🔊 Listen to this

Dushmanta Kumar Rout

ଭୁବନେଶ୍ୱର, ୨୧/୧୦(ଦୁଷ୍ମନ୍ତ କୁମାର ରାଉତଙ୍କ ଠାରୁ): ରାଜ୍ୟରେ କାର୍ଯ୍ୟରତ ଥିବା ଅଣଳୁଶଳୀ, ଅର୍ଦ୍ଧକୁଶଳୀ, କୁଶଳୀ ଓ ଅତିକୁଶଳୀ ଶ୍ରମିକଙ୍କ ଦୈନିକ ସର୍ବନିମ୍ନ ପୁଣି ବୃଦ୍ଧି ପାଇଛି । ଆଜି ଓଡ଼ିଶା ଶ୍ରମ ଓ ଇ.ଏସ.ଆଇ କମିଶନରଙ୍କ ଚିଠି ସଂଖ୍ୟା: ୬୧୦୦, ତା.୨୧/୧୦/୨୦୨୦ ଅନୁଯାୟୀ ଏଣିକି ଦୈନିକ ଅଣଳୁଶଳୀ ଶ୍ରମିକ ଦୈନିକ ମଜୁରୀ ପାଇବେ ଟ୩୦୮.୦୫ପ, ଅର୍ଦ୍ଧଳୁଶଳୀ ପାଇବେ ଟ୩୪୮.୦୫ପ, କୁଶଳୀ ଶ୍ରମିକ ପାଇବେ ଟ୩୯୮.୦୫ପ ଓ ଅତିକୁଶଳୀ ଶ୍ରମିକ ପାଇବେ ଟ୪୫୮.୦୫ପ । ପରିବର୍ତିତ ମହଙ୍ଗା ଭତା ସହ ଏହି ମଜୁରୀ ଘୋଷିତ ହୋଇଛି । ଏହା ଗତ ୦୧/୧୦/୨୦୨୦ ଠାରୁ ପିଛିଲା ଭାବେ ଲାଗୁ ହେବାକୁ ଦିର୍ଦ୍ଦେଶାନାମାରେ କୁହାଯାଇଛି । ସୁଚନାଯୋଗ୍ୟ, ଗତ ଜୁଲାଇ ୨୦୨୦ରୁ ଦୈନିକ ସର୍ବନିମ୍ନ ମଜୁରୀ ୫ଟଙ୍କା ୪୦ପଇସା ବୃଦ୍ଧି ପାଇ ପ୍ରଦାନ କରାଯାଉଥିବା ବେଳେ ପୁଣି ଅକ୍ଟୋବର ପହିଲାରୁ ଆଉ ୪ଟଙ୍କା ୬୫ପଇସା ବୃଦ୍ଧି ପାଇଛି । ଏହି ନୂତନ ମଜୁରୀ ଅଭିବୃଦ୍ଧିର ହାର ହେଉଛି ୦.୯୦% । ରାଜ୍ୟ ସର୍ବନିମ୍ନ ମଜୁରୀ ବୋର୍ଡର ୫୨ତମ ବୈଠକରେ ସବୁ ଦିଗକୁ ବିଚାର କରି ଏହା ଘୋଷିତ ହୋଇଛି । ରାଜ୍ୟ ଶ୍ରମ କମିଶନର ଡ଼ଃ. ଏନ୍ ତିରୁମାଳା ନାଏକଙ୍କ ସ୍ୱାକ୍ଷରରେ ଏହି ନିର୍ଦ୍ଦେଶାନାମା ଜାରୀ ହୋଇଛି । ରାଜ୍ୟରେ ଏବେ କରୋନା ପ୍ରବାବରେ ବ୍ୟବସାୟ ବାଣିଜ୍ୟ ମନ୍ଦୀଭୁତ ହୋଇଥିବା ବେଳେ ଶ୍ରମିକମାନେ ବି ସେପରି କାମଦାମ ପାଉନାହାନ୍ତି । ସରକାରୀ ଅନୁଦାନକୁ ପ୍ରାୟ ସମସ୍ତେ ଅପେକ୍ଷା କରିଛନ୍ତି । ସରକାରୀ ସହାୟତାକୁ ବାଟବଣା ନ କରି ଠିକ୍ ଭାବରେ ବିନିଯୋଗ କଲେ, ଶ୍ରମଭିତିକ କାମରେ ମେସିନ ନ ଲଗାଇଲେ ଶ୍ରମିକମାନେ କିଛିମାତ୍ରାରେ କାମ ପାଇ ଏଭଳି ଅଭାବ ସମୟରେ ପେଟ ପୋଷି ପାରନ୍ତେ ।

Live Share Market

मौषम का हाल

Delhi Weather