ଆମ ଓଡ଼ିଶା-ରାଜକୋଷ ଲୁଟ୍; ନବୀନ ଓଡିଶା-ତାମିଲ୍ ଓଡ଼ିଶା-ଇଣ୍ଡିଆନ୍ ସିଟିଜେନସ୍ ପାର୍ଟି
ଭୁବନେଶ୍ୱର, ୨-୧୦-୨୦୨୩: ବିଜୁଜନତା ଦଳର ” ଆମ ଓଡ଼ିଶା-ନବୀନ ଓଡିଶା” ନାଟକ ବାସ୍ତବରେ ଆମ ଓଡିଶା-ରାଜକୋଷ ଲୁଟ୍ ଓଡିଶା ଏବଂ ମରଣଯନ୍ତାର ଓଡିଶା ନବୀନ ଓଡିଶା-ତାମିଲ୍ ଓଡିଶା ବୋଲି ଇଣ୍ଡିଆନ୍ ସିଟିଜେନସ୍ ପାର୍ଟି (ଆଇ.ସି.ପି) ସଭାପତି ରମେଶ ଚନ୍ଦ୍ର ରାଉତ ଏକ ପ୍ରେସ ବିବୃତିରେ କହିଛନ୍ତି । ନବୀନ ପଟ୍ଟନାୟକଙ୍କ ଯୋଗୁ ବିଭିନ୍ନ ଗୋଷ୍ଠୀ ସେମାନଙ୍କର ହକ୍ ଓ ଅଧିକାର ପାଇ ପାରୁନାହାଁନ୍ତି । ନବୀନ ପଟ୍ଟନାୟକ ଆଉ କିଛି ଦିନ ମୁଖ୍ୟମନ୍ତ୍ରୀ ରହିଲେ ଓଡିଶା ଜନଶୂନ୍ୟ, ଗାଇଗୋରୁ ଶୂନ୍ୟ ଏବଂ ପ୍ରାକୃତିକ ସମ୍ପଦ ଶୂନ୍ୟ ହୋଇଯିବ ବୋଲି ଶ୍ରୀ ରାଉତ ଓଡ଼ିଶାବାସୀଙ୍କୁ ସତର୍କ କରିଦେଇଛନ୍ତି । ନବୀନ ପଟ୍ଟନାୟକ ଓଡ଼ିଶାର କଳାପାହାଡ଼ ଭାବେ ଇତିହାସରେ ସ୍ଥାନ ପାଇବେ। ଶ୍ରୀ ଜଗନ୍ନାଥଙ୍କ ନୀତି ବିଭ୍ରାଟ, କାଳିଆ ସାଆନ୍ତଙ୍କୁ ଉପବାସ ରଖିବା ଶ୍ରୀମନ୍ଦିର ଭିତରକୁ ଅଣହିନ୍ଦୁଙ୍କ ପ୍ରବେଶ, ଶ୍ରୀ ଜଗନ୍ନାଥ ଦର୍ଶନାର୍ଥୀମାନଙ୍କୁ ମାଡ଼ ମାରି ଲହୁ ଲୁହାଣ କରିବା ଏବଂ ଚାରିଦ୍ଵାର ନ ଖୋଲିବା, ଶ୍ରୀ ଜଗନ୍ନାଥ ଦର୍ଶନାର୍ଥୀଙ୍କୁ ଘଣ୍ଟା ଘଣ୍ଟା ଧାଡ଼ିରେ ଛିଡାକରି ଯନ୍ତ୍ରଣା ଦେବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦାୟୀ ଏବଂ ଓଡିଶାବାସୀ ଙ୍କୁ ଜବାବ୍ ଦେବାକୁ ପଡ଼ିବ ବୋଲି ଶ୍ରୀ ରାଉତ କହିଛନ୍ତି । ଏତତବ୍ୟତୀତ ଦୁର୍ଘଟଣା ମୃତ୍ୟୁ ନଦୀକୁ ଡେଇଁ ଆତ୍ମହତ୍ୟା ସମେତ୍ ବିଭିନ୍ନ ଉପାୟରେ ଆତ୍ମହତ୍ୟା, ପୁଲିସ୍ ହାଜତରେ ଗର୍ଭବତୀଙ୍କ ମୃତ୍ୟୁ ଜଘନ୍ୟ ହତ୍ୟାକାଣ୍ଡ ଯଥା-ଡବଲ ମର୍ଡର, ଟ୍ରିପଲ୍ ମର୍ଡର, ସରକାରୀ ମନ୍ତ୍ରୀ ଓ ଅଫିସରମାନଙ୍କୁ ହତ୍ୟା, ଖଣିଖାଦାନ, ପାହାଡ଼, ବାଲି, ଲୁଟ୍; ନବୀନ ପଟ୍ଟନାୟକଙ୍କ ଓଡିଶା ଶାସନର ଉଜ୍ଜ୍ୱଳ ଦୃଶ୍ୟପଟ୍ଟକୁ ଓଡିଶାବାସୀ ଜଳଜଳ ଦେଖୁଛନ୍ତି । ତେଣୁ ନବୀନ ପଟ୍ଟନାୟକ ଓଡିଶାବାସୀଙ୍କୁ ଆଉ ହାରକିନ୍ ନ ଦେଖେଇ ତୁରନ୍ତ ଇସ୍ତଫା ଦେଇ ସସମ୍ମାନେ ରାଜନୀତିରୁ ଅବସର ନିଅନ୍ତୁ ବୋଲି ଶ୍ରୀ ରାଉତ ଆହ୍ୱାନ ଦେଇଛନ୍ତି।
Loading ...
