ବରିଷ୍ଠ ଯନ୍ତ୍ରୀ ପି. କେ ରଥଙ୍କ ଘରେ ଭିଜିଲାନ୍ସ ଚଢ଼ଉ, ବିପୁଳ ସଂପତି ଠାବ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
କଟକ,୦୫/୦୮(ଦୁଷ୍ମନ୍ତ କୁମାର ରାଉତଙ୍କ ଠାରୁ): ଇଂଜିନିୟରିଂ ବିଭାଗ ଉପରେ ନିଶାଣ କରିଛି ରାଜ୍ୟରେ ଚାଲିଥିବା ଏବେକାର ବିଜେପି ସରକାର । ପି.ସି ଖାଇ ଖାଇ, ମିଥ୍ୟା ବିଲ ପାସ କରି ବିପୁଳ ପରିମାଣର ଅନୈତିକ ସଂପତି ଠୁଳ କରିଥିବା ବଡ ବଡ ଯନ୍ତ୍ରୀଙ୍କ ଉପରେ ନଜର ରଖିଛି ରାଜ୍ୟ ଭିଜିଲାନ୍ସ ବିଭାଗ । କୋଟି କୋଟି ଟଙ୍କାର ସଂପତି; ଯଥା- ବହୁ ଟଙ୍କାର ସୂନା, ରୂପା ଆଦିର ଦାମୀ ଅଳଙ୍କାର, ବିଭିନ୍ନ ସ୍ଥାନରେ ଜମିବାଡି, ମୂଲ୍ୟବାନ ଗାଡି ଘୋଡ଼ା, ବହୁ ବଙ୍ଗଳା/ଫ୍ଲାଟ୍ ଆଦି କିଣି କିପରି କୁବେର ପାଲଟିଛନ୍ତି ଯନ୍ତ୍ରୀ ବାବୁମାନେ ସେମାନଙ୍କ ଗୁମରର ପେଡି ଖୋଲୁଛି ଭିଜିଲାନ୍ସ ବିଭାଗ । ପୈତୃକ ଘର, ଶ୍ୱଶୁର ଘର ଏବଂ ଅନ୍ୟାନ ସ୍ଥାନରେ ଜମିବାଡି, ଘରଦ୍ୱାର କରିବା ସହ ବିଭିନ୍ନ ବ୍ୟାଙ୍କ/ପୋଷ୍ଟ ଅଫିସ ଆଦିରେ ମୋଟା ଅଙ୍କର ଜମା ରାଶି ରହିଛି । ଏଥିସହ କଲେଜ ପଢ଼ୁଆ ପୁଅ ଝିଅ ଯାହାଙ୍କର ରୋଜଗାର ନାହିଁ ତାଙ୍କ ନାମରେ ଗାଡି ଘୋଡା, ବ୍ୟାଙ୍କ ବାଲାନ୍ସ ଦେଖିଲେ ତାଜୁବ ହୋଇଯିବେ ! ଆଜି ଭିଜିଲାନ୍ସ ବିଭାଗ ଏପରି ଜଣେ ବରିଷ୍ଠ ଯନ୍ତ୍ରୀଙ୍କ ଘରେ ରେଡ଼୍ କରି ବିପୁଳ ସଂପତିର ଠାବ ପାଇଛି । ସେ ହେଉଛନ୍ତି ବରିଷ୍ଠ ଯନ୍ତ୍ରୀ ପ୍ରଦୀପ କୁମାର ରଥ । କଟକ, ଭୁବନେଶ୍ୱର ସହ ତାଙ୍କର ଭଦ୍ରଖ ଜିଲ୍ଲାର ଆଗରପଡ଼ା ସ୍ଥିତ ପୈତୃକ ଘରେ ବି ଛାନଭିନ୍ କରୁଛି ଭିଜିଲାନ୍ସ ବିଭାଗ । ଏକଦା ଇଂ. ଋଥ ଯାଜପୁରରୋଡର ଆର.ଆଣ୍ଡ ବି ବିଭାଗର ସହକାରୀ ଯନ୍ତ୍ରୀ, ପାଣିକୋଇଲି ଏନ.ଏଚ୍ର ସହକାରୀ ଯନ୍ତ୍ରୀ, କେଉଁଝର ଘଟଗାଁ ଏନ.ଏଚ୍ର ସହକାରୀ ଯନ୍ତ୍ରୀ, ଘଟଗାଁ ଆର.ଆଣ୍ଡ ବିର ନିର୍ବାହୀ ଯନ୍ତ୍ରୀ ଦାୟିତ୍ୱ ତୁଲାଇ ଭଲ ପି.ସି କମାଇଥିବାର ଜଣାଯାଇଥିଲା । ଏପରିକି କେତେକ ଠିକାଦାରଙ୍କ ସହ ସଂର୍ପକ ବନାଇ ତାଙ୍କ ନାମରେ ମିଥ୍ୟା ବିଲ କରି ‘ରାଧେ ରାଧେ ଅଧେ ଅଧେ’ କରୁଥିଲେ । ଜଣେ ପୂର୍ବତନ ଅବସରପ୍ରାପ୍ତ ମୁଖ୍ୟ ଶାସନ ସଚିବଙ୍କ ବନ୍ଧୁ ବୋଲି କହି ଅନେକ ବେଳେ ସେ କାହାକୁ ଖାତିର କରୁ ନ ଥିଲେ । ଏବେ ସେ ଗୁରୁତ୍ୱପୂର୍ଣ୍ଣ ଆର.ଆଣ୍ଡ ବିର ‘ଚିଫ୍ କନ୍ଷ୍ଟ୍ରକ୍ସନ ଇଂଜିନିୟର’ ଏବଂ କଟକ ‘ଓ.ବି.ସି.ସି’ର ଅତିରିକ୍ତ ମୁଖ୍ୟ ଯନ୍ତ୍ରୀ ଭାବେ କାର୍ଯ୍ୟ କରୁଥିବାର ଜଣାଯାଇଛି । ପ୍ରଭାବଶୀଳ ବ୍ୟକ୍ତିଙ୍କ ଛତ୍ରଛାୟା ତଳେ ରହି ସେ ଭଲ ଭଲ ଜାଗାରେ ପୋଷ୍ଟିଂ ପାଇବା ସହ ଢ଼େର କଳା ସଂପତି କମାଇଛନ୍ତି । ଘଟଗାଁ ଓ ଯାଜପୁରରେ ଥିବା ସମୟରେ ସେ କରିଥିବା ବହୁ ଅନୈତିକ କାରବାର ଉପରେ ଭିଜିଲାନ୍ସ ବିଭାଗ ଖୋଳତାଡ କଲେ ଆହୁରି ରୋଚକ ତଥ୍ୟ ପଦାକୁ ଆସନ୍ତା ବୋଲି ସର୍ବସାଧାରଣରେ ମତପ୍ରକାଶ ପାଇଛି । ଆଜି ତାଙ୍କ ଘର ଓ ଅଫିସ ରେଡ଼୍ ହେଉଥିବା କଥା ଜଣାପଡିବା ପରେ ଜଣେ ବଡ ମାଛକୁ ଦୁର୍ନୀତିନିବାରଣ ବିଭାଗର ଅଧିକାରୀମାନେ ଧରି ତାଙ୍କ ବୁଡା କାରବାରର ପର୍ଦ୍ଦାଫାସ କରିଥିବାରୁ ବିଭିନ୍ନ ମହଲରେ ସନ୍ତୋଷ ପ୍ରକାଶ ପାଇଛି । ୧୨ଟି ସ୍ଥାନରେ ଏବେ ରେଡ଼ ଚାଲିଥିବା ବେଳେ ତାଙ୍କର ପ୍ରକୃତ ସଂପତିର ଆକଳନ ପାଇଁ ଭିଜିଲାନ୍ସକୁ ସମୟ ଲାଗିବ । ୦୧ କିଲୋଗ୍ରାମ ପାଖାପାଖି ଓଜନର ସୁନା ଅଳଙ୍କାର ତାଙ୍କ ଘରୁ ବାହାରିଥିବା ବେଳେ ବ୍ୟାଙ୍କ ଲକରରେ କେତେ ଅଛି ଜଣାପଡିନାହିଁ । ବିଭିନ୍ନ ସ୍ଥାନରେ ଜମିବାଡି ପ୍ଲଟ ରହିଛି । ଭୁବନେଶ୍ୱର, କଟକ, ଭଦ୍ରଖ, ଯାଜପୁରରେ ତାଙ୍କର ବହୁ ପ୍ଲଟ ରହିଛି । ତାଙ୍କର ବଡ଼ ଅଟ୍ଟାଳିକା ସମେତ ନଗଦ ରାଶି, ସୂନା ଆଦିର ମୂଲ୍ୟାୟନ ହେଲେ ସେ କେତେ ଟଙ୍କାର ଆୟକର ଫାଙ୍କିଛନ୍ତି ତା’ର ବି ପୁଣି ଖୋଳତାଡ ହୋଇପାରେ । ଭିଜିଲାନ୍ସ ବିଭାଗ ତାଙ୍କର ବ୍ୟାଙ୍କ କାରବାରର ରହସ୍ୟ ଆୟକର ବିଭାଗ ଜରିଆରେ କରାଇଲେ ଆହୁରି କିଛି ବ୍ୟକ୍ତି, ଠିକାଦାର ଆଦି ତଦନ୍ତ ପରିସରକୁ ଆସିପାରନ୍ତି । କଳା ସଂପତିର ସାମ୍ରାଜ୍ୟରୁ ଦେଶ ପାଇଁ ଭଲ ଟିକସ ବି ଆଦାୟ କରନ୍ତେ । 
Loading ...
