ଆଜି ଓଡ଼ିଶା କ୍ରିକେଟ ସଂଘ ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲ
From Childhood & till date I am fond of to do Social Works, Plantation Works, helps others who need especially Labouerers, Poors, trying to keep up Environment good etc……………I am fighting to give Social Justice who depends me & strongly working against Corruptions. I am emphasized on collective works. Patriotism & Honest Labour is my Motto……Jay Bharat
କଟକ, ୨୧/୧୦(ଉ. ନ୍ୟୁଜ୍ ବ୍ୟରୋ): ଆଜି ଶୁକ୍ରବାର ପୂର୍ବାହ୍ନ ୧୦ଟା ୩୦ ମି.ରୁ ଆରମ୍ଭ ହେବ ଗୁରୁତ୍ୱପୂର୍ଣ୍ଣ ଓଡ଼ିଶା କ୍ରିକେଟ ସଂଘ (ଓ.ସି.ଏ) ନିବାଚନ ପାଇଁ ନାମାଙ୍କନ ପତ୍ର ଦାଖଲ । ଏହା ଓ.ସି.ଏ ସମ୍ମିଳନୀ କକ୍ଷରେ ଅପରାହ୍ନ ୫ଟା ପର୍ଯ୍ୟନ୍ତ ଚାଳିବ । ୧୯୬୧ ମସିହାରୁ ପ୍ରତିଷ୍ଠିତ ଓ.ସି.ଏ ଏକ ସମୃଦ୍ଧ ତଥା ଗୁରୁତ୍ୱପୂର୍ଣ୍ଣ ଓ ସମ୍ମାନଜନକ ସଂଘ । ଏହା ବି.ସି.ସି.ଆଇ ଦ୍ୱାରା ଅନୁମୋଦିତ । ବର୍ତମାନ ସଭାପତି ପଦରେ ପଙ୍କଜଲୋଚନ ମହାନ୍ତି ଥିବା ବେଳେ ଓସିଏ ସଂପାଦକ ପଦରେ ଅଛନ୍ତି ସଂଜୟ ବେହେରା । ଆଜିର ନାମାଙ୍କନ ପତ୍ର ଦାଖଲ ନେଇ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଚିଂଛି । ସମ୍ମାନଜନକ ସଭାପତି ପଦବୀ ପାଇଁ ଯାଜପୁରର ବିଧାୟକ ତଥା ରାଜ୍ୟ ରାନୀତିରେ ପ୍ରଭାବଶୀଳ ଭୂମିକାରେ ଥିବା ରାଜ୍ୟ ବିଜେଡ଼ି ସଂଗଠନ ସଂପାଦକ ପ୍ରଣବ ପ୍ରକାଶ ଦାସ ନାମାଙ୍କନ ପତ୍ର ଭରୁଥିବା ବେଳେ ସାଧାରଣ ସଂପାଦକ ପଦ ପାଇଁ ପୁଣି ସଂଜୟ ବେହେରା ଓ ଉପ-ସଭାପତି ପଦ ପାଇଁ ଶିଳ୍ପପତି ପଙ୍କଜ ଲୋଚନ ମହାନ୍ତି ନାମାଙ୍କନ ପତ୍ର ଭରୁଥିବାର ଜଣାଯାଇଛି । ବଳକା ଆଉ ୦୩ଟି ପଦବୀ ପାଇଁ କିଏ ନାମାଙ୍କନ ପତ୍ର ଭରିବେ ତାହା ଆଉ ମାତ୍ର କେଇ ଘଂଟା ପରେ ଜଣାପଡ଼ିଯିବ । ସୂଚନାଯୋଗ୍ୟ, ଶକ୍ତିଶାଳୀ ସଂଜୟ ବେହେରାଙ୍କ ପ୍ୟାନେଲର ସମସ୍ତ ସଦସ୍ୟ ଏକାଠି ହୋଇଛନ୍ତି । ନିର୍ବାଚନକୁ ଅବାଧରେ ଜିତିବାକୁ ଯୋଜନା ପ୍ରସ୍ତୁତ କରୁଥିବା ବେଳେ ପ୍ରତିପକ୍ଷ ବିରୋଧି ଗୋଷ୍ଠୀରୁ ନବରଂଜନ ପଟ୍ଟନାୟକ ମଧ୍ୟ ତାଙ୍କର ରଣକୈାଶଳରେ ଅଛନ୍ତି । ୭୩ଜଣ ଭୋଟରଙ୍କ ମଧ୍ୟରୁ ଅଧିକାଂଶଙ୍କ ସଂଜୟଙ୍କ ପ୍ୟାନେଲ ପ୍ରତି ପୂର୍ଣ୍ଣ ସମର୍ଥନ ଥିବାର କୁହାଯାଉଥିବାରୁ ପ୍ରଣବ ପ୍ରକାଶ ଦାସ (ବବି) ସମ୍ମାନଜନକ ଓସିଏର ନୂତନ ସଭାପତି ପଦରେ ଅଳଙ୍କୃତ ହେଉଥିବାର ଆଶା ସଂଚାର ହୋଇଛି । ସବୁ ଏକ ପ୍ରକାରର ଭିତରେ ଭିତରେ ଚୂଡ଼ାନ୍ତ ହୋଇଥିବା ବେଳେ ନିର୍ବାଚନ ଖାଲି ଫରମାଲିଟି ଭାବେ ହେଉଥିବାର ଚର୍ଚ୍ଚା ଯୋର ଧରିଛି ।
ଏହି ନିର୍ବାଚନ ପାଇଁ ଆସନ୍ତା ୨୨/୧୦ରେ ତାଲିକା ପ୍ରସ୍ତୁତ ହୋଇ ଆପତି, ଅଭିଯୋଗର ଶୁଣାଣି ହେବ । ଏହା ପର ଦିନ ଅର୍ଥାତ୍ ୨୩/୧୦ରେ ଏଥିନିମନ୍ତେ ଚୂଡ଼ାନ୍ତ ପ୍ରାର୍ଥୀ ତାଲିକା ପ୍ରକାଶ ପାଇବ । ଏହାର ୦୫ ଦିନ ପରେ ଆସନ୍ତା ୨୮/୧୦ରେ ନିର୍ବାଚନ ହୋଇ ଫଳାଫଳ ପ୍ରକାଶ ପାଇବ ।
Loading ...
