ବିଶିଷ୍ଟ ଔପନାସିକ ମାୟାଧର ନାୟକଙ୍କ ଇଂରାଜୀ ପୁସ୍ତକ “ଦି ୱାର୍ଲଡ଼ ଆଇ ଫୋରସି”ର ଜନାର୍ପଣ ଆସନ୍ତା କାଲି
ବ୍ୟାସନଗର, ୧୭ା୮(ଉ. ନ୍ୟୁଜ୍ ବ୍ୟରୋ): ବ୍ୟାସନଗର ସହରର ଅଧିବାସୀ ତଥା ବିଶିଷ୍ଟ ଶ୍ରମିକ ନେତା ତଥା ଔପନାସିକ ମାୟାଧର ନାୟକଙ୍କ ଲିଖିତ ଇଂରାଜୀ ପୁସ୍ତକ ‘ଦି ୱାର୍ଲଡ଼ ଆଇ ଫୋରସି’(The World I Foresee)ର ଲୋକାର୍ପଣ ଉତ୍ସବ ଆସନ୍ତା କାଲି ଭୁବନେଶ୍ୱର ଠାରେ ଅନୁଷ୍ଠିତ ହେବ । ଏହି ଉତ୍ସବରେ ବହୁ ନାମିଦାମୀ ବ୍ୟକ୍ତି ବିଶେଷ ଯଥା-ଲବ୍ଧ ପ୍ରତିଷ୍ଠିତ ଦୈନିକ ଖବର କାଗଜର ସଂପାଦକ, ପ୍ରତିଷ୍ଠିତ ସାମ୍ବାଦିକ, ଶିକ୍ଷାବିତ୍ ଆଦି ଅତିଥି ଭାବେ ଯୋଗଦାନ କରି ପୁସ୍ତକଟିର ଲୋକାର୍ପଣ କରିବେ । ଆସନ୍ତା କାଲି ଅପରାହ୍ନ ୦୪ଟା ୩୦ମି ସମୟରେ ଭୁବନେଶ୍ୱରର ଜାଭିୟର୍ସ ଛକ ନିକଟସ୍ଥ ‘ଓଡ଼ିଶୀ ରିସର୍ଚ୍ଚ ସେଂଟର’ଠାରେ ଏହି ଉତ୍ସବର ଆୟୋଜନ କରାଯାଇଛି ବୋଲି ଶ୍ରୀ ନାୟକଙ୍କ ସୁପୁତ୍ର ତଥା ପୂର୍ବତନ ବିଧାୟକ ଓ ବିଶିଷ୍ଟ ସିନେତାରକା ଓ ମୋ’ କଲେଜର ଅଧ୍ୟକ୍ଷ ଆକାଶଦାସ ନାୟକ ଜଣାଇଛନ୍ତି । ଏଥିରେ ଜାତୀୟ ସ୍ତରର ଇଂରାଜୀ ଦୈନିକ “ଦି ପାଓନିୟର”ର ଓଡ଼ିଶା ଆବାସିକ ସଂପାଦକ ଶାରଦା ପ୍ରସନ୍ନ ନନ୍ଦ ଉଦ୍ଘାଟକ ଭାବେ, ଡ଼ଃ. ଭଗବାନ ପ୍ରକାଶ, ଶିକ୍ଷାବିତ୍ ଓ ସମାଜ ସଂସ୍କାରକ ମୁଖ୍ୟ ଅତିଥି ଭାବେ, ଓଡ଼ିଆ ଦୈନିକ ‘ଓଡ଼ିଶା ଭାସ୍କର’ର ସଂପାଦକ ପ୍ରଦୋଷ ପଟ୍ଟନାୟକ ମୁଖ୍ୟ ବକ୍ତା ଭାବେ, ବରିଷ୍ଠ ସାମ୍ବାଦିକ ଓ ସ୍ତମ୍ଭକାର ସୁଜ୍ଞାନ ଚୈାଧୂରୀ ସମ୍ମାନିତ ବକ୍ତା ଭାବେ ଏବଂ ଶିକ୍ଷାବିତ୍ ଓ ସମାଜ ସଂସ୍କାରକ ଇନ୍ଦିରା ଦାସ ସମ୍ମାନିତ ଅତିଥି ଭାବେ ଯୋଗଦାନ କରିବାର କାର୍ଯ୍ୟକ୍ରମ ରହିଛି ।
Loading ...
