ଭଦ୍ରଖର ଭଣ୍ଡାରୀପୋଖରୀ ବ୍ଲକରେ ବନ୍ୟା ପାଣି ଧାନ ଫସଲକୁ ଉଜାଡ଼ି ଦେଲା
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
ଭଣ୍ଡାରୀପୋଖରୀ, ୩୦/୦୮: ଓଡ଼ିଶାର ଭାତ ହାଣ୍ଡି କହିଲେ ବାଲେଶ୍ୱର ଓ ଭଦ୍ରଖ ଜିଲ୍ଲାକୁ ବୁଝାଏ । କାରଣ ଏହି ଜିଲ୍ଲା ଦ୍ୱୟରେ ଅଧିକ ପରିମାଣର ଧାନ ଅମଳ ହୋଇଥାଏ । ରୂଆ ପଦ୍ଧତିରେ ଅଧିକ ଅମଳକ୍ଷମ ଧାନ ଚାଷ ହୋଇଥାଏ । ଅଧିକ ଅମଳକ୍ଷମ ଧାନ ଗଛର ପ୍ରତିରୋଧକ ଶକ୍ତି ବେଶ କମ ବୋଲି କୁହାଯାଇଥାଏ । ତେଣୁ ଏହା ଉପରେ ୨-୩ଦିନ ବର୍ଷା ପାଣି ଓ ବନ୍ୟା ଜଳ ମାଡି ଗଲେ ଏହା ପଚି ନଷ୍ଟ ହୋଇଯାଏ । ବୈତରଣୀରେ ଆସିଥିବା ଚଳିତ ବନ୍ୟା ୨-୩ ଦିନ ତଳୁ ହ୍ରାସ ପାଇଥିବା ବେଳେ ଏବେ ଧାନ ବିଲସବୁର ପଚା ଦୃର୍ଶ୍ୟ ଦେଖି ଚାଷୀମାନେ ହତାଶ ହୋଇଛନ୍ତି । ସମୟ ଗଡ଼ି ଯାଇଥିବାରୁ ଆଉ ଧାନ ରୋଇଲେ ସେଭଳି ଅମଳ ହୋଇ ନ ପାରେ ଓ ମରୁଡ଼ିରେ ପଡ଼ିବାର ଯଥେଷ୍ଟ ସମ୍ଭାବନା ରହିଛି । ବ୍ଲକ୍ର ବିସ୍ତୀର୍ଣ୍ଣ ଅଂଚଳରେ ବନ୍ୟା ଜଳ ଚାଷ ଜମିରେ ମାଡିଯାଇ ଧାନ ଫସଲ ସହ ବର୍ଷାଦିନିଆ ପନିପରିବା ଚାଷକୁ ବି ଉଜାଡି ଦେଇଛି । ଭଣ୍ଡାରୀପୋଖରୀ ବ୍ଲକର ଅଧିକାଂଶ ଗ୍ରାମରେ ନାହିଁ ନ ଥିବା କ୍ଷତି ହୋଇଛି । ବିଲ ଓ ପଡ଼ିଆସବୁ ପଚିଯାଇଥିବାରୁ ଗାଇ ଗୋରୁଙ୍କ ପାଇଁ ଏବେ ବଡ଼ ସମସ୍ୟା ସୃଷ୍ଟି ହୋଇଛି । ନିମ୍ନରେ ଭଣ୍ଡାରୀପୋଖରୀ ବ୍ଲକର ଝୁଟୁଂନା ଓ ତେସିଙ୍ଗା ଗ୍ରାମ ପଂଚାୟତର ଚାଷ ଜମିର ଦୃର୍ଶ୍ୟକୁ ଦେଖି ଆକଳନ କରାଯାଇପାରେ ସେଠାକାର ବନ୍ୟା ପରର ସ୍ଥିତି । ତୁରନ୍ତ ଚାଷୀମାନଙ୍କୁ ସରକାର ସହାୟତା କରିବାକୁ ଦାବୀ ହେଉଛି ।
Loading ...
