ଆବଶ୍ୟକୀୟ ଖାଉଟି ସାମଗ୍ରୀ ଅଧିକ ଦାମରେ ବିକ୍ରିକଲେ ହେବ କାର୍ଯ୍ୟାନୁଷ୍ଠାନ
ଯାଜପୁର ; ୦୯/୧୦ : ବଜାରରେ ଦରଦାମ ବୃଦ୍ଧିର ନିୟନ୍ତ୍ରଣ ନ ରହିବା ଜନସମାଜରେ ପ୍ରକାଶ ପାଇଛି । ଏପଟେ କୋଭିଡର ଭୟ ସେପଟେ ପନିପରିବା, ଆଳୁ,ପିଆଜ ଆଦି ଆବଶ୍ୟକ ସାମଗ୍ରୀର ଦରଦାମ ବୃଦ୍ଧି । ସାଧାରଣ ପରିବାରଲୋକେ ହେଉଛନ୍ତି ହନ୍ତସନ୍ତ । ଏଭଳି ସ୍ଥିତିକୁ ସାମ୍ନାରେ ରଖି ଯାଜପୁର ଜିଲ୍ଲାପାଳ ଚକ୍ରବର୍ତ୍ତି ସିଂ ରାଠୋରଙ୍କ ନିର୍ଦେଶକ୍ରମେ ସହକାରୀ ଯୋଗାଣ ଅଧିକାରୀ ପ୍ରହଲ୍ଲାଦ ସେଠୀ, ମାର୍କେଟିଂ ଇନ୍ସପେକ୍ଟର ଶୁଭାଙ୍ଗୀ ରାୟ ଯାଜପୁର ସହର ସ୍ଥିତ ଆଳୁ ଓ ପିଆଜ ହୋଲସେଲ ଦୋକାନ ଗ୍ରସ୍ତକରି ସମସ୍ୟାର କାରଣ ପରଖିଥିଲେ। ଅଧିକାରୀ ହୋଲସେଲ ଦୋକାନ ଗୁଡିକରେ ଥିବା ଷ୍ଟକ ସମ୍ପର୍କରେ ତଦାରଖ କରିଥିଲେ ଏଥି ସହ ବ୍ୟବସାୟୀଙ୍କ କାଗଜପତ୍ର ତନଖି ଥିଲେ। ଖାଉଟିଙ୍କ ପାଇଁ ଆଳୁ କିଲୋ ପ୍ରତି ୩୨/୩୩ଟଙ୍କା ,ପିଆଜ କିଲୋପ୍ରତି ୪୨/୪୪ଟଙ୍କା ପର୍ଯ୍ୟନ୍ତ ସର୍ବାଧିକ ମୂଲ୍ୟରେ ବିକ୍ରି କରାଯିବାକୁ ଯୋଗାଣ ଅଧିକାରୀ ଜି ପ୍ରଭାକର ପାତ୍ର ସୂଚନା ଦେଇଥିଲେ। ସ୍ଥିରୀକୃତ ମୂଲ୍ୟରେ ବିକ୍ରି କରାନଗଲେ ବିକ୍ରୟ କରୁଥିବା ବିକ୍ରେତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ କରାଯିବ ବୋଲି ଜିଲ୍ଲାପାଳ ସି ରାଠୋର କହିଛନ୍ତି।