ୍ଭ କରିଥିବା ବେଳେ ଆଜି ଭୋର ସମୟରୁ ବର୍ଷା ଆରମ୍ଭ ହୋଇଯାଇଥିଲା । ଦିନ ତମାମ ବର୍ଷା ଲାଗି ରହିବା ସହ ଆଜି ରାତ୍ର ୦୮ଟାରୁ ୧୦ଟା ୩୦ ମି ମଧ୍ୟରେ ୨-୩ ଘଂଟା କୋଲକୋତାରେ ଭୀଷଣ ବର୍ଷା ହୋଇଛି । ଫଳରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ମୁଖ୍ୟମନ୍ତ୍ରୀ ମମତା ବାନାର୍ଜୀ କାଲି ରାତି ତମାମ ଉଜାଗର ରହି ବାତ୍ୟା ‘ଦାନା’ର ପ୍ରଭାବ ଉପରେ ନଜର ରଖିଥିଲେ । ଦୀଘା-ସାଗରଦୀପ ଅଂଚଳ ଅଧିକ କ୍ଷତିଗ୍ରସ୍ତ ହେବାର ଆଶଙ୍କା କରି ତଳି ଅଂଚଳରୁ ୦୨ଲକ୍ଷରୁ ଉର୍ଦ୍ଧ ଜନସାଧାରଣଙ୍କୁ ବାତ୍ୟା ଆଶ୍ରୟସ୍ଥଳୀକୁ ସ୍ଥାନାନ୍ତରଣ କରିଥିଲେ । ଅନେକଙ୍କୁ ‘କପିଳ ଆଶ୍ରମ’କୁ ନେଇଥିଲେ । ଓଡ଼ିଶାରେ ଜିରୋ କାଜୁଆଲିଟି ଥିବା ବେଳେ ପଶ୍ଚିମବଂଗରେ ଜଣଙ୍କର ଜୀବନ ଯାଇଥିବା ଜଣାଯାଇଛି । କୋଲକୋତା ଠାରେ ରାଜ୍ୟ ସଚ୍ଚିବାଳୟରେ ମୁଖ୍ୟମନ୍ତ୍ରୀ ସୁଶ୍ରୀ ବାନାର୍ଜୀ ବୈଠକ କରି ପରିସ୍ଥିତିର ଅନୁଧ୍ୟାନ କରିବା ସହ ବାତ୍ୟା ପ୍ରଭାବିତଙ୍କ ପାଖରେ ରିଲିଫ୍ ସାମଗ୍ରୀ ପହଂଚାଇବା ପାଇଁ ସେ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି । ସୂଚନାଯୋଗ୍ୟ, କେବୁଲ ସମ୍ବନ୍ଧୀୟ ଇଲେକଟ୍ରିକ୍ କାମ କରୁଥିବା ବେଳେ ଜଣେ ବ୍ୟକ୍ତି ତାଙ୍କ ବାସଭବନରେ ମୃତ୍ୟୁବରଣ କରିଥିଲେ । ଏହାକୁ ମୁଖ୍ୟମନ୍ତ୍ରୀ ଦୁର୍ଭାଗ୍ୟଜନକ ବୋଲି ମମତା କହିବା ସହ ମୃତକଙ୍କ ପରିବାରକୁ ସାହାଯ୍ୟ କରାଯିବ ବୋଲି ସେ ସାମ୍ବାଦିକ ସମ୍ମିଳନୀରେ କହିଥିଲେ । ପାଣିପାଗ ବିଭାଗ ଆଜି ୨୫ ତାରିଖ ସନ୍ଧ୍ୟା ସୁଦ୍ଧା ପାଗ ଭଲ ହେବ ବୋଲି ଗତ କାଲି କହିଥିବା ବେଳେ ଆଜି ଆସନ୍ତା ରବିବାରକୁ କୋଲକୋତାରେ ପାଗ ଭଲ ହେବ ବୋଲି କହିଛି । ବୈତ୍ୟୁତିକ ଗଣ ମାଧ୍ୟମରେ ଏକଥା ବାରମ୍ବାର ପ୍ରଚାର ହୋଇଥିବା ବେଳେ ଆଜି ପୁଣି ଅଲଗା କୁହାଯାଇଛି । ଫଳରେ ବହୁ ଲୋକ ହଇରାଣରେ ପଡିଥିବାର ଜନୈକ କହିଛନ୍ତି । ଓଡ଼ିଶାରେ ମଧ୍ୟ ଭୀଷଣ ବାତ୍ୟାର ପ୍ରଚାର ଯୋରସୋରରେ କରାଯିବାରୁ ଆଳୁ କି.ଗ୍ରା ୩୦ରୁ ୫୦ଟଙ୍କା ଛୁଇଁଥିବା ବେଳେ ବହୁ ଗ୍ରସେରୀ ସାମଗ୍ରୀ ଓ ପରିବାପତ୍ରର ନାହିଁ ନ ଥିବା ଦର ବଢ଼ିଯାଇଛି । ଝଡ଼ ତୋଫାନ ବର୍ଷା ଓ ବାତ୍ୟା ମଧ୍ୟରେ କ’ଣ ଫରକ ନାହିଁକି ବୋଲି କେତେକ ବୁଦ୍ଧିଜୀବୀ ପ୍ରଶ୍ନଛଳରେ କହିଛନ୍ତି !
Loading ...
