‘ଉଦୟବଟ’ ତରଫରୁ ରାକ୍ଷୀ ପୂର୍ଣ୍ଣିମାରେ ଗଛକୁ ପୂଜାର୍ଚ୍ଚନା ଓ ରାକ୍ଷୀ ବନ୍ଧନ
ବ୍ୟାସନଗର,୨୨/୮(ଉ. ନ୍ୟୁଜ୍ ବ୍ୟୁରୋ): ସମ୍ବାଦଭିତିକ ପତ୍ରିକା ‘ଉଦୟବଟ’ ତରଫରୁ ଆଜି ପବିତ୍ର ରକ୍ଷାବନ୍ଧନ ଅବସରରେ ପ୍ରତିବର୍ଷ ପରି ବୃକ୍ଷ ଦେବତାଙ୍କ ପୂଜାର୍ଚ୍ଚନା କରାଯାଇଛି । ପବିତ୍ର ରାକ୍ଷୀ ପୂର୍ଣ୍ଣିମାକୁ ଏଠାରେ ନିଆରେ ଢ଼ଙ୍ଗରେ ପାଳନ କରାଯାଇଥିଲା । ଆଜି ପୂର୍ବାହ୍ନରେ ସ୍ଥାନୀୟ ସାପଗଡ଼ିଆ ସ୍ଥିତ ଲକ୍ଷ୍ମୀନାରାୟଣ ମନ୍ଦିର ପରିସରରେ ଥିବା ବୃକ୍ଷ ମୂଳ ସଫା କରିବା ସହ ମନ୍ଦିରର ପୂଜକ ମାନସ ଦ୍ୱିବେଦୀ ବୃକ୍ଷଗୁଡିକର ପୂଜାର୍ଚ୍ଚନା କରିଥିଲେ । ପରିବେଶବିଦ୍ ଦୁଷ୍ମନ୍ତ କୁମାର ରାଉତଙ୍କ ଆବାହକତ୍ୱରେ ସ୍ଥାନୀୟ ଜି.ଏସ.ଟି ବିଭାଗର ଗଣେଷ ପ୍ରସାଦ ଜେନା, ବ୍ୟାସନଗର ବରିଷ୍ଠ ନାଗରିକ ମଂଚର ସମ୍ପାଦକ ଚନ୍ଦ୍ରମଣି ସାମଲ, ମନ୍ଦିର କମିଟିର ବରିଷ୍ଠ କାର୍ଯ୍ୟକର୍ତା ଗଦାଧର ଜେନା, ବରିଷ୍ଠ ସମାଜସେବୀ ଉପେନ୍ଦ୍ରନାଥ ମହାନ୍ତି, ମନୋଜ ସାମଲ, ଶ୍ରମିକ ନେତା ସଂଜୟ କୁମାର ସ୍ୱାଇଁ, ନାରୀ ନେତ୍ରୀ ବିଦ୍ୟୁତ୍ପ୍ରଭା ରାୟ, କାଂଚନ ନାୟକ, ରେବତୀ ସ୍ୱାଇଁ, ଅବସରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ବ୍ରଜେଶ୍ୱରୀ ସିଂହ ଓ ଅନ୍ୟମାନେ ବୃକ୍ଷକୁ ପୂଜାର୍ଚ୍ଚନା କରି ତହିଁରେ ଫୁଲ, ଚନ୍ଦନ, ଧୂପ, ଦୀପ, ସିନ୍ଦୁର, ବସ୍ତ୍ର ଆଦି ଦେଇ ସେଥିରେ ରାକ୍ଷୀ ବାନ୍ଧିଥିଲେ । ବୃକ୍ଷର ଉପକାରିତା ଉପରେ ମଧ୍ୟ ଏଠାରେ ଆଲୋଚନା କରାଯାଇଥିଲା ।
Loading ...
