ବାତ୍ୟା ‘ଦାନା’ ପ୍ରଭାବିତଙ୍କୁ ଖାଦ୍ୟ ବଂଟନ କଲେ ଧର୍ମଶାଳା ବିଧାୟକ ହିମାଂଶୁ ସାହୁ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଧର୍ମଶାଳା,୨୭/୧୦(ଉ. ନ୍ୟୁଜ୍ ବ୍ୟୁରୋ): ବାତ୍ୟା ‘ଦାନା’ର ପ୍ରଭାବରେ ଯାଜପୁର ଜିଲ୍ଲା ଏତେଟା ପ୍ରଭାବିତ ହୋଇ ନ ଥିଲେ ମଧ୍ୟ ଭୀଷଣ ବାତ୍ୟାର ଆଶଙ୍କା କରି ଗତ ୨୪ ତାରିଖ ଦିନ ଦୁର୍ଗତମାନଙ୍କ ପାଖରେ ଖାଦ୍ୟ ପହଚାଂଇବାର ବ୍ୟବସ୍ଥା କରିଥିଲେ ଧର୍ମଶାଳାର ବିଧାୟକ ହିମାଂଶୁ ଶେଖର ସାହୁ (ଲିକୁ) । ସମାଜସେବାରୁ ରାଜନୀତିକୁ ଆସିଥିବା ହିମାଂଶୁ ସର୍ବଦା ପ୍ରାକୃତିକ ବିପଦ ବେଳେ ଅଗ୍ରଭାଗରେ ରହି ଲୋକଙ୍କ ସେବା କରିଥାନ୍ତି । କରୋନା ସମୟରେ ସେ ବହୁ ବ୍ୟକ୍ତିଙ୍କୁ ସାହାଯ୍ୟ/ସହଯୋଗ କରିଥିବା ବେଳେ ଜୀବଜନ୍ତୁଙ୍କୁ ମଧ୍ୟ ଖାଦ୍ୟ ଯୋଗାଇଦେଇଥିଲେ । ଚଣ୍ଡିଖୋଲ ସ୍ଥିତ ଚଣ୍ଡିମନ୍ଦିର ଓ ମହାବିନାୟକ ପୀଠରେ ରହୁଥିବା ହଜାର ହଜାର ମାଙ୍କଡ଼ଙ୍କୁ ସେ ଖାଦ୍ୟ ଯୋଗାଇଦେଇଥିଲେ । କାରଣ ଏହି ସମୟରେ ମନ୍ଦିର ବନ୍ଦଥିବାରୁ ଏଠାକୁ କେହି ଆସୁ ନ ଥିଲେ । ଫଳରେ ମାଙ୍କଡ଼ମାନେ କିଛି ଖାଇବାକୁ ପାଇ ନ ଥିଲେ । କିନ୍ତୁ ଏକଥାକୁ ହିମାଂଶୁ ହିଁ ଠିକ୍ ଭାବେ ବୁଝିପାରି ସେଠାକୁ ଯାଇ ସେମାନଙ୍କ ବ୍ୟବସ୍ଥା କରିଥିଲେ । ବହୁ ଦୁଃଖି ରଙ୍କିଙ୍କୁ ଠିକଣା ସମୟରେ ସାହାଯ୍ୟ କରିବାରେ ହିମାଂଶୁ ବହୁ ଆନନ୍ଦ ପାଆନ୍ତି ।
‘ଦାନା’ ପାଇଁ କାଳେ କିଛି ବ୍ୟକ୍ତି ପ୍ରଭାବିତ ହେବେ ଓ ଖାଦ୍ୟ ସଂଙ୍କଟରେ ପଡିବେ ସେଥିଲାଗି ଲିକୁ ଏହାର ପୂର୍ବଦିନ ଧର୍ମଶାଳାର ବହୁ ଗ୍ରାମକୁ ଶୁଖିଲା ଖାଦ୍ୟ ଓ ଗ୍ରସେରୀ ସାମଗ୍ରୀ ପଠାଇଥିଲେ । ଯାଜପୁର ଜିଲ୍ଲା ଧର୍ମଶାଳା ବ୍ଲକ ଅର୍ନ୍ତଗତ ପଟୁଣିଆ ପଂଚାୟତରେ ତାଙ୍କ ଦ୍ୱାରା ଅନୁପ୍ରାଣିତ ହୋଇ ଯୁବକମାନେ ‘ଖେଚିଡି’ କରି ଘରକୁ ଘର ଯାଇ ପ୍ୟାକେଟ ବାଂଟିଥିଲେ ବୋଲି ରାଧାଦେଇପୁର ଗ୍ରାମର ପ୍ରଶାନ୍ତ ଗନ୍ତାୟତ କହିଛନ୍ତି । ପ୍ରାକୃତିକ ବିପଦ ବେଳେ ଲିକୁ ବାବୁଙ୍କ ଏପରି କାର୍ଯ୍ୟ ସବୁବେଳେ ବେଶ ପ୍ରଂଶସିତ ହୋଇଆସୁଛି ।
Loading ...
